السلام عليكم ورحمة الله وبركاته..
خواتي العزيزات..اتمنى اللي مرت بنفس تجربتي اتفيدني واللي دخلت وماعندها فكره عن الموضوع تدعيلي الله يعوضني خير..
مرتين صارلي احمل وكل حمل سبحان الله يختلف عن الحمل الثاني بالاسباب والظروف..
اول حمل حملت بتوأم وضغطي كان يرتفع..وبسبة الضغط انفصلت المشيمه عندي انفصال داخلي مابين مع الدكاتره بالسونار وضربني ويع ولاده لكن اليهال ماماتو تمو ينبضون وبسبة فحص داخلي انفتح عندي الماي وانفصلت عندي المشيمه انفصال كامل وانقطع الاكسجين عن اليهال وماتو وربيت طبيعي فالسادس..
وفالحمل الثاني قالولي محتايه ربط لعنق الرحم عسب ماتتعرضين لولاده مبكرة هالمره بعد..وسويت ربط واموري كانت ماشيه طبيعيه وكل شي طبيعي لكن فجأه من غير اي سبب اتوقف نبض الياهل فالثامن..ولما رحت المستشفى فتحولي الربط وحطولي طلق صناعي وولدوني طبيعي..
طبعا خذو تحاليل مني ومن دم الحبل السري وشرحو المشيمه..
والنتيجه مافي اي سبب يخلي الياهل يموت
https://4arab.xplainer.net/images/smilies/frown.png !!!!كيف مافي سبب؟!!
انا عارفه ان رب العالمين كاتب يصير جي وانا راضيه باللي الله كاتبنه لي بس لازم في سبب لموت الياهل..يعني على كل حمل بيصير فيني نفس القصه؟!!
سويت تحليل الكروموسومات وكان كل شي طبيعي..والبيبي طبيعي مافي اي شي والتحاليل كلها طبيعيه..وحتى المشيمه لما شرحوها شافو انها طبيعيه..وماعرفو يكتبون اي سبب لموت الياهل غير (الأنيميا)
شو يخص الانيميا!!معقوله بتكون سبب لموت الياهل..؟!!
اذا افترضنا ان الانيميا سبب لكن دمي ماكان نازل وايد يعني 10زين..
ناس تحمل واتربي ودمها يوصل 8و6و4بعد!!
رحت لدكتوره ناديه فبوظبي قالتلي مستحيل يموت الياهل فالثامن بهالسهوله!!
وقالتلي بتسويلي فحوصات..
بتاخذ مسحه من عنق الرحم..وبتسويلي تحليل مضادات..
ياليت اللي مرت بتجربتي ومات الياهل فبطنها فالثامن اتخبرني شو من التحاليل سوت؟!وكيف كان علاجها فالحمل اللي عقبه..
انا عطوني الاسبرين فآخر حمل وكنت اخذه بانتظام بس قالولي وقفيه فالخامس ووقفته..!!
سؤال ثاني بعد..بخصوص قسطرة البول عزكن الله..صارلي شهر من ربيت وللحين اعاني من ويع مكانها..ماعرف هو التهاب ولا شو بالضبط!!فقلت بصبر لين تنزل عندي دورة عقب الاربعين..انا حاليا متطهره لان مافي شي ينزل عندي..وباقيلي 3ايام واكمل الاربعين..
والدكتوره قالتلي متى ماخلصتي اربعينج تعالي سوي التحاليل..بس ماعرف اسير الحينه ولا اتريا دورة عقب الاربعين تنزل احسن..
