منو اتساعدني...بعد الولادة رحمي نازل !!! لحياة صحية

عنوان الموضوع : منو اتساعدني...بعد الولادة رحمي نازل !!! لحياة صحية
مقدم من طرف منتديات الضمير العربي

السلام عليكم خواتي ...

انا مربية صار لي الحين 23 يوم ...يعني بعد اسبوع اكمل شهر...

صار لي اسبوع تقريبا احس انه المنطقة الحساسة عندي ثقيلة تعورني
الالم كنت احس فيه كانه شي طايح في المهبل ثقل شي ثقيل يجر مهبلي لتحت...و خاصة ( عند التبول و انتو بكرامة ) اول شي ياه على بالي عندي التهاب في البول لانه ركبولي قسطرة بعد الولادة ...لكن لاحظت ها الاحساس يجيني مرات و انا واقفة و مرات و انا قاعدة و حتى لو كنت طايحة ...

و عند فتحة المهبل صار لي مثل لحمية صغيرة ...و كرشة الحمل للحين ما خفت عندي مع اني بكمل شهر .. https://4arab.xplainer.net/images/smilies/frown.png

المهم رحت عيادة اليوم ...

قالتلي الدكتورة انه رحمي بعده كبير!!!!!!! والله يتني صيحة قلت اشلون كبير مارجع نفس ماكان مع اني من اول يوم ولدت يوميا ارضغ... و هذا احد اسباب كرشت الحمل ما خفت

و قالت انه رحمي نازل ..دخلت صبعها تحت مسافة شوية و قالت رحمج نازل https://4arab.xplainer.net/images/smilies/frown.png جان اصيييح مادري ليش صار لي جذي

وفوق هذا قالت سوالج ثقل عند الخياطة و الحين عندي التهاب في الخياطة و طالعلي مثل اللحمية https://4arab.xplainer.net/images/smilies/frown.png عشان الا لتهاب

عطتني نصايح
قالت لازم تمشين ما تقعدين وايد ..
لازم اطيح ورافعة ريولي فوق
ما اشيل شي ثقيل من ع الارض ولا اوخي على تحت

و كتبتلي مرهم بيتادين احطيه مكان الخياطة و مسحة على مكان ما حطولي القسطره https://4arab.xplainer.net/images/smilies/frown.png

والله نفسيتي تعبت كنت زينة اول ما ولدت ماكان فيني شي

بس من اسبوع بدا كل شي فيني مرة وحدة ليشششششششش!!!! https://4arab.xplainer.net/images/smilies/frown.png


الحين منو صار لها جذي؟

شنو تنصحوني في شي ثاني غير اللي قالته الدكتورة؟

هل ياثر بعدين على حياتي الخاصة مع زوجي ؟

واايد خايفة وتعبت نفسيا اني كنت زينة و صار لي ها الشي فجاة..


https://4arab.xplainer.net/images/smilies/sobhan.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعاااااافيج ياااارب ....

__________________________________________________ __________

>>>> الرد الثاني :

حبيبتي احسن شي للرحم النازل وللوالده عموما تمارين كيجل
وهي انج كل شوي تاخذين نفس قوي وتشفطين الهوا اللي ببطنج بقوووووووو
لدرجة انج ممكن تحسين بالم في اول فترة
لانها تعتبر رياضة للرحم
وبتشوفين المنطقة عندج ضاقت والرحم ارتفع
وسويها كل شوي
يعني كل ما تتذكرين سويها وانتي يالسه وانتي راقده وانتي بالسيارة وانتي ترضعين
ومستغربة كيف الدكتورة ما نصحتج بهالتمرين لان حتى في مستشفيات الولاده يعطونج بروشورات عن هالتمرين
انتي ادخلي جوجل وبتحصلين وايد معلومات عنها
وبالنسبة لالم الخياطة انصحج بكريم ميبو وحوض الماي والملح
وربي يشافيج ويعافيج

__________________________________________________ __________

>>>> الرد الثالث :

https://4arab.xplainer.net/images/wo...quote_icon.png المشاركة الأصلية كتبت بواسطة بهلولة https://4arab.xplainer.net/images/wo...wpost-left.png
حبيبتي احسن شي للرحم النازل وللوالده عموما تمارين كيجل
وهي انج كل شوي تاخذين نفس قوي وتشفطين الهوا اللي ببطنج بقوووووووو
لدرجة انج ممكن تحسين بالم في اول فترة
لانها تعتبر رياضة للرحم
وبتشوفين المنطقة عندج ضاقت والرحم ارتفع
وسويها كل شوي
يعني كل ما تتذكرين سويها وانتي يالسه وانتي راقده وانتي بالسيارة وانتي ترضعين
ومستغربة كيف الدكتورة ما نصحتج بهالتمرين لان حتى في مستشفيات الولاده يعطونج بروشورات عن هالتمرين
انتي ادخلي جوجل وبتحصلين وايد معلومات عنها
وبالنسبة لالم الخياطة انصحج بكريم ميبو وحوض الماي والملح
وربي يشافيج ويعافيج



الأخت كفت ووفت...بس حبيت أضيف حاولي انج مول ما تتربعين وانتي ياسة ودوم صكي ريولج وحاولي حتى دوم تحطين ريل على ريل عشان تلمين رحمج..

وما عليج شر إن شاء الله

__________________________________________________ __________

>>>> الرد الرابع :

عاادي الغاليه لو تعرفين ام صقر سيري لها بتسويلج كاسات او مسح وبرجع لج رحمج

الامر سهل .. ووايد يربن يسيرن لها ماشاء الله حتى تعطي المربيه اشياء تضوق وتنظف

انصحج سيري لها وعندي رقمها لو بغيتيه خبريني ع الخاص

__________________________________________________ __________

>>>> الرد الخامس :

حبوبه علاجج عند الدكتوره اوراس هي تعرف لهالاشياء