عنوان الموضوع : حامل بالأسبوع 37 للصحة
مقدم من طرف منتديات الضمير العربي
السلام وعليكم ورحمه الله وبركاته
خواتي مالي غير الله ثم انتن
انا حامل في الاسبوع 37 وعندي ولد من قبل يوم سرت حق الدكتورة قالت رأس البيبي تحت سئلتها متى ينزل للحوض قالت عند البكر ينزل بس الي ربت قبل ينزل مع الطلق وانا في الليل عقب المشي أحس بالم في البطن والظهر وضغط ونغزات على المهبل بس ماتطول يعني ساعات ومجرد انام واصحى تختفي الحين السؤال في بنات يقولون لاتاخدين محميات الطلق ادا الرحم مافتح والدكتورة تقول ادا ياج الطلق بينزل رأس البيبي في الحوض الحين ماعارفه شو اسوي بليز أبا خبرتكم بنات والله تعبت أبا اربي وسكر الحمل تاعبني وفيني أرق ماارقد في الليل من الألم الي كل ماافرح انه ياني الصبح يختفي بليز بنات ساعدوني يعني اخد محميات الطلق مثل الزعتر والحلبه والميرميه والقرفه ولا اتريا للعلم انا اخاف البيبي يكبر في بطني مع السكر عقب ماروم إطلعه إلا قيصرية وانا مابا عمليات أبا اربي طبيعي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يسهل عليج حبيبتي ... للرفع
__________________________________________________ __________
>>>> الرد الثاني :
أختي بعدج ثلاث اسابيع لا تستعيلين...لما ربج بيكتب بيشرف البيبي ..أما عن الويع فهذا منان تباتين الليل تتويعين اتقولين خلاص يصبح عليج الصبح مافي شي..
__________________________________________________ __________
>>>> الرد الثالث :
انا بعد بالاسبوع 36 ونفس الشي قالتلي الطبيبة الراس ما نازل فالحوض قالتلي بعدج انا عاطيني اول 11 بس قالت عادي نعطيج اسبوع زيادة بس بعدي انا ما مشيت بعدي بس خفيف الله يسهل عليج وعلي يارب
__________________________________________________ __________
>>>> الرد الرابع :
جربي تركبين الدرج روحه راده و كلي الاناناس وايد زين
__________________________________________________ __________
>>>> الرد الخامس :
اول شي الله يسهل عليج يارب انتي وكل حامل
ثانيا شو اللي ما نزل راسه وتاخر الطلق وخايفه يكبر الجنين !حبيبتي توه الناس الحمل الطبيعي لين 39 و 40 اسبوع وعقبها التساهيل بيد رب العالمين بييج الطلق بروحه ان شاء الله
ثالثا واخيرا كثري من هالسوائل لي ذكرتيها اضافة للتمر وادعي ربج يسهل ويفرج ولادتج يارب انا حملين طبيعين من ادخل الاسبوع 39 ايي الطلق روحه بين يوم وليله
الله يسهل عليج
