تعبت و ما في حد حاس فيني ....... للصحة
عنوان الموضوع : تعبت و ما في حد حاس فيني ....... للصحة
مقدم من طرف منتديات الضمير العربي
مرحبا خواتي بدخل في السالفة على طول انا شهر الياي بكمل سنة من تزوجت حملت اول مرة بعد سبع شهور من العرس و بعد شهرين اجهضت و للحين ما حملت و الحمدلله ان حتى بعد الاجهاض الدورة كانت منتظمة و كل حد كان يقول لي ان اول حمل عادي يستوي اجهاض و دام حملتي بعد الاجهاض بفترة يستوي حمل و انا من هذاك الوقت لين اليوم متاملة و كل ما تيني الدورة اتضايج و احس ان خلاص ما ابي احاول مرة ثانية و كل شهر على هالحال و اللي يضايقني اكثر ان كل ما اسير العيادة و الدكتورة تكشف و تقولي كل شي اوكي و عندج بويضات جاهزة للتلقيح و سوي ايام الفلانية و بشريني اخر الشهر و كل مرة نفس الكلام و احس خلاص اني حامل و اخر شي تنزل الدورة انا تعبت نفسيا و ما خليت شي ما سويته و ريلي كل ما كلمته عن الفحص يتضايق و يقوللي دام انج حملتي مرة معناته ما فيني شي و سالت الدكتورة مرة و قالت لي مب لازم يسوي فحص . انا الحين تعبت و مليت و خايفة الموضوع يطول اكثر و امه كل اسبوعين تسالني اذا في شي حتى ساعات اكون تعبانة اخاف اتكلم او ما اسير بيتهم و يتحروني حامل و ما ابي اخبر. خواتي يقولولي اني مستعيلة و ان كل شي بوقته من رب العالمين انا عارفة هالشي و الحمدللة اني ملتزمة و مؤمنة بالله و قدره بس لان كلهم ماشالله حملن بعد العرس بفترة بسيطة و ما حسوا باللي احس فيه. قولوا لي خواتي شو اسوي و بشو تنصحوني و عند اي دكتورة اسير و اذا تقدرون ادعولي الله يرزقني عاجل غير آجل يا رب العالمين .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي توج عرووس ليش مستعيله الحين اول سنه لج ودام حملتي اول مره ان شاء الله في امل ..
والدكتوره طمنتج الحمدلله يعني ما فيج شي ... حطي الرحمن فصدرج ولا توسوسين .
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الله يرزقج الذرية الصالحة
__________________________________________________ __________
>>>> الرد الرابع :
الله يرزقج الي بخاطرج بس نفس كلام البنات دام الله رزقج اول مره بتحملين ان شاء الله قريب
__________________________________________________ __________
>>>> الرد الخامس :
الغالية انا مريت بالا مريتيبه الله يكون ف عونج
بس نصيحة لوجه الله في شهر من الشهور لا تحطين ف بالج انج بتحملين
اشغلي عمرج ولا تفكرين بالحمل
صدقيني بتضبط
انا طولت لين حملت والشهر الا حملت فيه كنت ناوية اسافر فيه شغلت عمري بالسفر
بس سبحان الله الحمدلله صار حمل
الله يرزقج الذرية الصالحة يارب
استغفري ربج وايد واقري سورة البقرة وانسي سالفة الحمل شهر او شهرين وان شاءالله خير
