(◕‿◕✿) -•♥(( يـآآ غــآآلــي الأآآثمــآآن غلّــوك بـ الحيــل))♥•-(◕‿◕✿) لسلامتك

عنوان الموضوع : (◕‿◕✿) -•♥(( يـآآ غــآآلــي الأآآثمــآآن غلّــوك بـ الحيــل))♥•-(◕‿◕✿) لسلامتك
مقدم من طرف منتديات الضمير العربي

مساء الجمعه : 2 / 7 / 2017 "..

ياني ألم فظيع لا يطااااق مثل المغص وكان يومتها الدورة متأخرة كم يوم

ما كان ودي أسوي فحص بس قلت خلني أجرب حظي ... خبرت ريلي أيب لي فحص كلير بلو

ويابه لي .. من الخوف رحت الحمام قبل لا يوصل الفحص .. يابه ريلي قلت له ما بسويه الحين

برايه لأن رحت الحمام وطلع بعلي عني يصلي العصر ... حسيت أني بروح الحمام ما تحملت

وأخذت الفحص وياي وسويته طبعاً ولأول مرة في حياتي يبين وياي + بـ السرعة هاي ..

طبعاً أنا في ذهول ومش مصدقة ربعت طلعت من الحمام محد عندي غير أمي أدق عليها الباب

أمي لحقي أنا حــــآآمل ...

وما أدري كيف كان موقف أمي ... ساعتها أمي تحضني وتقولي استهدي بالله اهدي ...

ع طول أتصلت على ريلي ... وما كنت عارفة كيف أبشره ... كنت أصيح وايد هو ما فهم

سديت السماعة ودشيت الحمام أتوضأ .. عشان أصلي وأسجد لربي شكر وحمد ...

المهم هو اتصل في أمي وخذ العلوم منها ....

^___^

وعدى أحلى يوم في حياتي "...


رحت يوم الاثنين أفحص هرمون والحمدلله كان مرتفع والدكتور طمني ع وضعي ...

كنت فرحانه وايد ... وأصيح في العيادة بس كان شي ينغزني .. ما أدري حسيت في شي بيصير ...

مر الاسبوع الأول ولله الحمد .. بـ سلام الله ورعايته ...

وفي نهايته .. نزلت علي بقعه دم .. بسيطة فاتح لونها ..

المهم تميت مرتبكة أتصلت في دكتوري ... ع طول قالي الزمي الفراش والراحة التامة ...

قبل يوم شاف نتيجة فحصي .. طمني وقالي مارسي حياتج عادي ...

بس لمن قلت له نزلي دم قالي الزمي الفراش وطبقت أنا كلامه وأخذت اجازة طويلة عريضة من الدوام

المهم مر اليوم الحمدلله ولا نزل لي شي .. مر اليوم الثاني بدا ينزل علي دم أكثف بس مرة في اليوم

ويكون ع شكل يوم أمسح بـ المحارم بس .. بس مت من الخوف وتميت أصيح وكل ما أتوتر ينزلي دم

قالي استمري ع المثبت .. الجل & الدفستون .. والحمدلله مرن ع خير هـ اليومين ...

وصرف لي ابرة كل اسبوع تثبيت ... أخذتها ولله الحمد وقف الدم ...

يا الاسبوع الثالث ... ع أساس موعدي يكون في أخره ... وأخذت الابرة الثانية ...

كان يوم الأحد هذا الاسبوع .. المهم رديت من العيادة أنا موب معينه خير ... تعبت وايد

وفي الليل ياني ألم مثل الطلق ع قولت أمي مثل شي ويضربني في ظهري من تحت ....

ومغص لا يطاق ... ويوم أروح أشيك يكون نازلي شوية دم ...

استمريت ع هـ الحال طول الليل .. تعبت وايد .. أنا ما كلمت الدكتور ولا رحت مكان

قلت الخيره في ما يختاره لي ربي ... لو الله كاتب لي نصيب بيتم ولو لا .. تراه بروح أنا أخذت بـ الاسباب

وأخذت مثبتات والزمت الراحة شو أكثر من جذي ... حطيت حمولي ع رب العالمين ...

ومريت باقي الاسبوع ع هـ الحال ...

يتبع~..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وليلة كانت الفرقى ~...

مر الاسبوع هذا وأنا في تعب محد يعلم فيه الا ربي ...

ما أخبر حد .. حتى ريلي ما أبين له وايد بس يحس علي أني ما أرقد ...

وكنت حاطه حمولي على رب العالمين وكنت مؤمنة بقضاء رب العالمين وأنه في كل أمر

بكون خير لي أكيد ...

المهم .. ليلة الأربعاء ما ياني رقاد نفس الشي .. وتميت تعبانة .. غفت عيني من التعب قبل صلاة الفير

حلمت إني أفتح غرفة في مكان ما أعرف وين .. فتحتها لقيتها مثل السجن .. وطلع لي صبي في سن

6 سنوات موب أكثر .. المهم حاول يشرد مني وأنا أقوله ما بخليك تطلع لو المرة .. وطاح من ايدي

المفتاح وأشوفه شله وفره في مكان ضيق ... وأنا ماسكتنه وأقوله موب بكيفك بتروح وأشوفه

يخشعني ويشمخ لي ايدي ويقرصني وأنا متمسكة فيه وهو كلش ما يتكلم ... يت بنت خالي قلت لها

هاتي المفتاح في المكان الفلاني هو .. يابته لي .. حاولت أقفل عليه ما قدرت شفت القفل منخلع مش

موجود في الباب وهو كان ايطلع ايده من الفتحه ويأذيني ..

المهم شفت نفسي خلاف في حوش بيت الأهل القديم ... يا عندي وجان يلوي علي قالي أنا آبى اروح

خليني أروح أنا ما أريد أأذيج فلا تخافين علي

وجان ألوي عليه بقو وأقوله روح برايك

ويا ريتني ما خليته يروح يا ريت كان بـ اليد حيلة .. بس قضاء الله فوق كل شي

https://4arab.xplainer.net/images/sm...t1/12 (46).gif

وصحيت من نومي وأنا وايد خايفة وأنتفض .. وبـ الفعل رحت أتوضأ أصلي الفير

نزلت مني قطعة صغيرة مثل الدم والله ما اهتميت فيها ولا فكرت انها تكون شي مجرد دم مثل كل مرة

أثاريها كانت عبادي .. عبادي الي كنت أترياه من سنتين ونص

https://4arab.xplainer.net/images/sm...t1/12 (46).gif

عبادي الي كنت كل ليله أكلمه قبل لا أرقد وأقرأ عليه ..

عبادي الي خلى ماماته ورااااااح عنها لبعيد

https://4arab.xplainer.net/images/sm...t1/12 (46).gif

وتميت بس خايفة من الحلم وصليت ورقدت ...

كلمت دكتوري مساء الاربعاء قالي تعالي ضروري الخميس الي هو أمس ..

رحت وسويت صورة قالي البطانة قلت وماشي كيس ... يعني الدم الي ينزل مش كان من عنق الرحم

كان من الحمل نفسه ... وقال أهم شي نتيجة الهرمون تبين لي الهرمون نازل يعني حمل في الرحم ونزل

أما إذا عالي فـ هني الخوف ...

سويت الفحص .. واترينا النتيجة ولله الحمد كان نازل ...

كانت عيوني وأنا مقابلة الدكتور قطرة من الدم ... موب الدمع لدرجة الدكتور ما قدر يكلمني

وزعل وايد عشاني ... وحاول يطمني أني حملت وبحمل ان شاء الله أنا تميت ساكته وريلي فديته

كان مستحمل أكثر مني .. وقلت له متى بروح السيارة وبنفجر .. موب متحملة ...

ركبت السيارة وما تحملت تميت أصيح طول الدرب من بوظبي لين العين اللهم لك الحمد حمداً كثيراً مباركاً

يت على جذي ..

ومثل ما قال الشيخ عبدالله المصلح / اعلم أنه ما أصابتك من مصيبة فهي دافعة لـ ما أكبر منها ...

والله مؤمنه وشاكرة وحامده ع رب العالمين ...

وربي كريم مثل ما كرمني بيكرمني من يديد ... حبيت أبشركم من البداية بس حالتي ما كانت تسمح

وهذا كان سبب غيبتي عنكم .. وفي هـ الفترة راح أتابع نزول الهرمون عشان ما أحتاج لتنظيف

وباجر عندي موعد أشوف الفحص نزل أو لا ومنه بحدد السفر هـ الاسبوع بطلع وأريد أنسى كل شي

وراح أخذ اجازة طويلة عن كل شي ... حتى عن منتداي الغالي وتجمعي الأغلى ...

ولو غبت عنكم معذرة جرحي كبير ويباله وقت طويل لـ يبرى .. وبإذن الله بروح عمرة رمضان

فـ هـالفترة ما راح تشوفوني تقريباً نهائي فلا داعي للخوف ... وبحاول أطمنكم ....

أشكر كل من وقفت وياي بـ الدعوات ... حبيباتي والله ...

ربي يتمم على كل وحدة .. ويرزق كل من يتمنى .. فرحة ربي يذوقها لكل متأخرة يا رب ...

دعواتكم لي

__________________________________________________ __________

>>>> الرد الثاني :

وااااااااااو nano يلا كملي فدييييييت رووووحج يا رب يثبت ياااااا رب https://4arab.xplainer.net/images/smilies/smile.png الحمد الله على كل حال
سووووري خربت عليج بس والله من الفرحه ما قدرت أصبر https://4arab.xplainer.net/images/smilies/part3/55.gif ..

__________________________________________________ __________

>>>> الرد الثالث :

مبرووووووووووووووك الف الف مبروووووووووووووووك وحطيت موضوع مادري انج حطيتي بنت زايد بشرتنا ويارب يثبت آآآآآآآآآآآآآمين بنت زايد ردت هههههههه

اتوقع تعشيش البويضة هااا

__________________________________________________ __________

>>>> الرد الرابع :

[IMG]https://files.*******.com/2010/3/1269524759.gif[/IMG]

__________________________________________________ __________

>>>> الرد الخامس :

يوووه يا ناناو انا و بنت زايد استعيلنا الله كريم بيعوووضج خير يارب وحتى لو مرة ثانية حلمتي حلم جي لاتفسريه ولاتخبرين احد وربي يعوضج خير آآآآآآآآآآآآآآىمين يارب

نحن كلنا نقدر المج الكبير وربي يكتبلج عمره مقبوولهة وان شاء الله من تعدي هالفترة ،، تردين لنا انشط عن قبل وماتخلين منتداج الغالي