اكتئاب مابعد الولاده لحياة صحية

عنوان الموضوع : اكتئاب مابعد الولاده لحياة صحية
مقدم من طرف منتديات الضمير العربي

هلا خواتي ان مربي من فترة قصيرة ويايبه البيبي الثاني ومن هذا الوقت كل اصيح واحسني مهمله ولدي الاول واالي كان كل حياتي وريلي احسني مااقدر اسيطر على الوضع مااحسني اقدر اوازن في الوضع اليديد شو اسوي خواتي تيني الصيحه واقعد اصيح من الوضع اليديد ساعدني خواتي اطلع من هااموقف

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مبروووك عليج النونو اليديد
ماعليج اكتئاب ما بعد الولاده يحصل للاغلب بس خلج انتي المسيطره عندج نونو يديد يعني لازم تقسمين وقتج صح بينه وبين الاول وطبعا لانه صغير بياخذ اغلب وقتج بس لازم ولو تخصصي فتره قصيره تيلسين ويا الاول وتلعبين وياه. وانا من رايي تخلي ريلج يهتم بالاول هالفتره

انا الحمدلله خليت ولدي يتعلق بابوه وعودت ابوه انه يطلعه بدوني بس عشان يوم بيب الثاني اكون مرتاحه من ناحيته. وماعليج الوضع مؤقت فقط يعني بالبدايه عقب بتتعودين ان شاءالله وبتعرفين كيف تنظمين بينهم انتي ماقلتي كم الفرق بينهم

الله يحفظهم لج يارب العالمين

__________________________________________________ __________

>>>> الرد الثاني :

ولدي عمره الحين سنه وثمان شهور مشكورة حبيبي على الرد

__________________________________________________ __________

>>>> الرد الثالث :

الله يعينج انا بنتي عمرها سنتين وانا حامل الحين في شهر الخامس ومن الحين شايله همها كيف بتصرف وياها وبنتي من النوع الي واايد متعلقه فيني

__________________________________________________ __________

>>>> الرد الرابع :

فتره وبتعدي
بس لا تخلينها تسيطر عليج

__________________________________________________ __________

>>>> الرد الخامس :

لا تخلين المشاعر السلبية تسطير عليج
ترى فترة و بتعدي
انا تم فيني الاكتئاب بس عادي حسيته كان بسبب اني ما اخذ كفايتي من النوم

حاولي تخلين الناس اللي حولينج يساعدوج
مثلا خلي ريلج يهتم ف البيبي الاول و يبدله و يهتم فيه و يسبحه و يسوي له كل شي منه تشغلين وقته و منه يساعدج ؟ مب عيب ترى
و انتي اهتمي ف نونوتج الصغيروني
و مرات اعكسي الدور
هو يهتم ف النونو الصغير و يعطيه حليب لو يخاف يبدله
و انتي العبي مع البيبي الاول

انا كنت اطرش ولدي مع ريلي بيت اهله ولا اهلي و يلعب هناك
و جي وانا اتم مع النونو ف البيت في بعض الاحيان
و عقب سجلته ف حضانة عسب ارتاح ^..^
و مرات اتصل ف اهلي ام ريلي امي خواتي خالاتي و اطلب المساعدة عادي ما استحي
ايون عندي و اسولف وياهم و اغير جو و اسبح و ارتاح و اتعدل و نفسيتي تتغير

و عقب رتبي امور حملج و باعدي عسب ترتاحين شوي
ممكن اتيبين خدامة بالساعات لشغل البيت لو ما عندج خدامة مرة ف الاسبوع