عنوان الموضوع : ((اوباجـــي)) هنا الحل
مقدم من طرف منتديات الضمير العربي
الســـــــــلام عليكم ورحمــــة الله وبركــــــاته
بنات كريم كلير لي من اوباجي اعرف انه لمعالجة البشره و توحيدها وتفتيحها استخدمه صار لي فتره و بشرتيه قامت اتقشر وصارت جافه ومشدوده!!!
وكمبلكس بعد شوو يسوي للبشره لاني اعرف انه فيتامينات بس بغيت اتأكد..,,
يليت تفيدوني!!!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اهلا بالاخت مهرة المنصوري2 .....كريمات اوباجي ررررروعة للبشرة ....... انتي عندج كريم كلير ......هذا للتبييض ....وكومبلكس a ...هذا عبارة عن فيتاميناتa e c والوفيرا (الصبار).....ومايستعمل بروحة
انتي لازم تستعملين كريم بلندر (blender ) رقمة 5 وهذا عبارة عن مقشر مع كومبلكسcomplex a )a)
يعني تحطين في يديج شويه من بلندر5 مع شوية كومبلكسa وتخلطينهم مع بعض وتحطينهم على الويه طريقة التوزيع لازم تكون من تحت لفوق ...يعني كل مرة تأخذين شوية من الكريمين وهذا علشان التقشير ...وطبعا هذا يكون بالليل وفي النهار اذا كنت تطلعين في الشمس لازم واقي لان بدون واقي بيسمرج...اما كريم كلير( clear ) رقمة 3 هذا للتبييض تقدرين تستعملينه الصبح ولازم فوقه كريم حماية من الشمس..وطبعا هذه الكريمات موجودة في اماكن معينه في ابوظبي مركز اوباجي وفي دبي صيدلية المستقبل في مركز الخليج ...وفي الشارجة عندهم مركز اوباجي ...واي سؤال انا حاضرة .........تحياتي
__________________________________________________ __________
>>>> الرد الثاني :
الاخت مهرة المنصوري2 ....في حالة اذا بشرتج وايد جافة ممكن تستعملين مرطب من نفس الماركة اوباجي ...اومن روك ....يعني تريحين البشرة يوم ....لان المرطب من ظمن برنامج العلاج ....انا عن نفسي استعمل المرطب بعد ما اخلص العلاج ...لكن انتي استعملتي الطريقة بالخطا لهذا السبب انصج باستعمال المرطب يوم اويومين وبعدين كملي العلاج بالطريقة الصحيحة...وكانت الدكتورة سعاد لطفي تعطي كريمات اوباجي البلندر والكومبلكسa وتعطي وياهم كريم روك للترطيب ....والهدف من العلاج هو تقشير البشرة وعلشان تروح كل البقع والحبوب وتظهر بشرة جديدة صافية
__________________________________________________ __________
>>>> الرد الثالث :
complex a فائدةهذا الكريم غني بالفيتامينات والوفيرا ..الصبار
فيتامينa يسلعد على تجديد الخلايا ويقلل التجاعيد
فيتامين c يوحد لون البشرة
فيتامين e تنعيم البشرة وتحسين قوامها...يعني يخلي الويه حلو
__________________________________________________ __________
>>>> الرد الرابع :
مشكورة اختي جيهان ماقصرتي الله يوفقك............ عندي سؤال الحين بغيت ابتدي علاجهم بس اشتري من الصيدلية الكمبلكس والبلندر......... والمرطب بس......... ولازم الكلير ولابدون ؟؟؟؟؟؟؟؟ومشكورة حبوبة
__________________________________________________ __________
>>>> الرد الخامس :
جيهان الغاليه طريقتج اعرفها لاني كنت اتعالج من سنتين عند اوباجي وكنت استخدم هذي الطريقه لمدة 6 شهور وبشرتي الحمد الله صارت احسن بس يبيلها وقت طوييييله وعفسه والويه يتبهدل ويغدي حساس من التقشير لانه تقشيرهم عنييييييييييييف ههههههه
بس انا ابا شي يفتحني وعلى بالي انه كلير يفتح بس اشوف ويهي تقشر !!!!
والكومبلكس فيتامينات عادي على ما اعتقد استخدمه روحه انا استخدمه المسا
الغاليه بنت اختي سارت عند عاطف لي في تخصصي ووصفلها بس كلير مع مرطب بسبع دراهم عسب ما تتقشر بشرتها يقولون انه كلير يغني عن كل كريماتهم
تخيلي البلندر الصباحي مقشر
والبلندر المسائي مقشر
والكلير بعد يقشر
ويوم دقيت الصيدليه اسال قالو حتى كمبليكس يقشر!!!
والله احترت
يليت تفيديني الغاليه اذا عندج اي معلومات اضافيه
قموره تسلمين الغاليه
