ولادة بنتي سارة ... لصحة الجسم
عنوان الموضوع : ولادة بنتي سارة ... لصحة الجسم
مقدم من طرف منتديات الضمير العربي
الحمد لله يا بنات انا ربيت ويبت بنوتة حلوة شارتي ^^
ربيت بتاريخ 16-5-2017
الحمد لله كانت ولادة سريعة وسهلة تقريبا ... كنت سايرة الصبح قسم الولادة عشان اتأكد اذا يسمحون او يعرفون ياخذون الخلايا الجذعية للبيبي وقت الولادة وكان فيني منان .... فقلت مرة وحدة اسوي تخطيط ... من سويت التخطيط قام ايني الم طلق ... خفت ودقت حق ريلي وامي ...عقب يت الدكتورة وفحصتني وحصلت النفس فاتحة 3 سم ...
جان اطلب من الدكتورة اترخصني عشان اسير ارتاح في البيت وايهم عقب ... قالت الدكتورة اوكي ...وانا طالعة من المستشفى جان يدقولي تيلفون عشان ارجع عقب ساعة ..لانه فحص مسحة عنق الرحم طلعت ايجابية ولازم اخذ مضاد حيوي ... قلت لهم اوكي بريح شوي وبيهم ... سرنا البيت تسبحت بماي حار ^^ حسيت برااااااااااااااااااحة .... وعقب طلعت وتمكيجت مكياج بسيط و استشورت شعري .. خذت شنطتي وشنطة البيبي ... نزلت المطبخ وكلت عسل وشربت ماي زمزم ... بعدها يت اختي العودة فديتها وشلت ولدي وبشكارتة عندها ... وانا وريلي وامي سرنا المستشفى ... يوم وصلت المستشفى تخيلوا اونة ماشي غرف فاضية .... شو اسوي وين اربي ؟؟؟ كان ريلي برى يخلص التوقيع على طلب اخذ الخلايا الجذعية ويا مندوب لايف سنتر من دبي وانا داخل قسم الولادة محتشرة عليهم عشان على الاقل يعطوني المضاد لين اخل غرفة الولادة لانه لازم المضاد ياخذ مفعولة ف اربع ساعات قبل الولادة .... المهم انا كنت واصلة المستشفى الساعة 3 ونص ... الساعة 4 ونص تقريبا عطوني المضاد ف غرفة الملاحظة وعقب طلعوني منها وحولوني على قسم الترقيد في غرفة عادية ... من دخلت الغرفة قام يزيد الطلق صار كل دقيقتي ايني الالم ... بمرة امي طلب النيرس و شلوني بالكرسي لقسم الولادة دخلوني غرفة الولادة والالم يزيد دخل عندي ريلي وعطى النيرسات بكس اللي بينحط فية العينة ... ويا يبا ييلس عندي بس انا قلتله ايبلي من ستار بوكس عصير برتقال بغيتة يطلع لاني خلاص حسيت س عمري بربي ... كان الالم فضيييييع يت الدكتورة تفحصني حصلت 8 سم قلتلها ما اقدر اتحمل بسوي بوش ... تقولي لحظة لحظة وانا مسويتلها طااااااااااااف جان اسوي كمن بوش محترمات وطلعت البنوتة الصغيرونة كانت صغيرة واااايد عشان جية طلعت ^^
وعقب ما ربيت جان يدخل ريلي مصدوم مب مصدق اني ربيت ...
والحمد لله رب العالمين
الله سهل علية كله من دعوات امي فديتها فقيام الليل الله يطول بعمرها ويشفيها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحمد لله على السلامة و ألف مبروك المولودة الجديدة
__________________________________________________ __________
>>>> الرد الثاني :
الحمدلله ع السلامه حبيبتي
ومبروك ما ياج ^_^
__________________________________________________ __________
>>>> الرد الثالث :
ألف الحمدالله على سلامتج.. وتستاهلين مايااااااج.. البنوته
وتتربى في عزج و عز أبوهااا ياارب
__________________________________________________ __________
>>>> الرد الرابع :
الحمدلله ع سلامتج حبوبه وتتربى فعزكم الكتكووته (:
__________________________________________________ __________
>>>> الرد الخامس :
مبروك الغلااا تتربى في عزكم
والحمدلله ع السلامه .. ماشالله نفس تاريخ يوم ميلاد بنتي 16- 5- 2005
