كيف ينقص هرمون الحمل لصحة الجسم

عنوان الموضوع : كيف ينقص هرمون الحمل لصحة الجسم
مقدم من طرف منتديات الضمير العربي

السلام عليكم بخبركم سالفتي يتني الدورة تاريخ 15 /3 لين 5 ايام غسلت تاريخ 19/3 من خلصت ماصار جماع امس رحت اسوي فحص طبي للدوام الدكتورة قالتلي اني حامل او بالاصح ان هرمون الحمل عندي مرتفع وايد https://4arab.xplainer.net/images/smilies/bb/10.png ولما خبرتها ان ماصار جماع قالت بنعيد الفحص يوم الاحد سوالي هل في شي ينزل هرمون الحمل والسوال الثاني ليش مرتفع هالرمون بليز ردوا علي ضروري

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماعرف وللله حبيبتي
بس اللي اعرفه اذا هرمون الحمل مرتفع يعني حامل
يمكن انتي حامل من شهر 2 بس يتج الدورة بشهر 3 تصير ساعات اتكونين حامل وتيج الدورة

وحده اعرفها حامل 4 شهور بس كانت اتيها الدورة
سيري المستشفى يسولج سونار احسن

__________________________________________________ __________

>>>> الرد الثاني :

أختي انتي معناها حامل ليش تنزلين الهرمون ممكن فعلا كنتي حامل و الدورة تجي في الحمل لبعض الحريم حتى لو قبل حملتي و ما صار معك هالشيء ماله خص كل حمل يختلف عن التاني روحي سوي تصوير داخلي و شوفي احسن شيء لانو اصلا حتى لو صار جماع هالشهر ما يطلع هرمون الحمل عالي لانو يكون يا دوب صار الحمل من كم يوم

__________________________________________________ __________

>>>> الرد الثالث :

اختي كان عندج اجهاض او ولادة او حمل عنقودي خلال السته الاشهر الاخيرة ؟؟؟؟

__________________________________________________ __________

>>>> الرد الرابع :

هلا حبوبه ^_^_

انا طبيبه عايله وبجاوبج ^__^

اولا قبل لا اجاوب ما فيه شي اسمه خواتي انتي حامل واتييج الدوره.. هذه النقطه تنافي العقل والمنطق.. ليش؟ لانه:

1- من تحملين يوقف التبويض فمن وين بتييج الدوره!!

2- الدوره عباره عن انهيار بطانه الرحم بعد ما تنزل فيها البويضه الغير مخصبه.. فكيف تنزل بطانه الرحم وانتي حامل!! معناها لازم البيبي ينزل معاها! واصلا من وين بينزل دم الدوره اذا رحمج مسكر بالاساس لانج حامل.. اذا نزل عليج دوم الدوره يعني الرحم مفتوح.. ومستحيل رحمج مفتوح وانتي حامل!!

فخواتي شيلوا فالفكره من راسكم.. فيه حريم تنزل عليهم قطرات دم في فتره الحمل لاسباب وايده بس الله يهدينا احنا الحريم نحب نبالغ ونقول دوره ومادري شو.. وهم كلهم ع بعض قطرتين دم احتمال من قرحه في عنق الرحم.. بس دوره وانتي حامل؟؟ لااااااا هذه كبيره عند الله..

حبيبتي مثل ما تفضلت اخت قبلي.. هل صار لج اجهاض ؟ هل كان عندج حمل عنقودي؟

وحبيبتي فيه نقطه واايد مهمه.. حطي دايما في بالج الخطا المختبري.. ترى اللي يشتغلون في المختبر بشر وممكن يخطوون.. انا انصحج لا تتريين روحي اي مستشفى خاص وسوي تحليل الحمل ساعتين وبتطلع النتيجه وشوفي.. اذا بعده مرتفع لازم تشوفين دكتوره نساء تسوي لج تصوير ع رحمج وتعرف السبب..

وخواتي ارتفاع هرمون الحمل مب بس في الحمل.. في الله يحمينا اورام تسبب ارتفاع هرمون الحمل..

__________________________________________________ __________

>>>> الرد الخامس :

أختي دنيا الوله ...
أنا أعرف وحده شخصيا اربع شهور وهي تييها الدوره وكانت غزيره لدرجه تأخذ حبوب اتوقفها لانها دوم أيصير معاها وأطول الدوره بس بعدين حست انه بطنها كبر و الدوره خفيفه جدا الشهر اللي بعده وبنفسي جبتلها فحص الحمل وانصدمنا أنها حامل ولله الحمد ، طبعا على طول على دكتوره النساء وطلعت حامل بخمس شهور والياهل مافيه أي شئ سبحان الله ، ماأعرف السبب بس كانت مثل الدوره واعرف ثنتين بعد وحدة تييها الدوره لنص الحمل ووحده للتاسع عادي واتكون مثل الدوره العادية ، في حريم ايسمونه حمل غزلاني وأكيد كل حاله لها أسبابها وتفسيرها الطبي ،
اسمحيلي راعيه الموضوع طولت ، ربي يكتبلج الخير وراجعي دكتوره نساء أفضل .