رجاء ساعدني فديتكن لصحة الجسم
عنوان الموضوع : رجاء ساعدني فديتكن لصحة الجسم
مقدم من طرف منتديات الضمير العربي
اول شي صباح الخير شحالكن كلن بحاله عساكن الا بخير وعافيه
تبن الصراحه عندي كذا مشكله وابي منكن الحلول والمساعده ع الاقل
اول شي ابيكن ويلي عندها خبرها تحسبيلي مدة الحمل لان بصراحه موعده الدوره عندي 35 يوم تقريبا
اخر دوره كانت ب 7/4/2017 واليوم التاريخ 3/6/2017
ثاني سؤال الين هلحين ماسرت عند اي دكتوره للفحص والمعاينه لان بصراحه انا مسافره واكثر الاطباء هني ريايل ومب حريم وانا استحي الصراحه فهل هناك اي خطر على الجنين لان ماسرت العياده او خذيت اي فيتامين او حبوب
ثالث سؤال فديتكن انا احامل ومرضع بنفس الوقت عمري ولدي تقريبا سنه وشهر وابي افطمه لانه تعبانه والوحام ملوع بجبدي بس ريلي يقولي صبري لحد مانرجع البلاد هناك بيكون اسهل عليج بين الاهل
شقايل قدر افطمه يعني شو اقدر احطي على حلمة صدري عشان تبعده شويه عني
اترد الرد فديتكن بسرعه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاء الله البنات ما بقصرون وياج
__________________________________________________ __________
>>>> الرد الثاني :
انشاءالله البنات يفيدونج
والله يرزقني في القريب العاجل
__________________________________________________ __________
>>>> الرد الثالث :
مرحبا اختي بالنسبه لحساب الحمل ما اعرف الحسبه والله حتى لعمري ما عرفت
اما بالنسبه اذا في اي خطر عليج لانج ماسرتي الدكتور لا انشاء الله ما شي خطر بس انتي اشتري فولك اسيد فديتج لانه لازم الحرمه تاخذه اول الحمال عسب يمنع بقدرة الله التشوهات الخلقيه بالجهاز العصبي للطفل
اما ولدج حاولي انج ما ترضعينه بالنهار اكليه وشبعي عسب ما يطلب يرضع واذا واااايد صاح وحن مو مشكله اعطيه مره بالنهار واذا تبين اصبغي صدرج بقلم تحديد او حطي مره عسب يكرهة
اما بالليل ارضعيه وهو راقد قبل يقعد ويطلب الرضاعه وبعد عسب صدرج لا يحتقن من الحليب
خلي ابوه ياخذه عنج برا البيت عشان يردلج تعبان وينام على طول فعلا اهية فتره صعبه ووجودج بين الاهل احسن لج عشان تفطمينه لانه بيكون لاهي مع الصغاريه هناك
__________________________________________________ __________
>>>> الرد الرابع :
اولا عن مدة حملج انتي الحين في الاسبوع الثامن وموعد ولادتج المتوقع هو 12/1/2011 وها اذا كان المدة من الدورة الين الدورة الثانية كل 28 يوم
اما عن التشييك عادتاً هني في الامارات الوحدة تفتح فيل في المستشفيات الخاصة من الشهر الرابع بس للتطمين نراجع المستشفيات الخاصة يعني مب شي تقدرين ما تراجعين الا عقب وعادة ينصحون فالفوليك اسيد في اول ثلاث شهور وعقب يغيرون حق فوليك رون او فيتامينات الحمل الثانية
وعن انج كيف تفطمين البيبي على حسب علمي من اختي كانت تحط روج احمر على حلمتها وتقول حق ولدها شوف دم وتخوفه فصار يخاف او في ناس يحطون يود احمر وناس يحون صبر عشان يكره طعمه انتي جربي وشوفي شو الي يمشي وياج
__________________________________________________ __________
>>>> الرد الخامس :
مشكورات خواتي على الرد
بس ابي اعرف كيف احسب الحساب صح ومدة دورتي 35
