ساعدوني دم بجنب كيس الجنين

عنوان الموضوع : ساعدوني دم بجنب كيس الجنين
مقدم من طرف منتديات الضمير العربي

السلام عليكم

خواتي انا ميته من الخوف انا تقريبا في الاسبوع السادس نزل عليه دم وايد في اول الخامس وترقدت اسبوع

تحول الدم لبني غامج سرت سويت سونار داخلي قالولي فيه دم جنب كيس الجنين وطمنوني انه الكيس

في مكانه الصحيح وقالولي اراجع السبوع الياي عشان نشوف الدم اختفى وقالولي الحمل مهدد بالاجهاض


وعطوني مثبتات وقالولي لازم ارتاح

ادعولي والله خايفه انا اتريى ها الحمل من 8 سنين وانا حاسه انه عين لانه فيه وحده حاقده عليه درت

والله حسيت بعينها شرار حسد وغيره وعقبها بعد كمن ساعه بديت نزيف

ادعولي الله يثبت حملي ويفرح ابوي وامي وزوجي وخواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

فديتج تطمني ان شاءالله تربين وتشوفين ضناج وانتي بصحه وسلامه

وان شاءالله يثبت حملج يارب

تقريبا نفس حالتي

حتى انا عندي كيس دم حذال جنين والحمدالله
بس انا ما نزلي دم وايد بشكل قطرات لونه مائل الى سواد

ودكتوره طمتني وان شاءالله خير بس عطتني دوفاستون ما عطتني تثبيت الحمل ماعرف ليش
معني خايفه وايد أجهض انا اتريا الحمل من ثلاث سنوات وان شاءالله يثبت حملي وحملج يارب

مفروض ما كنتي تخبرين احد بالحمل بس أهل بيت احسن لين ما يثبت الحمل انا جي سويت

فديتج حاسه فيج بدعيلج من كل قلبي يثبت حملج يارب

__________________________________________________ __________

>>>> الرد الثاني :

[QUOTE=زهرمار;42497575]فديتج تطمني ان شاءالله تربين وتشوفين ضناج وانتي بصحه وسلامه

وان شاءالله يثبت حملج يارب





فديتج اختي مشكوره على دعواتج وانشاءالله انا وانتي يثبت حملنا و ببتدي اليوم انشاءالله اقرى صوره البقره وصوره مريم

والله كريم انشاءالله

__________________________________________________ __________

>>>> الرد الثالث :

الله يهديج ليش تخبرين وانتي في بداية حملج؟
انا أمي و خواتي ما خبرتهم لين ما سمعت النبض
و الباقين عقب ما دخلت الشهر الرابع
الحين اللي صار صار ما ينفع الكلام
بس لازم ترتاحين مول ما تتحركين كله انسدحي و ارفعي ريولج و استمري على حبوب الدوفستون
و خذيلج ماي زمزم اقري عليه الرقية الشرعية و اشربيه
و زيت زيتون مقراي امسحي فيه بطنج
و دوامي على الأذكار والمعوذات والرقية الشرعية
و اول ما تشوفين دم ولا افرازات بنيه طيري ع العياده لا تصبرين..الله يثبت حملج ويفرحج يارب

__________________________________________________ __________

>>>> الرد الرابع :

https://4arab.xplainer.net/images/wo...quote_icon.png المشاركة الأصلية كتبت بواسطة زهرمار https://4arab.xplainer.net/images/wo...wpost-left.png
فديتج تطمني ان شاءالله تربين وتشوفين ضناج وانتي بصحه وسلامه

وان شاءالله يثبت حملج يارب

تقريبا نفس حالتي

حتى انا عندي كيس دم حذال جنين والحمدالله
بس انا ما نزلي دم وايد بشكل قطرات لونه مائل الى سواد

ودكتوره طمتني وان شاءالله خير بس عطتني دوفاستون ما عطتني تثبيت الحمل ماعرف ليش
معني خايفه وايد أجهض انا اتريا الحمل من ثلاث سنوات وان شاءالله يثبت حملي وحملج يارب

مفروض ما كنتي تخبرين احد بالحمل بس أهل بيت احسن لين ما يثبت الحمل انا جي سويت

فديتج حاسه فيج بدعيلج من كل قلبي يثبت حملج يارب



أختي الدفستون هو المثبت للحمل هذا بعد فضل الله . وخذي معاه كبسولات حمض الفوليك . ربي يكملج لج حملج على خير .

__________________________________________________ __________

>>>> الرد الخامس :

أختي , ربي يتمم لج حملج على خير وتقر عينج بشوفة ضناج , اللهم آمين . توكلي على ربع العالمين . حصني نفسج بالأذكار صبح ومساء وقري المعوذات ورددي هذا الدعاء الصبح والمساء : أعوذ بالله من كل شيطان وهامة وكل عين لامة . ثلاث مرات . وقرأي سورة البقرة يومياً .خذي المثبت وأرتاحي ولا تبذلي جهد وتوكلي رب العالمين . مادام الحمدلله كيس الجنين في مكانة فهذا شي يطمن وبالنسبة للحمل المهدد بالإجهاض الحين نص الحوامل يتعرضن لهذه المشكلة ولكن الحمدلله مع المثبت والراحة حملهن يتم على خير .