كل وحدة تقول رايهاا وين احسن مركز او عيادة جلدية سوت فيهاا فيشل او جلسة معينة
عنوان الموضوع : كل وحدة تقول رايهاا وين احسن مركز او عيادة جلدية سوت فيهاا فيشل او جلسة معينة
مقدم من طرف منتديات الضمير العربي
[CENTER][CENTER]
اهئ اهئ كل اللي كتبته انمسح وااااء
السلام عليكم ورحمة الله وبركاته شحالكم يابنات
شو مسوين والله مقهورة كل اللي كتبته انمسح
برد اكتبه بس باختصار
الله يسلمكم حبيت انزل هالموضوع عشان ناخذ خبرات بعض
في احسن مكان سويتو فيه فيشل او تعالجتوو فيه
الله يسلمكم ايام المراهقة كانت فيني حبوب وللاسف سببتلي اثار
المسمات اللي فيني مب وايد عميقة بس بعد مضايقتني وخاطري اتخلص منهااا
واللي زاد الطين بلة انه من بديت الجامعة احس بشرتي وااايد تعبانة ومرهقة ومافيهاا نظارة
ايام حب الشباب سرت مستشفى ايراني اوكيه بس بعد ماكان الحل فعال مع الحبوب اللي فيني
وسرت عند كلداري الصراحة شخصية الدكتور نفسه رووعة
هو عالج اختي ايام قبل وصدق ما قصرر وبعد عيال اخوي دوم يروحون له
لانه كلهم فيهم اكزيماا وصدق مافي مثله ماشاء الله عليه
انا سرتله بس للاسف هو كان يتبع معاية الحل البطئ بالكريماااات
وانا ابغي حل سريع خاصة الحبوب كانت بدت تسببلي قلق واثار
فيوم سرت مستشفى راشد عطوني رايكوتين
الصراحة هالحل المثالي حمدالله افتكيت من الحبوب اللي كانت تارسة ويهي
وزين انه خففت من الاثار اللي كان يمكن تكون اكثر بس الحمدالله
المهم نرجع لموضوع المسامات اللي ودي لهاا حل
اختي اللي اكبر مني كانت فيهاا مسامات عميقة بقوة
جربت التقشير الكيميائي عند فاطمة مدني بمركز حمر عين
الصراحة النتيجة كانت مبهرة وفعالة صح ما راحت الاثار نهائياا بس صدق خفت
وبشكل ملحوظ يعني لو سوته مرة ثانية اكيد راح يكون احسن
بتقولون ليش ماتجربين
انا ابوي من النوع اللي يخاف يعني هو وافق لانه اختي حالتهاا خص عني
وهو ماصدق راحت عني الحبوب فيخاف اخرب ويهي
ويعني اختي يوم عرست خلاهاا تسوي هالسوالف
المهم مع المحاولات اقتنع
قلت فرصة اجازة وشتااا يوم سرتلهاا نصحتني بالاورجنك بيل عند فاطمة احمد
بنفس المكان قلتلهاا نفس النتيجة قالت هيه ومايحتاج 3 او 4 جلسات نفس الكيميائي
قلت خلاص
انا قلت دام مافيهاا حرق وطبيعي احسن وهي قال نفس الشي
هو الصراحة النتيجة كانت رووووعة
يعني بشرتي تقشرت وحسيت طبقة ميتو طلعت والطبقة اللي تحب روعة وصافية وولا احلى
بس المسامات نفس ماهي ماحسيت بهذاكي الفرق اللي بين يوم اختي سوت
بس من ناحية رووعة روعة اختي الثانية بشرتهاا زينة بس فيهاا بقع لونية
سوت بعد هو كان اوكيه حقهااا لانه مافيهاا مسامات حمدالله
وصدق مالي ويه اقول لابوية بسوي بينازعني
وبيقولي تلعبين فويهج يعني خاطري اسوي الكيميائي بس المشكلة
صيف وجامعة ويبين يعني مايستوي اسويه بالسر
خخخخخ والصراحة المشكلة في الشي اللي بسررر كله من جيبج
و بنات عني ومرة اخوي ساروو عند سعاد لطفي بس مامدحوهاا وايد يعني عادي كان
والدكتورة اللي اسير عندهاا بالعيادة هي فنانة الصراحة اسمهااا
د. سوسن الملا
قالت انهاا عندهاا عيادة في مركز سلطان علماء الطبي
سالتهاا عن حل للمسامات قالت تسوي بعدياتهاا علاج شي مثل الرول فيه دبابيس
وقالت تسوي قبله عشان نتيجة احسن تثسير بالالماس بس بعد السعررر مب وايد بس مب شوية
يمكن بدون تقسير الالماس 1500 تقريبا فانا ماعندي فكرة لو حدة يعرف هالعلاج او ساير لهاا قبل
يعني عالاقل اعرف تجربة من غيري !!!!
انزين والله يسلمكم بعد جربت مركز كايا وايد من اعرفهم كانو يمدحونه بس بشرتهم زينة يعني مثل العناية اليومية
اما انا بشرتي تعبانة المهم
خذت عندهم باكيجين
باكيج 4 جلسات تقشير الالماس
وباكيج 4 جلسات نسيت شو اسمه اتوقع بيل كايا
ماقول ماكان حلووو بس ماحسيت التاثير اللي كنت متوقعتنه على هال8 جلسات والسعرر المبالغ فيه
تمنيت شي احسن يعني يوم سويت الاورجنك بيل الكل لاحظ اني مبيظة
اما ه1اا حسيت عادي مب مبين ولا حد قالي شي
يعني مثل ماتقولوون احساس شخصي وتغيرات بسطية ما يلاحظهاا غير الشخص نفسه
خاطري اجرب كلارنس اعرف انه اوكيه وكريماتهم معروفة ووايدين مجربين
بس ماادري كيف فيشلهم ؟!!! يستاهل اللي بصرفه
ومحتارة بعد سرت اطالع ديرمالوجيكااا احسه حلووو و كريماتهم بعد
بس ماادري كيف فيشلهم وهل يستاهل سعرهم وكريماتهم حد جربهااا
عاد اختكم في الله طاحت في ميرل نورمان لول
ماشي حبيت المحل من برع مالحقت ادخله خذت كتابهم عيبني
حبيت كريم عنهم للتقشير قلت بسال بكم ؟!!!
وامي عيبهاا عاد هي من متى خاطرها تاخذ فاونديشن
واليوم مريت المحل وعاد امي قالت تبا فونديشن وحطولهاا ماادري حسيته عادي في البداية
بس مابغيت اكسر بخاطر الوالدة لانه تعرفون يوم الاهل يكبرون يجوفونا كله نقول لا ومب حلوو
فقلت لهاا زين وهي كانت مستانسة بس الصراحة صدق حسيت انه حلووو ومخلي بشرتهاا منورة
وكان سعره زين توقعته اغلى كان سعر كريم الاساس 129 وهو محل امريكي
وعاد انا لساني طويل جان اقولهاا انزين ماشي دسكاونت شي فعطتني شنطة وفيهاا كريم قبل كريم الاساس وبودر كتكوتي وفاونديشن صغير بس والله زين مب نفس التسترات فمحلات ثانية
وبعد عطتنا سكرابز الصراحة سايزة حلووو يكفي اسبوع
والشنطة مالتي الميكب وايد حلوة
المهم صح نسيت اقولكم اللي بغيته كريم التقشير بــ299 اتوقع بس هو مقشرر كيميائي منزلي
وجفت ماكينة باخر فاكتشفت عنهم فيشل عاد ماصدق سالتهاا وجي فحسي سعرهم حلووو
نفس اسعار الصالونات بس المشكلة انا مااوثق بالصالونات ماصدقت ويهي يتحسن ومافيني تردلي لحبوب
المهم قالتلي الفيشل بــ250 وقالتلي انه في عنهم عرض احينه انه يعطون اتوقع يا اكستراا باكيج او تشترين بمبل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
يسلموووو عالرفع انتي غرامي
.
.
.
ديوور مب مشكلة لو عرفتي اللي فبوظبي قويلنا لانه معظم المراكز الجلدية لهاا فروع في باقي امارات الدولة
بالنسبة للحبوب تحت الجلد الله يعينج انا الصراحة جربت كل الكريمات انواع واشكال
بس انا حبوبي كانت واظحة وملتهبة وكل مرة كانت تزيد
يعني صح الكريمات كانت فعالة بس مفعولهاا بطئ واللي بياثر عبشرتي
فصدق الراكوتين كان مفعوله فعال وسريع ماشاء الله وماادري بالنسبة للي ماينصحون فيه
بس انا عن نفسي انصح فيه لانه الدكتور مابيوصف شي بجون مايحلل
لازم تسوين تحليل دم ويجوفون وزنج واذا انتي معرسة لازم ماتحملين اتوقع مدة 3 شهوررر
بس انا كنت بالمدرسة فخذته وما حسيت له اثار جانبية مجرد جفاف فحلجي
بس اكيد يفرق من شخص لثاني
اختي سولهاا اياه مع انه حبوبهاا مب وايد بس كانت تطلعلهاا حببتين او 3 بس فظيعين
فاستخدمته نفسي
بالنسبة لبنت خالي استخدمته بس هم نقصوو الكمية حقهاا لانه اصلن ظهرهاا يعورهااا
فكان شوي يتعبهاا يعني الواحد وصحته ووزنه وهي كانت ضعيفة
والحينه بالجامعة ربيعتي ماخذتنه بس وصفلهاا اياه دكتور كلداري صدق انصعقت
انا حبوبي كانت مخربة ويهي وقال بنبداا بالعلاج البطي لو مافاد بننتقل للحبوب
عاد هييج الفترة ابوي ماكان يؤمن عالحبوب
المهم ربيعتي وصفلهاا راكوتين مع انه والله بشرتهاا وايد زينة يعني حتى لو تطلع حبوب وايد خفيفة
مجرد كريم رتين A و وهذاا اللي مثل التونر اسمه dalacinT
يعني انا الحينه صح مافيني شي بس احيانا تطلعلي حبوب خفيفة فاستخدمه احسه اوكيه
يعني مااادري احيانا الدكاترة ماينعرفلهم !!!!
بليزززز بنات نبي خبرتكم
وضروري عن الفيشل يعني اللي مجرب ميرل نورماان اثبت حجزي ولا ديرمالوجيكااا وكلاريس احسن ؟
او عندكم اماكن ثانية
__________________________________________________ __________
>>>> الرد الرابع :
Ana sim3t 3yada shanar eljeldya bint doctor zainab fe jumaira fishalha ok
__________________________________________________ __________
>>>> الرد الخامس :
ماعندي فكره .. عني انا يأست ماظن انه المسامات لها حل ..
ان شاء الله البنات يفيدونج
للرفع
