سالفتي مع نزول الدم.... لصحة الجسم
عنوان الموضوع : سالفتي مع نزول الدم.... لصحة الجسم
مقدم من طرف منتديات الضمير العربي
السلام عليكم و رحمة الله وبركاته
اشحالكم عساكم بخير..
مثل ما تعرفون انا حامل في الاسبوع الثامن واايد احاتي و خصوصا ها اول حمل لي.. المهم يوم الاثين كان عندي موعد عشان اسمع النبض
وسوت لي الدكتوره سونار و الحمدالله بين النبض و قالت ان حملي سليم و طبيعي استااااااااانست وااايد و حمدت ربي..
وعطتني حبوب الدفاستون قالت عشان التثبيت و عطتني فيتامين سي لاني زجمانه و فيني كحه و هو عباره عن فوار اتحطينه في الماي
المهم يوم رديت البيت خذت الحبوب و باليوم الثاني الفير نشيت اصلي شفت نازل علي دم احمر خفت وااايد ويوم مسحت شفت الكلينكس كله دم وكان عندي امتحان حزتها واااايد كنت احاتي قلت بعد ما اخلص الامتحان بسير على طول المستشفى اتصلت علي دكتورتي قالو لي جدولها فل بس سيري الطواري شي دكتوره ثانيه هناك بتكشف عليج..
المهم بعد ما خلصت امتحاني رديت البيت قلت بتريا لين ما يوقف النزيف و اذا ما وقف حزتها بسير و يوم وصلت البيت دخلت الحمام عزكم الله شفت مثل خيوط سوده نازله عليه خفت قلت لا خلاص ها اجهاض و على طول قلت حق ريلي يشغل السياره المهم سرت مستشفى ميدكير اللي اراجع فيه انا ويلست في الطواري ساعتين و عقب يتنا النيرس قالت ان الدكتوره اللي بتكشف عليج حاليا عندها عمليه و الساعه 3 بتخلص و توها كانت الساعه 2 ريلي عصب قال قومي بنسير مستشفى ثاني قلت له ما فيني انش تعبانه ما عليه بنتريا و يلسنا لين الساعه 3 الظهر وعقب زقروني دخلت عند الدكتووره شكلها مول ما يشجع تمت تسألني اساله و قالت لي ابا اشوف الدم اللي نازل عليج ويوم يت اطالع شفت ان ما شي و لا قطره دم جان اتقول ها يسمونه حمل مهدد يعني اجهاض خرعتني يعني من دون ما اطمني مثلا اتقول لا يمكن جي و لا جي على طول قالت لي حمل مهدد وانا خواتي قالو لي يمكن لان موعد دورتج باجر عشان جي نزل عليج هالدم وعلى فكره كان من دون الم و انا قلت يمكن من حبوب دفاستون ما كنت ادري شو بالضبط ..المهم قالت اللي بيسويلج سونار ريال قلت لها ما عليه اهم شي اطمن ودخلت عن دكتور هندي سوالي سونار و انا طول الوقت يالسه على اعصابي اتريا يتكلم يوم خلص قال
Don’t worry everything is good
واستانست و ارتحت نفس الوقت وطرت عند ريلي و طمنته مسكين غمضني اجازته كانت امس و كنا متفقين على طول ان بعد الامتحان نطلع السينما وانا خيسته في المستشفى
المهم وصلت البيت و كانت افرازات بسيطه لونها بني فاتح و مرات اتكون حمرا وانا محتاره ما اعرف شو السبب ولين اليوم تنزل علي افرازات لونها مايل للاسود و البني .. حد ممكن يفيدني
وعادي اصلي و لا لا
والسموحه جان طولت عليكم.. ودعواتكم الله يثبت حملي يا رب.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
هلا حبوبه استمري عالدوفستون وانسدحي عظهرج وارفعي رويلاتج انا بصراحه كل ماينزل مني افرازات بنية اسوي هالحركه والحمدلله الحين ماينزل شي وحاولو تخفون من الجماع لانه بصراحه انا اشوفه وايد ياثر وبعد حاولي تريحين ولا تكثرين من الطلعات يعني قري فبيتج والوسواس الي فيج اتلاهي عنه شوي
الله يهون عليج ولا تحاتين انشالله خير
__________________________________________________ __________
>>>> الرد الثالث :
الله يثبت حملج ويطمنج
بس انتي ارتاحي
__________________________________________________ __________
>>>> الرد الرابع :
الحمدلله انه evreytheing is good
و ربي يطمن قلبج ان شاءالله
__________________________________________________ __________
>>>> الرد الخامس :
الله ايتثبت لج حملج......حاولي اتروحي لدكتورة ثانية
