خواتي حابة اخذ رايكم لسلامتك
عنوان الموضوع : خواتي حابة اخذ رايكم لسلامتك
مقدم من طرف منتديات الضمير العربي
https://4arab.xplainer.net/images/smilies/rad.gif
شحالكم كروووشات و شحالهم الكتاكيت
خواتي امس كنت اسولف انا وخواتي وامي
و سولفننا عن تجهيزي لهالبيبي امي تقولي لا تشتريله الا الشغلات الضروريه
لان انا عندي توام بنت وولد توهم اعمارهم 6 شهور و عندي ملابسهم مو لابسينهم وايد
يعني ملابس للجنسين عندي والوالده تقولي خليهم للبيبي الجديد ان كان ولد او بنت استفاد منهم
وانا كنت ناويه بس اخلص من الوحام ابدي اطلع للسوق وابدي اجهز للبيبي ابي اخلص تجهيزاتي قبل ماادخل السادس و اثقل و من غير شي توامي الله يحفظهم الطلعه ثقيله معاهم فابي اخلص يعني
بس مب عارفه شسوي البيبي كاسر خاطري ماابي البسه لبس اخوانه لازم يلبس يديد
حتى ريلي جذي يقولي يقول اخذي كل شي يديد
بس امي خلتني اتردد فشنو تنصحوني اسوي انا فكرت ملابس عيالي اتبرع فيهم و هالبيبي اجهزه كل شي يديد ياريت تعطوني رايكم فديتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اذا انتي مش مقتنعه اشتري
واذا ما عندج مشكله انج تلبسين البيبي من الباس اخوانه
لبسيه منهم وفي نفس الوقت ... خذي كم شي يديد .. عشان تجددين وتحسين انه في بيبي يديد ياي
وممكن تودين الملابس الهلال الاحمر .. فايده واجر..
__________________________________________________ __________
>>>> الرد الثاني :
صدقها الوالده ... خذي الاشيا الضروريه ... دام ماشاء الله عندج ثياب يديده وصالحه للاستعمال ليش ما تستخدمينها للمولود الجديد... حبيبتي كلوا واشربوا ولا تسرفوا ان الله لا يحب المسرفين
لاتسرفين حبيبتي خذي بس الاشيا الي ناقصتنج
__________________________________________________ __________
>>>> الرد الثالث :
انا اقول ليش المخاسير !!
حرآم اليهال بسرعه يكبروون يعني اكيد ثياب التوم مالبسوهم وايد
تبين رايي .. اذا انتي ف خاطرج تشترين للبيبي شي يديد .. خذيله بدل يديده بس لاتكثرين
والباقي لبسيه مال قبل خاصه ف البيت .. لان اليهال ماشاء الله عليهم بسرعه يكبرون يعني حرام الواحد يشتريلهم وايد ثياب واخر شي ماينلبسون غير مرة ومرتين
__________________________________________________ __________
>>>> الرد الرابع :
اشتري كمن لبس للمستشفى ولطلعات وملابس التوم لبسيه في البيت
__________________________________________________ __________
>>>> الرد الخامس :
مشكورات خواتي فديتكم
خلاص بشتريله ملابس للطلعة و ملابس كشخه للمستشفى وللاستقبال
وملابس التوم اخذ اليديد منهم و الباجي اتبرع فيهم
و طبعا اخذله اثاث
مب عارفه هالبيبي كاسر خاطري فديته ماابي افرق بينه وبين التوام
الله يسهل عليكم خواتي ويقومنا بالسلامه
