السلام عليكم ورحمة الله وبركاتة
اشحالكن خواتي عساكم بخير
طبعا في وايد بنات كل يوم ايدشن ويدورن ع طرق ومعلومات تساعدهم يحملون في اقرب وقت وطبعا كلنا عارفين انه بيد الله سبحانة وتعالى بس العلم نور واهني انشاء الله راح احط لكم معلومات تعلمتها من قرايتي وبذات للمواقع الأجنبية ما يخفى عليكم انه عندهم العلم مطور اكثر لدرجة تتخيلون إلي تاخذ كولوميد هي تعطي نفسها الأبرة التفجيرية في البيت تخيلوا يعلمونهم وبعدين هي تسوي في البيت كل شهر
بسم الله نبتدي
1- ترك المعاصي علشان الله يوفقج انتي وريلج + الأستغفار + الصدقة
2- الحجامة لمشكلة عدد الحيوانات المنوية وحركتها والللزوجة والتشوهات وللحرمة للأكياس وتنظيم الدورة
3- القسط الهندي لزيادة عدد الحيوانات المنوية وتنظيف الرحم وقنوات فالوب اذا فيهن انسداد وينظم كل الهرمونات بما فيهن هرمون الحليب وهرمون الغدة الدرقية
4- الميرمية + المرقدوش + حبة البركة + العسل معاه اللقاح لتكبير البويضات طبعا مب كلهم مع بعض يعني يا اما المرقدوش او الميرمية اما حبة البركة 7 حبات كل يوم مع العسل وحبوب اللقاح
5- اللقاح + عسل لمعالجة مشاكل الحيوانات المنوية افضل بكثيييير من الخلطات إلي فيها جنسنج وما اعرف شو لأن انتوا يوم تخلطون ما اتعرفين كيف تتفاعل هالأشياء مع بعض والرسول صلي الله علية وسلم يوم ياة الرجل إلي يشكي ان ما عنده عيال قاله لقاح وبس ما قال هاللخلطات وطبعا ينحط ف عسل لأن بودرة عمومما اهم شي للرجل الحجامة تفيده واااااااايد
طبعا المعلومات السابقة مارة عليكم كذا مرة بس حبيت اقولها للتذكير وبعد للعرايس اليداد
طبعا مثل ما انتوا عارفين ان انتشرت ضاهرة الخلطات إلي تنحط في ............ ولكن هاي الأشياء مضرة لأنها مب معقمة وتسوي الكثير من الإلتهابات بس هل تفيد نعم تفيد
عند الأجانب مسوين لهم مركبات خاصة تنوضع داخل ........... قبل الجماع ب 20 دقيقة او اقل وهاي الكريمات مخصصة حق هاي المنطقة بحيث تساعد الحيوانات المنوية البطيئة وانها توصل اسرع وتعيش لفترة اطول للي زوجها يعاني من هاي المشكلة وكذلك إلي تعاني من جفاف نسبة حملها اقل طبعا لأن الحوانات المنوية تحتاج مكان رطب علشان تعيش فيه لين تلقح البويضة
ني حق الكريمين وهم معروفين برع وفي يوتوب ادخلي وبتشوفين وايد حريم حاطات مراحل من استخدموه لين صار حمل وربوا بعد الكريم الأول
معلومة : هذا الكريم مذكور في كتاب الدكتورة إلي اقراه حاليا بس الثاني يقولون افضل لأن طلع عقب ومطور
اسمه pre seed
https://thefertilityshop.com/fertili...-seed_tube.jpg
والثاني اسمه conceive plus
https://www.conceiveplus.com/images/CP_group_web.jpg
وطبعا لاحظت ان الكل عندهم يستخدم اختبار التبويض لأنه وايد ارخص من السونار وفي النت وااااااااااايد اشكال ارخص من clear blue وبنفس الجودة ,وهي مثل تحاليل الحمل بس اطلع هرمون التبويض
https://www.eshop111.com/ebay/xpicsc/tbq272enc.jpg
ما اعرف اذا متوفرين في الإمارات شوفوا الصيدليات وطبعا ممكن تشترونهم من برع عن طريق تاجرات المنتدى او بروحكم والله يرزقكم جميع الذرية الصالحة
