اول ما حملت عطوني موعد ولاده 16-7 وقالولي ان حملج متاخر لان اذا طبيعي ع موعد اخر دوره 24-9 المفروض اربي 30-6
المهم انا راجعت عند برافينا في ان ام سي والحمدلله كل شي كان اوكي ومن دشيت التاسع راس البيبي تحت بس الدكتوره قالتلي ان بعدها ما نزلت الحوض وقالتلي اذكر تعالي اوسعلج لان عنق الرحم ضيق ..
بس انا مارحت لان الكل نصحني اني ما اسير واصبر
في يوم 13-7 نت عند امي وشفت شي بني فاتح نزل مني راويته امي قالتلي اليوم والا باجر بتربين باذن الله ما استوعبت ولا حطيت شي في بالي طبعا انا من دشيت التاسع كنت اروح امشي ساعات وساعات اطلع وانزل عالدري واسوي تمرين الحوض اللي هو اوخي واتم شوي وارد اقوم لان كل حد كان يشوفني يقولي انتي بعدج مطوله والبيبي بعدها فوق ما نزلت
https://4arab.xplainer.net/images/smilies/frown.png وكان يجيسني احبااااااااااااط
يوم رديت البيت الساعه 3 ونص الفجر جاني الم مثل الم العاده بس اقوى شوي ويروح ويرد ... ما عرفت شو اسوي ولا رمت ارقد من الزياغ قلت بصبر وشوي قلت بقوم اتسبح احسن يوم دخلت اتسبح والا اشوف دم قمت اتصلت فالمستشفى قالولي تعالي احسن يوم دم نزل عليج
.. قلت بصبر الين قريب ينش ريلي عشان ما اغثه في رقاده
وعيته الساعه 6 لان الوجع قام يزيد علي وسرنا المستشفى يت الدكتوره المناوبه قالتلي فاتح 2
https://4arab.xplainer.net/images/smilies/frown.png ودكتورتي قالولي بتي الساعه 9 قلت حق ريلي سير الدوام واذا استوى شي بتصلبك
يت دكتورتي وشيكت علي وقالت بعده فاتح 2 بنصبر الين 11 يتني مره ثانيه وبعد نفس الشي مع ان الالم كان يزيد علي ... وبعدين قلتلهم خلوني ارد البيت وبرد اذا استوالي شي قالولي لا لازم اتمين تحت الملاحظه انتي بتربين اليوم ..
اتصلت في ريلي وامي وعمتي
كلهم يوني وتمت عمتي تقرا علي وانا الالم يزيد فيني وريلي ياني بعد الدوام يلس عندي شوي وظهر كان بس يدخل يشوفني اتالم ويطلع .
سلفتي بعدين يتني وتمت عندي حليلها وتمت تهديني ..
الين العصر نفس الشي 2 قامت الدكتوره وسعت بايديها وانا اتالم قالولي امشي مشيت شوي ورديت ما قدرت ويتين المغرب بعد نفس الشي ف قرروا يعطوني تحميلة ياللاه ياهالتحميله شو سسوت فيني ..
اولردي الحبل السري كان عند رقبتها فديتها عشان جيه الدكتوره كانت خايفه وقالت احتمال كبير قيصريه بس قالولي لا اصبري وفي دكتوره ثانيه كانت تقول لا ترومين طبيعي !!!
المهم عقب المغرب الالم زاد وااايد زقمت اصارخ ما رمت ازخ عمري وكان الالم اكثر في ظهري
https://4arab.xplainer.net/images/smilies/frown.png والله ما ابى اذكر هاك اليوم
وفوق ها ما كنت راقده وكنت احس بتعب ويابولي اوكسجين يحطونه يوم اتعب وانا موووول هلكانه رقاااد والم وكل شوي اشوف حد جديد فالغرفه الا اشوف ابوي واخوي وربيعتي وعموتي وبنتها ما شاء الله كل حد درا ......... هععهعهعهعهههع
اول ما شفت ابوي واخوي تميت اصيـــــــــــــــــــــــــــــــــــح
ردت الدكتوره عقب اتشك قالت فتح 4 استااااانست وفتحتلي الماي
ياللاه يوم فتحت الماي شكثر زاااد الوجع
خلاص ما قدرت اتحمل اكثر
ردت عقب ساعتين اتشيك ونفس ماهو واسمعها ترمس عمتي وسلفتي وتقولهم نبض البيبي بدا يضعف وهالشي مب لصالحها ولا لصالح البيبي
وانا اصيح وهم يقولون لي اذكري الله وانا اقول خلاص مب قارده شلوها عني ما باها ما باى اربي خلاص ابى ارد البت واصيح واتالم
عالساعه 11 يت اخر مره الدكتوره المناوبه اتشيك قالت فتح 7 و ودوني غرفة الولاده عشان تتغير نفسيتي الين ما اتي دكتورتي وانا اقولهم ها اسوي بوش وهم يقولون لاااا لازم يفتح 10 وانا اصيح اقولهم خلاص ابى اربي تعبت ما اقدر
يت دكتورتي وشيكت قالت لا ما ينفع لازم قيصريه لان البيبي ما نزلت فالحوض
https://4arab.xplainer.net/images/smilies/frown.png
وعب تميت ازاعج اقولهم خلاص ودوني قيصيريه خلاص مابى مابى حد يشيك علي مره ثانيه تعبت خذوا توقيعي وتوقيع ريلي وقالتلي دكتورت يبشييك عليج مره ثانيه قلتلها لا خلاص ارجوج مابى
حولوني غرفة العمليات سلمت على عمتي وسلفتي وريلي وامي ما خبروها الين ما طلعوا البيبي لانها ما كانت تبى عمليه
عاد يوم دخلت تموا 10 دقايق يحاولون يعطوني المخدر اللي فالظهر ...
وعقب التخدير قامت دكتورة التخدير اترمسني وتقولي ان الدكتوره يالسه تفتح الحين وكذا وكذا....بعدها بشوي قالتلي الحين بنطلع البيبي وياللاه يالشعور اللي كنت حاسه فيه
قالتلي بتحسين بضغط .. يا دكتوره ورايه ودز بطني ع جدام والا تقولي الدكتوره هاذي بنتج طلعت وانا اقولها وين ما اسمعها ما اسمعها تصيح ليش ..قالتلي لا هاذي تصيح والا شوي واسمعها فديتها يااااااااااااااربي ... نظفوها ويابولي اياها عند راسي بستها و ودوها عند اهلي ...
خاطو العمليه وطلعوني وشفت اهلي وامي تمت تصيح وتقولي ليش بنتي سويتي عمليه .. لكن قدر الله ما شاء فعل....
والحمدلله تم كل شي ع خير ...
