الخياطه الداخليه بعد الولاده ! لسلامتك
عنوان الموضوع : الخياطه الداخليه بعد الولاده ! لسلامتك
مقدم من طرف منتديات الضمير العربي
السلام عليكم والرحمه
شحالكم ؟؟
بغيت اسألكم عن الخياطه مابعد الولاده ،،
انا سوولي خياطه داخليه وخارجيه وتلعوزت وايد ،،
بعد خمس ايام من الولاده التهبت عندي الخياطه والخياطه الداخليه كانت مفتوحه وملتهبه وايد
ف البدايه كنت استخدم ماي وملح وبعدين الدكتوره عطتني مطهر استخدمه بدال الملح لان مب زين استخدم الملح والخياطه متبطله وعطتني كريم بيتادين ومضاد حيوي
الحمدالله خف الالم بس ما اختفى ،، ورديت بعد خمس ايام وقالتلي خف اللتهاب ولازم اكمل ع العلاج بس غيرتلي المرهم وعطتني واحد ثاني وعطتني مرهم زياده لان استوتلي حبوب عند الخياطه
ورديتلها بعد خمس ايام قالت اللتهاب اختفى بس كنت بعدني احس بألم بس ماوصفتلي اي دوا واستمريت بالادويه القبليه مع الماي والمطهر ،،
وبعد كمن يوم زاد عليه العوار وقالتلي السبب ان الخيوط متيبسه ! وعطتني كريم استخدمه يومين واونه بيخف العوار بس مافاد وياي ،،
سرت عياده ثانيه والدكتوره شلتلي الخيوط الخارجيه وتعذبت وايد >_< وقالتلي كل ساعه او ساعتين لازم اتوضى بماي وصابون عشان الخيوط الداخليه تتشبع بالماي وتلين ،، وعطتني مرهم البيتادين بس ما استخدمته الا مره لانه حرقني وايد وصرت ايلس ف ماي وملح مرتين او ثلاث مرات ف اليوم من غير اني اتوضى بالماي والملح كل ساعتين ،،
بس ما احس فيه تطور ! كل ما امشي او ايلس يكون فيه عواار !! وساعات احس شرات النغزات !!
وللعلم يوم السبت بكمل شهر من ربييت !! وبصراحه تعبت من هالعوار خاطري ارتاح واتحرك على راحتي
https://4arab.xplainer.net/images/smilies/frown.png
حد صارله شراتي؟؟ وكيف اتعالجتي؟
قالولي استخدم المره ! بس ماعرف كيف استخدمها او شو اسويبها!
اللي عندها طريقه تخفف الالم واطيح الخيوط بسرعه ياليت تخبرني
ويزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلاااا فديتج والله كلنا نفس الحال
انا طاحت عني الخيوط عقب شهر واسبوع والحين كملت شهرين وشي وبعدها المنطقه اتعوووور
المره ذوبيها بماي وحطيها عالمنطقه مثل المطهر
ولازم كل ما تروحين الحمام تستخدمين مطهر بيتادين اسمه بيتادين سكن كلينزر اكيد الدكتوره وصفته لج لانه وايد زين ويمنع الالتهابات
وتستخدمينه عادي مثل اي غسول طبي
والله يعينا يا رب كله باجره ان شاء الله
__________________________________________________ __________
>>>> الرد الثاني :
عليكم السلام والرحمه
ماعندي اي فكره خوفتيني والله
لااااااااااااااااااا وانا على بالي الولاده الطبيعيه احسن من القيصريه
اثاري حتى الطبيعيه وراها مشاكل وبلاوي
لا حول ولا قوة الا بالله
والله في القيصريه وايد تعبت شهر وانا مب رايمه اسوي شي واذا غصبت عمري من قوة الويع اقعد اصيح ااااااااه
والقهر ماعندي اي خلفيه عن الولاده الطبيعيه وادعي هالمره اربي طبيعي عشان ما اتلعوز
اتذكر وحده من الاهل رحت ازورها المستشفى سمعت يقولون ان ماسوولها خياطها لان الرحم توسع عندها طبيعي بس مافهمت شي وربيعتي قالت لي في ولادتها تلعوزت من الخياطه وان حاشها التهاب بس استحيت اقولها كيف وليش
ممكن تفيدوني اكثر لو عالخاص
https://4arab.xplainer.net/images/smilies/bb/28.png شو الاعراض بعد الولاده اللي تصير للحرمه وكيف وليش الخياطه ؟؟
__________________________________________________ __________
>>>> الرد الثالث :
السلام عليكم ورحمة الله وبركاته
اختي العيناوية خففي من القعدة في الماي والملح لانه كثرته بعد مب وايد زينة وشوفي نسبة الملح يعني يكون الملح مخفف مب وايد الماي مالح وحاولي تسخدمينة يوم وترك مب كل يوم ويوم بتطلعين من السبوح حاولي اتجففين المنطقه شوي واستخدمي مثل ما قالت الدكتورة تامطهر عشان الالتهاب اللي استوي
الحمدلله انا مسوية خياطة 6 مرات بس الولادة الاولية اهي اللي التهبت عندي لاني كل يوم اقعد في الماي من غير ما كنت اترسه ملح والحمدلله الولادة الطبيعية اهون من القيصرية عى الاقل اسبوعين بالكثير اترومين تتحركين وما عليه هذي البداية وبعدين الواحد يتعلم المهم اوحدة تقعد عند امها الاربعين واتقول لها أي شيء اتحس فيه
__________________________________________________ __________
>>>> الرد الرابع :
الله يعينج ... المفروض ماتقعدين في الملح ولا تستخدمينه ... المطهر كان يكفي
__________________________________________________ __________
>>>> الرد الخامس :
ماعندي فكره بس حبيت ارفعلج الموضووع
الله يسهل علينااا
