السلام عليكم والرحمه
هلا هلا بالحلويـــــــن ..
شحالكن ..
اكيد ما نسيتووونـــي ..خخ .. وفي حد يقدر &&&&
الامووووهيم ... ههه ... اليوم بغيت احكي لكم حتوتي ...احم .. ابغي اقولكم قصه ولادتي بنتي وبجري مريووومي ربي يحفظها ,, ان شاء الله ..
نبدأ .....
الله يسلمكن ,, انا من اسبوع الدكتورة اتقول لي مفتوح 2 سانتي مع آلام خفيفه يبوميااا .. واكيد عرفتوو اني تنومت بالمستشفى يوم عسب قالو لي البيبي كبير .. والراس من نازل فالحووض ومن هالخراابيط اللي تخوف الله يسامحهم ..
طلعت اليمعه من المستشفى على مسؤؤليتي .. والدكتورة عطتني موعد ليوم الاحد واذا ما ربيت طلق صناعي او قيصري وانا شايفه ملفي مكتووب عليه اوبريشن ... يعني كانو ناويين علي الله يخسهم .. طاف السبت وانا ما فيني شيء بس ليلتهاا يتني آلام بس قلت يمكن هذي شرات كل مرة .. عالصبح رحت الحمام تكرموون اشووف دمـــــــــ
دمــــــ.. بدون آلام بدون اي شيء هنا عاد انا خفت بس قلت عادي لأن المرة اللي طافت صار لي جي \.. تميت للساعه 12 عقبها الوالده ربي يحفظها ودتني المستشفى .. الدكتورة شيكت قالت لي 3 سانتي .. 3 سانتي بدون ألم ولا شيء .. هذا كله يوم الاحد وكانو بيرقدوني بس طلعت على مسؤؤليتي ..
ليلتها من الساعه9 حاسه بآلام خفيفه اتروح واترد اتروح واترد للساعه 12 عقبها حسيت ان العوار يزيد ما يقل امي سوتلي حليب حاار..تميت جي للساعه 3 آلام خفيفة بس بالظهر وخوواااصري وانا ما اعرف ان هذي آلام ولاااده .. رحت سبحت بمااي حاار ,, واتبطحت ..
اشوي اقوووم حسيت بعوااار قوي ما قدرت اتحمله هنا عاد قلت خلاص اليوم بربي بربي لا محاال ,,,, الوالده شافتني تعبانه يلا عالمستشفى .. هيه نسيت اخبركم اني نفس اليوم الساعه 8 دقتلي دكتورة واتقول لي الدكتورة اللي اتسوي قيصري ايدها تعورها تبين اتحولين انا هنا استانست قلت لها هيه شفتو كانو ناويين علي بقيصري بس الله فووق ما راد هالشيء الحمدلله ...
نرجع للمستشفى ...
حولت لمستشفى جلبااااء ...اولا ما بغو ياخذوني اوني متأخرة بس يوم شافو حالتي تعبااانه قالو يلا لا مفر الحرمه تعباانه ...خخخخخ
شيكت لي الكتورة قالت 3 ونص .. وهني بدا فيلم الرعب ...آلام قوية تروح وترد , اتروح واترد ,, بصرااحه لا تضحموون انا صرخت ما قدرت اتحمل والله ظهري مب قادرة منه .. واحس اني برووح الحمام امي ومرت اخوي كانو معاااي .. امي تقرأ علي من صور واتهديني من صوب ومرت اخوي خايفة اسوي شيء بعمري لأني كنت ناوية اكصر الحديد مال الكرفااية ,, هههههههههههه ,,, شو اسوي ما اتحملت من الألم ,, لا تخاافوون ,,,
يت الدكنورة عالساعة 6 قالت 4 سانتي هنا عاد انا انقهرت كل هذا 4 سانتي بس ,,
النيرس من شافتني اصرخ يابتلي ابرة منوم اونه عسب ارتااح .. وانا كل اشوي ابغي ارقد بس من اييني الويع اقوم اصيح واصرخ ,, وابغي ارووح الحمام ارتااح عقعده الحمام وامي خايفة عن اربي فالحمام تيي ورااي توقف عنج الباب ما اتخليني اسكره ..
الساعه 8 يت الدكتوورة والحين مفتووح 8 سانتي هنا حسيت اني ميته من الونااسة رغن مل هالالم اقول لعمري يلا هانت ماباجي شيء .. الدكتوورة يابت شيء طويل ما اعرف شو هو وفتحت كيس المااي .. يلا على غرفة الولااده ..هههه .. الرعب الحقيقي...
وهناك عاد السستر قاعده اتقول لي يلا خذي وجع اقولهاا ما اقدر احس شيء بينزل .. قالت لي يلا حااولي ,,,, وانا احس انه شيء بينزل ,, يو شيكو 9 سانتي باجي 1
منا ومنا ومنا ... الحمدلله يت الدكتوورة ومعاها السسترات ,, زفري وانا ازفر ,, زفري ,, اجس انه شيء بيطله السستر يحليلها وايد شجعتني .. اتيود ايدي واتقول لي يلا هانت هذو راس البيبي بس اشوي وبتشوفينها من هالكلاام اللي يريح وانا ازفر وازفر كل ما اييني الويع آخر شيء حسيت بشيء حار بين فخووذي انا ما عرفت اني ربي الا يوم قالو لي مبروووووووووووووووووووووووك والله اني ما صدقت قلت انا قدرت اتحمل الولاده بشكل عام ما اصدق .. شلو البيبي عني لأنهم شافوني واايد تعبت لبسووها ,, ويابووها شفتها خلاص غمضت .. ولا حسيت يوم يخيطون.. ربيت عالساعه 10:40 تقريبااا ,, تميت ل1 فغرقة الولاجه اريح عقب ودوني غرفتيه ...
بس الحمدلله انها عدت على خير وشفت بنتي بصحه وعافية ..
وتوتا توتااا خلصت الحتووته ..
