بشرة رائعه مع د.سعاد لطفي مشاكل السمنة
عنوان الموضوع : بشرة رائعه مع د.سعاد لطفي مشاكل السمنة
مقدم من طرف منتديات الضمير العربي
السلام عليكم ورحمة الله وبركاته
اشحالكن بنات ؟
حابين تحافظون على بشرتكن؟؟؟؟؟
شوفو شو الي سمعته في احدى المقابلات التلفزيونه
من كم يوم شفت برنامج على قناة سما دبي وكانو مستضيفين الدكتورة الامراض الجلدية والتجميل د. سعاد لطفي اذا تعرفونها لانها صايرة مشهورة وسمعتها تتكلم عن السان بلوك الي هو كريمات الحماية من الشمس
واكدت وايد على هالموضوع لانه تعرفون شمس الخليج حاااره مرررة وقالت انه هاي الكريمات واايد ضروريه لانها تحمي من مشاكل كثيرة اللي ممكن تسببها الشمس مثل الكلف و السرطانات ولكن الحمدلله وبفضل رب العالمين علينا انه انعم علينا بجلد ما يجيه السرطانات بسهولة مثل الاجانب ذوي البشرة البيضاء يعني نسبة المرض عندنا بسيطة و لله الحمد
بالنسبة للكريم لازم يكون +30 ... مكتوب على العلبه لانه معروف شمسنا حاره... ووصت للنساء الي يتمكيجون بانهن يستخدمون الفاونديشن الي فيه حماية من الشمس لانه الكريم العادي لازم يتجدد كل 3ساعات والحريم ما بيمسحون المكياج كل شوي ... وقالت حتى لوبتطلعون دقيقه برع بعد حطو كريم الحمايه ولا تهملون هالشي وتتهاونون لانه هذا اكبر غلط
واكيد حذرت من عمليات التسمير( التانينج) لانها تؤذي البشرة بشكل خطييييير لانه تعريض البشرة للشمس يؤدي لحرق البشرة والتـأثير على صبغة البشرة ( الميلانين)بحيث انها تغير من شكل الخليه وتخل وظيفتها مما يؤدي الى زيادة نسبة تعرض الجلد للسرطان
واما بالنسبة للتسمير المبالغ فيه مثل ما يسوونه الاجانب طبعا يترك اثر كبير ويؤدي الى حروق و يسبب النمش والسرطان طبعا والنوع الخبيث منه
وطبعا اكدت على سالفه لبس النظارة الشمسيه و ضوروري تكون كبيرة الحجم عشان تغطي اكبر مساحه ممكنه
لانه مع مرور الوقت ومع تعرض العين للشمس ممكن يصير مرض الجلوكوما والي هو الماي الابيض في العين فضروري ناخذ احتياطتنا ولا انا نبتلش
وحتى الاطفال نوهت على انهم يحطون لهم كريمات الحمايه عشان بشرتهم ما تتأذي ومثل ما قالت نحمي البشرة من الصغر عشان ما تصيرلنا مشاكل كبيرة واحنا كبار
والرجال بعد ما نستهم وقالت لازم الرجال يحطون هاي الكريمات ولانه هاي الكريمات تيي ملونه شوي يعني عقب ما تحطونها يبين مثل الفاونديشن عشان جذي في مستحضرات خاصة للرجال مثل البخاخ و الجل يعني ما يبين انه حاط كريم
اسمحولي اذا طولت عليكم بس شفت المقابله واستفدت منها وحبيت انقللكم الي استفدته والخصه لكم بحيث اني اتناول كل المواضيع الي تحدثت عنها
تحياتي لكم :enjoy
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
مشكوووووووووووووووووووورة
__________________________________________________ __________
>>>> الرد الرابع :
العفوو
انشاء الله استفدن من المعلومات
شكرا
__________________________________________________ __________
>>>> الرد الخامس :
ثاااااااااااااااانكس وانا اتعالج عند اختها د.سميحه لطفي الثنتين ماعليهن زوووووووووووود^^
