خلطآت التبييض .. بحآجة لتجآربكم .. هنا الحل

عنوان الموضوع : خلطآت التبييض .. بحآجة لتجآربكم .. هنا الحل
مقدم من طرف منتديات الضمير العربي

السلآم عليكم ورحمة الله وبركآته ..

خوآتي .. شرآت مآ تعرفون ، عندنآ ملآييين الخلطآت اللي تصنع لغرض التبييض ..

والكثير يقول ، خلطآت طبيعية ، اذآ مآ نفعت مآ بتضر ..

نجرب اليوم ، وبآجر تظهر لنآ خلطة يديده ، نودر الأوليه اللي بآدين فيهآ ونكمل ع اليديده وهكذآ ..


صح البيض والسمر ، خلق الله ..

بس مآ يمنع انه في كريمآت ، سآعدت على تبييض الكثير من البنآت اللي خلقتهم أصلآ سمر ..

غير انهآ صفت بشرتهم وعطتهم عمر أصغر من عمرهم الحقيقي .. وزآدتهم جمآل ..

بس تعآلوآ سألوآ هآلبنآت عن اسم الكريم ..

محد يعطينآ جوآب مقنع ولآ صحيح .. بيقوولون من النت دوروآ .. الخ



مآ علينآ ..

بس حبيت أفتح هآلموضوع ، لتجآربكم حول خلطآت التبييض ، سوآء شريتوهآ من تآجره من المنتدى

أو من السوق ، أو بوصفة طبية ..


أملنآ الحصول على التجآرب الأمينه ، والنصآئح المفيدة ..


بآنتظآركن عزيزآتي .. لآ تبخلوآ علينآ بمآ لديكم .. أحبوآ لأخيتكم مآ تحبوه لأنفسكم ..



https://4arab.xplainer.net/images/smilies/sob7an.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عزيزتي انا خذيت خلطه من ام شوق وعزوز ماشاالله عجيبه وتجيب نتايج حلوه طبعا انا استخدمها لاماكن معينه ومشى حالها ايديني فتن واصابع ريولي بعد وكذا منطقه جربي وشوفي بعينج في النهايه هاي تجربتي

__________________________________________________ __________

>>>> الرد الثاني :

أخيرآأ حد رد ..
مشكووورة يآ قلبي على مشآركتج ..
لو شي تقييم جآن قيمتج
عسآج ع القوة https://4arab.xplainer.net/images/smilies/smile.png

__________________________________________________ __________

>>>> الرد الثالث :

الغاليه ..السوق ممزور منتجات تبييض
المنتديات ممزوره وصفات وخلطات تبييض
الانترنت عامة فيه ناس يعرضون بضاعتهم للتبييض
لكن السؤال المهم :كيف نقدر نصدق الناس اللي حاطين تجاربهم ونحن ما نعرفهم؟؟؟
كيف نعرف ان الانسانه اللي حطت تجربتها وكلها مدح في منتج معين تعاني من مشكله بنفس درجة معاناة بنت غيرها؟؟؟؟

مافي شي مضمون النتيجه 100% حتى المستحضرات الطبيه مب شرط تعطيج النتيجه اللي تدورينها
يبقى بس التجربه ومثل ما يقولون التجربه خير برهان
بس نصيحه للبنات اللي بيمرون ع الموضوع :لاتستخدمين شي انت مب محتاجتنه يعني في وايد بنات ماشالله ما عندهم مشكله في بشرتهم وتحصلينهم يستخدمون خلطات الحبوب او خلطات التبييض او خلطات عن التصبغ
بس لمجرد التجربه وهذا ممكن يكون بداية مشكله جلديه ما تعرف كيف تعالجها فتقوم تلجأ لخلطه ثانيه عسب تصلح الاولانيه وهنا عاد تدخل في دوامة الخلطات اللي ما تنتهي وفي النهايه بدون فايده

__________________________________________________ __________

>>>> الرد الرابع :

لين يومج انا ماستخدمت شي من هالخلطآت التبييض ،،

مآحب اتعبث بشره ويهي ،، وماتعرفين هالخطآت شو مكونآتها ,,

واذا ظهرتلي حبوب ع طول اسير اتعآلج ,,

مآخلي المشكله تترآكم وتير ورآها مشكله ثآنيه ،،

اهم شي تهتمين بصحه بشرتج من نآحيه الاكل ،،

واشربي مآي في اليوم حوآلي 8 اكوآب ،،

اهتمي بنظآفه البشره من ترطيب وسكرآب مره بالاسبوع ،،

صدقيني الخلطآت علآجهآ مؤقت ومآتعرفين يمكن تضرج اكثر ماتفيدج ،،

دمتي بود ،،

__________________________________________________ __________

>>>> الرد الخامس :

مرااااااااااحب
انا دوم اسمع عن خلطة العامريات ويقولون واااااايد اتبيض مادري اذا في المنتدى عااااااامريه اتحطلكم الخلطه