اللي تعرف لا تبخل علي لحياة صحية

عنوان الموضوع : اللي تعرف لا تبخل علي لحياة صحية
مقدم من طرف منتديات الضمير العربي

شحالكن خواتي
عندي كم سؤال وبغيت أتخبركن عنه؟؟
أنا حامل فالشهر الثامن وكانت آخر دورة لي 23/9/2017 وعطوني موعد الولادة 30/6/2017 المهم من أسبوع تقريبا سويت صورة فمستشفى توام وقالتلي النيرس إنتي فالثامن الأسبوع 32 ووزن البيبي كيلو و700 جرام وموعد الولادة 30/6/2017 والبارحة سرت عند الدكتورة رخاء أبا أسوي صورة ملونة عسب أحطها فألبوم البيبي وهاي مش أول مرة أراجع عندها صدمتني وقالتلي أنا ما أعرف ليش الجهاز يعطيني تاريخ الولادة متأخر تخيلو عطاها 25/7/2017 أونه أنا فالأسبوع 29 كييف؟؟ وتمت مني مناك مرة تقيس بطنه ومرة تقيس عظمة الفخد ومرة الماي اللي حوالينه نفس الشي يعطيها الولادة متأخرة مع أنه قبل يوم سرتلها كان يعطيها نفس موعد الولادة اللي عاطيني إياه توام وعطاها حجم البيبي كيلو و600 جرام يعني نزل فأسبوع 100 جرام كيف؟؟
قالتلي يمكن حجم البيبي صغير عسب جي يعطينا الولادة متأخرة بس أنتي تخلصين التاسع 30/6/2017 ألحين إذا أنا أخلص التاسع 30/6 كيف موعد الولادة بيكون عقب أسبوعين تقريبا من هالتاريخ؟؟
وأبا أعرف كم يكون حجم البيبي فالشهر الثامن؟؟
دخيلكن ردن علي ؟؟هاسالفة سوتلي أزمه ومظيجتبي..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ما عرف شو اقولج

بس انشالله ربي يطمن بالج

بس بعد ختي روحي لاكثر من طبيبة عشان تقطعين الشك بالقين

__________________________________________________ __________

>>>> الرد الثاني :

اميه لا يقطن عليج هالدكتورات وحده جذيه قالولها وعقب توكلي على الله يوم بيرد الله بتربين

__________________________________________________ __________

>>>> الرد الثالث :

الله يطمنج إن شاء الله ..
ويحفظ إلي في بطنك اللهم آمين...

حبيت أدعي لج وإلا ما عندي فكرة عن هـ الموضوع...

__________________________________________________ __________

>>>> الرد الرابع :

لا تضايجين بروحج .... حتى لو عطوج موعد الولادة مب معناته 100 %
يمكن تربين قبل الموعد باسبوعين او بعد الموعد باسبوعين
وهذا اللي يقرره رب العباد
فلا تقعدين تحاتين وتروحين يمين وشمال والموعد اللي عطوج اياه مستشفى توام 30/6 هو الاضبط فتوقعي الولاده قبله او بعده وكثرة الصور مب زينه بعد والله يوفقج يارب ويسهل عليج

__________________________________________________ __________

>>>> الرد الخامس :

حبوبه انا تاريخ آخر دوره عندي كانت 19-9 وعطوني موعد الولاده 26-6
وانتي دورتج عقبي بـ 4 ايام صح يعني بتكملين التاسع في 30-6

والجهاز يخرف ساعات ماعليج .. وعن الوزن مادري الصراحه
انا آخر مره جيكت قبل اسبوع كان وزنه في حدود 2،6 ماشاءالله