عنوان الموضوع : حوامل للصحة
مقدم من طرف منتديات الضمير العربي
هلا. خواتي شحالكم خواتي أنا حامل بالثاني عندي بنت ربي يحفطها بوحامي ببنتي كان وايد متعبني الوحام وبحملي هذا الثاني بطني ياي بالعرض وبارز واحسه مايل لتحت ومع الشهر السادس بدت رقبتي بالأسمرارا وكل شيء بيد ربنا لكن حلو حب الفضول تتوقعون شو فبطني ولد ولا بنت أنا حاسه ولد والله اعلم يالله نشوف نوعيه حمالكم وشو يبتوا بعها فيدوني وتفاعلوا وياي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مراحب الغالية ،، اممم ليش انتي ما سالتي شو فيج ؟؟ احس نحن الحريم فضوول من نحمل نتريا ندش الثالث عشان نعرف ههههههههه
امممم انا بصراحه ماصدق هالسوالف لان كل حد يقول شي وما يضبط .. فحملي الاول كان وحامي خفيف يعني شهر بالضبط عقب رديت طبيعيه وكنت بالعكس خفيفه اطلع وجيه وبطني ما بين الا فالسابع وكان صغير ومش بالعرض امممم ماعرف كيف اوصفه يعني فالنص كروشه صغيره هههههه وصح فالوحام كنت اشتهي الحلو والمالح .. طايحه فالليمون والملح يا اني اييب ليمونه وارش عليها ملح وامصمص او اقصصلي خيار واترسه ليمون وملح وفنفس الوقت طحت فاسكريم باسكن كل يوم لازم اكل .. ويبت ولد
الحين بعدني فالرابع بس وحامي كان ثجيل وطول وبشكل عام احس بثجل وتعب ع طول قالولي شكلها بنت بس جيكت وقالوا ولد والله اعلم
__________________________________________________ __________
>>>> الرد الثاني :
هﻻ حبيبتي .. الحمد لله بخير
انتي شحالج ؟؟
اممم يختلف فديتج من حرمة للثانيه .. أنا ف حملي أوقات أحس اني جميلة https://4arab.xplainer.net/images/smilies/smile.png وأوقات أحس اني خسفه https://4arab.xplainer.net/images/smilies/frown.png ههههه
ويبت بنوته الله يحفظها ..
و على كﻻم أمهاتنا .. الحرمة اذا اخسفت يعني فيها بنت ﻷنه بنتها تاخذ حﻻتها https://4arab.xplainer.net/images/smilies/smile.png
والوحام من وحده لوحده يختلف وما أحس يحدد جنس الجنين ..
والله يحفظ بنتج ويتمم لج حملج على خير ..
دايما ادعي وقولي يارب ترزقني اللي فيه خير لي ..
وأوقات إحساس اﻷم صح https://4arab.xplainer.net/images/smilies/smile.png
تقومين بالسﻻمة ان شاء الله ..
__________________________________________________ __________
>>>> الرد الثالث :
امين يارب تسلمين اختي يالله كملوا سوالف
__________________________________________________ __________
>>>> الرد الرابع :
https://4arab.xplainer.net/images/smilies/bb/7.png في دراسة بريطانية تقول ان اذا الزوج او الزوجة كانوا جميلين بيكون المولود الاول البنت .. اما االثاني ما اردي ولله ههه ان شالله يكون ولد ..
__________________________________________________ __________
>>>> الرد الخامس :
سوي سونار هالشهر أكيد راح يكون واضح بنت ولا ولدhttps://4arab.xplainer.net/images/smilies/bb/15.png
