الاستغفار + البردقوش = لا تكيس بعد اليوم لحياة صحية

عنوان الموضوع : الاستغفار + البردقوش = لا تكيس بعد اليوم لحياة صحية
مقدم من طرف منتديات الضمير العربي

السلام عليكم ورحمة الله وبركاته
مبروك عليكم الشهر وان شاءالله ما يخلص رمضان هالسنة الا وكل محرومه الله يرزقها

بدخل في الموضوع سيده
الغاليات بقولكم سالفتي وان شاءالله تستفيدون .. واباكن تدعن لي ان الله يرزقني اخو او اخت لولدي

المهم اللي صارلي يا حلوات ... تعالجت عند فوفو فترة وقالت لي انه فيني ضعف تبويض وعطتني كلوميد وما حملت رجعت لها قالت لي لازم اعطيج ابر قلت لها اوكي .. عطتني كل يوم ابره لمدة خمس ايام مع الكلوميد .. جان تستوي الطامه الكبرى وما طاعت تنزل الدوره وفحصت حمل في البيت وطلع سالب وسويت فحص دم كان عندي امل ومستانسه من خاطري .. بس للأسف طلعت مب حامل ويوم تعالجت في الجيمي وودرت فوفو اكتشفت انه الحبوب والابر سببت لي تكيس وكيس ماي عود على المبيض اليمين وصل حجمة 7 و 8 سم وايد تروعت وحسيت انه خلاص ماشي امل احمل لين ما قريت في النت انه البردقوش زين للتكيسات .. جان اطرش ريلي وياب لي من الخاجه بردقوش في غرشه وفيها زعتر ولبان .. وتميت اشرب منها لين ما خلصتها ومن يومين سرت اتطمن عند الدكتورة رخاء والحمدالله راااااااااااااااااح ونزل مع الدورة وعلى فكرة الدورة ما نزلت الا بحبوب الدفاستون .. والحمدالله والدكتورة امس قالت لي الرحم نظيف وكل شي طبيعي و في بويضات على المبيض اليمين واليسار وعطتني موعد عشان تشوف التبويض اوكي والا لاء

قلت لكم سالفتيه عشان تستفيدون لانه البردقوش ممتاااااااااااز وانا بعدني مستمره عليه لين يستوي الحمل باذن الله ... وما انسى اقولكم شي مهم اني مواضبه على الاستغفاااااار يوميا وين ما كنت

والله يشفينا ويشفي كل مريضه ويرزقنا ياااااااارب
والسموحه على الاطاله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمين أختي العزيزة ..
بالفعل الكلوميد والابر وايد تسبب تكيسات إذا استمريتي عليهم وايد ..
أنا كنت أعالج ويا فوفو من فترة طويلة وكله كلوميد وبعدين ابر.. وزادت مشكلة التكيس
وصار وياي كيس ماي على المبيض اليسار لحد ما اضطريت أسوي منظار للتكيسات
بالرغم من أني تحجمت وشربت المردقوش بس المشكلة التكيس كانت كبيرة وايد عندي ...

ان شاء الله البنات يستفيدون من تجربتج وان شاء الله ربي يرزقنا بالحمل القريب اللهم آمين

__________________________________________________ __________

>>>> الرد الثاني :

هلا عزيزتي

بالفعل البردقوش مفيد.. وانا مستمره عليه من اكثر من شهرين... ونتايجه ممتازه ولله الحمد

__________________________________________________ __________

>>>> الرد الثالث :

الحمد الله ان رااح عنج حبوبه ..

انا عندي المردقوش بس مش دووم اشربه يعني قولي في الاسبوع مره او مرتين .. اتعاااايز اروح اسوي لي ..


بحاااول ان شاء الله اشربه كل يووم

بسألج كم مره كنتي تشربينه ؟؟ واللي كنتي تستخدمينه ماي ولا ورق ناعم ؟؟

والله يفرحج ان شاء الله هالشهر بالذريه الصالحه .. يااااااااارب

__________________________________________________ __________

>>>> الرد الرابع :

ربي يرزقج ان شالله بالذريه الصالحه ’’,,

__________________________________________________ __________

>>>> الرد الخامس :

اممممم ,, بس من وين يشترونه ؟؟ حد يعرف مكان محدد في الشارجة او دبي او عيمان ؟؟ وكيف نستخدمه ؟؟؟