بعدني عن الولادة لكن حاسة بتعب فظيع تغذية صحية
عنوان الموضوع : بعدني عن الولادة لكن حاسة بتعب فظيع تغذية صحية
مقدم من طرف منتديات الضمير العربي
السلام عليكم ورحمة الله وبركاتة
مرحبا خواتي انا بعدني عن الولادة شهرين تقريبا لكن احس بثقل وانتفاخ في بطني وتيبس وما يخليني اقدر انام الا بصعوبة وبعد معاناة لازم اتقلب يمين ويسارة 66 الف مرة واحساس بعدم الراحة ووجع في الظهر واحيانا يخف شوي واحيانا المشي ما اقدر امشية بسبب الانتفاخ والتيبس الي يصير في بطني وخصوصا اذا اكلت اي شى لو حتى فطور بسيط عبارة عن ساندويتش جبن صغير
منو صار لها مثلي يتني حالة كآبة قوية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا نفس الشي بطني احسها حجر من السادس .. جنه ماشي ماي بس البيبي روحه في بطني .. ويوم افحص الحمدلله كل شي اوكي .. بس جي تتيبس وتعوور حتى حركة البيبي احسها تعور وايام يخف وايام يرد ..
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الغاليه انا في عيالي الاثنين تيني هالحاله من اخر السادس يسمونه منان (طلق كاذب) و بالانجليزي براكستون هيكس او تقلصات براكستون
هاي تقلصات الرحم عشان يهيا نفسه للولاده بس مب معناته الولاده قريبه
التقلصات عاديه في حريم تيهم الحاله من السادس او السابع و فيه حريم ماشاء الله ما يحسن بشي لين التاسع تبدا تقلصات براكستون
في كلال الحالتين احنا مأجورات اختي اصبري و احتسبي الاجر
انا لاحظت يوم يتيبس بطني اذا قمت مشيت شويه في الحجره يخف التقلص. خصوصا في عز النوم اضطر انش و امشي دوره في الحجره لين يخوز التقلص و ارد ارقد.
في ولدي ربيت بعد اسبوع من التاسع و في بنتي بعد اسبوعين من التاسع.
__________________________________________________ __________
>>>> الرد الرابع :
يارب يهون علي لاني بصراحة تعبت ما اقدر احط جسمي وارتاح ويكون فيني نووووم اترياه لين يخف وعقب ارقد من غير ما احس بعمري
__________________________________________________ __________
>>>> الرد الخامس :
الله يهون عليك وتقومي بالف سلامة
ممكن تراجعي الطبيب وشوفي .. ممكن يعطيك شي عشان تخفيف الأعراض
