خبيرات التجميل ..ضروري هنا الحل
عنوان الموضوع : خبيرات التجميل ..ضروري هنا الحل
مقدم من طرف منتديات الضمير العربي
السلام عليكم
سويت فيشر وتقشير تجميلي لأثار حب الشباب في مركز تجميل
يحطون ماده حارقه بنسبة تركيز معينه تقشر الجلد وتقول لاتعرضين للشمس
وعلى طول رطبي البشره ومكان التقشير سويت الي قالت المشكله بعد شهر حسيت المكان المقشر
مستوي مثل الكلف وخايفه مايتغير اللون سرت لهم عطوني كريم مرطب وواقي
واستمر عليهم قالو بيسوون لي تقشير ثاني في فصل الشتاء لأن الشمس تأثر
كم الفتره المفروض ما اظهر في الشمس وكيف أحافظ على بشرتي بعد الفيشر
بليييز نفسيتي تعبانه وماعرف شو الحل
خبيرات التجميل وأي وحده عندها فكره لاتبخل علينا بحل أنتظر الردود....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معقوله ...............................
ولاوحده...................................
__________________________________________________ __________
>>>> الرد الثاني :
هلا اختي انزين تمي حطي واقي شمس اذا ظهرتي برا البيت و
استمري على الكريمات اللي وصفها لج الدكتور
وان شالله توصلين للنتيجه اللي تبينها
موفقه .
__________________________________________________ __________
>>>> الرد الثالث :
حبيبتي مراكز التجميل ما يفهمون بهالامور اسمحيلي... روحي عند د. سعاد لطفي عندها خبره بالامور الجلديه والتجميليه..
__________________________________________________ __________
>>>> الرد الرابع :
هذا اللي سويتي تقشير أحماض الفواكه سببلج الحروق مو كلف لان ما ناسب بشرتج او ما حطيتي شوي من كريم اللي سياعد على نمو الجلد اليديد انصحج ما تسوين هالتقشير مره ثانيه وحطي كريمات التفتيح بيروح ان شالله لان الحرق سطحي مو عميق بعني فوق الجلد أو مع الوقت بيروح بس لازم كريم التفتيح
__________________________________________________ __________
>>>> الرد الخامس :
ااذا انتي في بوظبي سيري عند الدكتور سمير العلي اللي في مركز الدكتور حسن الفكري ماشالله عليه الكل يمدحه وبنت عمي سارت عنده ماشالله بشرتها شرات اليهال يعني فرق واضح في بشرتها قبل ما تعالج وعقب ما عالجت انشالله ناويه اسير عنده بس مب الحين لان الجو حار
