حد صارلها نفسي.... هرمون حمل ضعيف لصحتك

عنوان الموضوع : حد صارلها نفسي.... هرمون حمل ضعيف لصحتك
مقدم من طرف منتديات الضمير العربي

السلام عليكم والرحمه

الله يطمن قلوبكم طمنوا قلبي..
اليوم سرت المستشفى لان الدوره تأخرت عندي 9 أيام
سوتلي الدكتوره فحص الحمل اولا فحص البول .. الله يعزكم
ما بين الحمل ابدا
عقب سوت فحص الدم ... طلع الحمل بنسبه ضئيله ... أنا من الصدمه ما سمعت النسبه زين بس اذكر 4
السستر اللي في المختبر ... قالت انت يادوبك حامل
ويوم وصلت ورقة الفحص عند الدكتوره قالتلي .. الله يتمم على خير لان الهرمون ضعيف
الحين شو السالفه ... تأخر حمل والا في خطر والا شو؟؟
حد صارلها نفسي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يارب تكونين حامل

وربي يتمم على خير

__________________________________________________ __________

>>>> الرد الثاني :

يمكن توج حامل وان شاء الله الهرمون بيرتفع أكثر

__________________________________________________ __________

>>>> الرد الثالث :

حبيبتي شي عآدي هذآ ..

الحين خفيف وكل مآ تكملين أكثر بيرتفع

وآيد عندج .. يعني اتريي اسبوع وافحصي

بتجوفيه ارتفع واتريي اسبوع بعدهـ بتجوفينه

ارتفع أكثر يعني لآ تحآتين حملج طبيعي بإذن ربج

وريحي عمرج ولآ تتحركين وآيد ..


https://4arab.xplainer.net/images/smilies/smile.pnghttps://4arab.xplainer.net/images/smilies/smile.png

الله يوفقج حبيبتي ومبروك ع الحمل

__________________________________________________ __________

>>>> الرد الرابع :

عقب يومين ردي سوي التحليل مره ثانيه
عادي يكون حمل متأخر
الله يطمن قلبج ان شاء الله وينولج اللي في بالج

__________________________________________________ __________

>>>> الرد الخامس :

حبيبتي عااادي هذا لانه توووج حاامل
انا تاخرت عني الدورة شهرين وسويييت ولا 20 فحص حمل مابين شي وعقب سرت المستشفى سوولي فحص بوول وانتي بكرامه مابين شي
متى بين؟؟
يوم سويت فحص الدم وكااان ضعيييييييف بالنسبه لتاخر الدورة كان 11 بس مع انها متاخره شهرين