قصتي بقص المعده اللي يبا يستفيد. للحم الصحي
عنوان الموضوع : قصتي بقص المعده اللي يبا يستفيد. للحم الصحي
مقدم من طرف منتديات الضمير العربي
السلام عليكم خواتي عسااااكم بألف خير وصحه
انا ام سعود وأدعو لي إربي بسلامه بعد كم يوم ولادتي.
حبيت انزل قصتي بقص المعده علشان الكل يستفيد. وبكتب ألقصه كامل.
وأي استفسار انا حاضر.
يلا نبدأ.
انا عمري 26 سنه وعندي بنتين وحده ثمان سنين ووحده 6 سنين.
ومن بعد بنتي تم وزني يزيد ويزيد ولا قدرت احمل وست السنين وما خليت مكان ما عالجت.
المهم سنه 2017 بديت أن عالج بمستشفى النور علشان الحمل ونزني يزيد. وقالي الدكتور لازم أضعف. سويت اللي عيل ولا ضعف ولا قدرت
اشتركت نوادي والدكتور نيوترشن ورحيم ما نفعوني بشي.
المهم وصل وزني 104 كيلو. تخيلووو وتخلبت وبصيح ومن هنئ ما حملت
قلت ماشي غير اسوي قص معده. تميت 3 اشهر وأنا أدور أحسن دكتور لانه مجازفه.
المهم حصلت الدكتور اللي ارتحت له في مستشفى الامارات الدكتور علي فردون يزاه الله ألف خير ما قصر.
سويت موعد ورحت له وقعدنا نرمس انا وياه وزوجي وشفنا طريقه العملية. قال بسوي لي طي. بس شفت خيوط داخل المعده وخفت. قلت أبا قص.
المهم اتفقنا على موعد الفحوصات قبل العملية بأسبوع. وطبعا ثقه ما طاعت تغطي تكاليف العملية. وكانت تكلمه العملية 30 ألف درهم. بس هو خلاها 25 ألف درهم والفحوصات راحت على ثقه.
المهم تحدد موعد العملية بتاريخ 24. 12. 2016.
بعد ما سويت الفحوصات وكل شئ. وتجهزت ورقدت قبل العملية. سرت ارقد المستشفى فليل وعمليتي الصبح
قبل العملية عطوني إبره وسرت غرفه العمليات بعد ما ودعت ريلي ووصيته. وللعلم محد كان يعرف عن عمليتي غير ريلي.
دشيت العملية وسألني الدكتور وقالي لا تخافين.
وبعد 4 ساعات طلعت من العملية والحمد الله نجحت
سرت الغرفه اول يوم تعبت. لازم عمليه وكله استفرغ بسبب البنج ويعطوني منوم ورقدت.
ثاني يوم قالوا لازم انزل الأشعة. نزلت الأشعة وهم يسون لي أشعه يشربوني عصير. علشان يطوفون فيه تسرب أو لا. والحمد الله. ماشي ومأموري طيبه.
ورجعت الغرفه وثالث يوم بطلوا البيب مال الوسخ. ورابع يوم رجعت البيت.
والدكتور فرحان فيني وايد. يقولي العملية والمعده المثالية ومحطي صوره عمدتي في عيادته ههههههههه.
لانه سمعت الرمسه. قبل العملية بأسبوع خفت من الأكل وكله سوائل وقبل العملية بيوم سوائل. ومن المغرب لين اليوم الثاني وقت العملية كنت صيامه. والحمد الله قال ما تلعوزت بعمليتج. لانه معدتج فاضية.
أما سوا حق واحد وحده. قال حضرتهم ماكلين ومب منهضم الأكل وتبهدلوا وياهم.
وبعدين انا كنت اسمع رمسه الدكتور عدل.
المهم خلصت عمليه شهر 12.
شهر واحد واثنين وثلاثة. يتني الدوره ثلاث شهور ما توقفت ووايد نزلت لي تخيلوا. فيضان عزكم الله. لانه الدوره قبل متلخبطه عندي. و3 اشهر. وأنا الدوره فيني. وتخيلوا. شهر أربعه تاريخ 17 أبريل. يتني الدوره
وتمت كم يوم عادي.
ويوم يا تاريخ 20. مايو خمسه. ما يتني. ويوم سرت افحص طلعت حامل والحمد الله.
ما صدقت يا بنات الله فتحها عليه وكان المتن مضيع علي الحمل ومن ضعفت حملت.
ويتصدقون وكانت هذيج الفترة. تميت ادعي ربي وايد أني احمل. وسويت ثلاجه ماي عند مقبره. وصدقت والله رزقني بالحمل.
والحين حامل وبشهري وبعد كم يوم بربي.
وكان وزني 104. وطويل 166. والحين وزني وأنا حامل بالشهر التاسع 65 كيلو.
حياتي تغيرت وريلي مستأنس وأحس عمري خفيفه ومرتاحه وقدر ارقد.
قبل لا اقدر ارقد من الثقل وريولي وظهريه ولا اقدر التنفس.
والحين حياتي مليون درجه غير.
وان شاء الله تستفيدون من تجربتي
عن دكتور علي فردون مستشفى الامارات. العين.
موسوي تقريبا حق نص أهل الامارات.
بالتوفيج لليميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحمدلله .. موفقة يا رب .. بس ما خبريتنا عن أعراض العملية وكيف طريقة الأكل .. وهل كنتي تسوين رياضة ولا لأ ..
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الحمدلله والله يسهل علييييييييييييييج
وزين عرضتي تجربتج وان شالله الخوات يستفيدن منج ،،،
لانه فعلا المتن ماوراه الا الامراض والثقل ،،،
والحمدلله على سلامتج
__________________________________________________ __________
>>>> الرد الرابع :
مبروك الغاليه الله يقومك بالسلامه ان شاء الله بس حبيت اسالج ما فى اى مشكله من العمليه مع حدوث حمل
يعنى اذا حصل حمل لا تتاثر العمليه بالحمل ولا العكس؟
سؤال تانى انتظرتى وايد لتحديد موعد وبعد ميعاد العمليه كان قريب ولا بعيد عن يوم الكشف ؟
السموحه على الاطاله
__________________________________________________ __________
>>>> الرد الخامس :
