ضروري ردكم كيس الحمل والهرمون لصحة الجسم

عنوان الموضوع : ضروري ردكم كيس الحمل والهرمون لصحة الجسم
مقدم من طرف منتديات الضمير العربي

حبيباتي بليز فيدوني في موضوعي انا واعوذ بالله من كلمة انا حملت 4 مرات وصارت عندي اسقاطات وكله يقولولي طبيعي من رب العالمين وما يكمل عندي شهر والحمدلله على كل شي واخر اسقاط لي كان بداية شهر 10 وبعد ما وقف نزيف الاجهاض كانت تيني افرازات بنية بسيطه نقاط بسيطه قالت لي حرمت اخوي انتي حامل قلت لها ما اعتقد قالت ما بتخسرين شي وسوي فحص منزلي قلت اوكي سويت وطلع موجب والحمدلله صار عندي حمل وللتاكيد سرت تاريخ 3/11/2015 سويت فحص الهرمون وطلعت النسبة 376 والحمدلله قالت الدكتورة حمل بس البارحة سرت عندها قالت لي بسويلج صورة عسبت اشوف كيس الحمل وبسويلج فحص هرمون عاشان نتاكد من النسبة قالت لي مبين شي بسيط ما اعرف اذا كان حمل ولا لا وسوت لي سونار داخلي نفس النتيجة قالت فيه سماكة وايد كبيرة وفيح شي داخل مب واضح قالت المفروض يكون اوضح وطلعت نسبة هرمون الحمل 1900 اتقول المفروض اكثر وقالت وقفي تحاميل التثبيت وانا احاتي واختي قالت سيري عند دكتورة ثانية انا احس بلوعة بس ما ارجع واحس بمغص خفيف بس الحمدلله مب دوم وما فيني نزيف والحمدلله حابه اطمن واعرف هل نسبة هرمون الحمل اوكي ولا لا ويمكن لاني بداية الحمل املي بالله كبير واتمنى ردكم اذا فيه حد صارت عنده نفس حالتي بليز فيدوني ما ابي انصدم لانه هذا حملي الخامس وما ابيه يطيح؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مرحبا ..

حبيبتي متي اخر دوره عندج عشان احسبلج ؟! والي فهمته انج حملتي في نفس الشهر الي صار فيه اجهاض صح ؟!! انزين من تاريخ 3 كان الهرمون ؟! 300وشي وعقب 16 يوم استوا 1900 ؟!! النسبه جدا قليله ؟! او يمكن استوا عندج حمل متاخر لو تبين نصيحتي ع طول طيري الكورنيش وخبريهم ان هذا خامس حمل لج .. وهم بيهتموون فيييج وبيعرفون شو سبب الاسقاطاااات لانهم بيسووون كل التحاليل ..


والله يطمن قلبج ويثبت حملج ان شاء الله

__________________________________________________ __________

>>>> الرد الثاني :

مشكورة فديتج على الاهتمام ترى قلت باتشر بسير عندهم ويشوف انا ما اعرف متى حملت

__________________________________________________ __________

>>>> الرد الثالث :

كل يومين سوي فحص دم لو ارتفع الضعف يعني حملج سليم .. انتي امس سويتي الفحص ردي باجر سوي .. وبالمره روحي الكورنيش الطواري وخبريهم ان خامس حمل وهم بيسوون كل الاجراءات .. وطمنيني عزيزتي

__________________________________________________ __________

>>>> الرد الرابع :

حبيبتي لازم تاخذين مثبت الحمل و أسبرين وأحسن تغيرين الدكتورة يمكن الحمل بعده في بدايته اصبري وان شاء الله بيكبر ،،، خبريهم انه خامس حمل عسب يهتمون اكثر


ربي يثبته لج حبيبتي

__________________________________________________ __________

>>>> الرد الخامس :

فديتكم حبيباتي ترى بغيرها مع اني ما بقيت فحص ما سويته انا تابعت عند كذا دكتورة وسويت اكثر من فحص ويقولون ما فيج شيء وهذا طبيعي وهذا الحمل غير لانه الحمدلله ما صار فيه نزيف وانا متفائلة به وايد هي قالت لي وقفي التحاميل بس انا بلت لا بشيك عند دكتورة ثانية وبخبركم دعواتكم لي فديتكن واشكركن على الاهتمام والرد