بآآآآركولي بعد طول انتظار .. فرحتي ما تنوصف لصحة الجسم
عنوان الموضوع : بآآآآركولي بعد طول انتظار .. فرحتي ما تنوصف لصحة الجسم
مقدم من طرف منتديات الضمير العربي
مرحبا حبايبي ..
حبيت انكم تشاركوني فرحتي بعد طووول انتظار دام سنة ..
بالضبط تاريخ 17 9 2017
كنت بيت هلي .. و حسيت بتعب فضيع .. ما عرف ليش حسيت اني ممكن اكون حامل ..
رحت شريت جهاز الحمل من الصيدلية .. و لما سويت الفحص للاسف طلعت النتيجة سلبية ..
المهم عقبها قلت في خاطري الله كريم و ما خبرت حد ...
و بعدين ظهرت ومع خواتي من الساعه 7 : 30 لين الساعه 12 بالليل و نحن نتمشى و نتسوق بس كل مالي احس بالم في بطني و ظهري ..
المهم لما و صلت البيت قلت بدخل اسبح .. و قلت خلني اشوف التحليل .. واي فرحتي اشكبرها لما شفت التحليل كانت النتيجة ايجابية تقريبا عالساعه 1 بس ما ارتحت و ما رمت اثق كل الثقة بالنتيجة المهم اتصلت في بنت خالتي و خبرتها قالتلي الحين بنروح انسوي فحص دم قلتلها اوكي
و الحمدلله طلعت النتيجة ايجابية .. و كل هذا نتيجة الدعاء و الاستغفار ..
والله يرزق كل محرومة و يذوقهااا فرحة هالخبر السعيد
و دعواتكم لي ربي يتتم لي حملي على خير و يثبته يااااارب ..
و السموحة طولت عليكم ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مبرووووووووووووووووك الغاليه ... ^.^ يسعدني أكون أول وحده أرد عليج
الله يتمم عليج حملج و يرزقج بالذريه الصالحه و تشوفينهم بعد كم شهر ^.^
__________________________________________________ __________
>>>> الرد الثاني :
الله يثبت حملج ان شاءالله ..الف الف الف مبرووووووووووووووك دمعت عيني من الفرحه استانس يوم اشوف وحده مستانسه انها حامل ..
__________________________________________________ __________
>>>> الرد الثالث :
مبرووووووك
والله يثبته لج ان شاءالله
وتستانسين بشوووفته...
__________________________________________________ __________
>>>> الرد الرابع :
الف الف الف مبروك ان شاء الله
الله يتمم حملج على خير ياربي ويجعله من الذريه الصالحه
__________________________________________________ __________
>>>> الرد الخامس :
الف مبروك ..... عاد الحين اهتمي بصحتج وخففي طلعات .. وريحي عمرج لاتمشين واااايد .. وإن شاء الله خير .؟
