تنبيه بخصوص بعض الاعشاب هنا الحل
عنوان الموضوع : تنبيه بخصوص بعض الاعشاب هنا الحل
مقدم من طرف منتديات الضمير العربي
السلام عليكم
خواتي بغيت افيدكن بشي..
تعرفون بلادنا فيها من جميع جنسيات العالم
وكل بلد وعنده عادات وتقاليد
وخاصه نحن يا الحريم كل وحده عنده طرق للعناية بنفسها
لاتنسون اختلاف انواع البشرات واختلاف طبيعة كل بلد بما يلائم جوها وطقسها وسبحان الله
كيف اتقن خلقه عز وجل بما يتلائم مع طبيعة المناخ و الطقس
اضرب لكم مثال:
شوفوا بشرة الافارقة تكون اقوى انواع البشرة ومافيها مسامات او مساماتها قليلة جدا <<لاحظوا قلة ظهور الشعر في اجسامهم
شوفوا البشرة الاوربية ارق انواع البشرا ت ولا يستحملون حرارة الشمس ،،لان بلادهم قليل ماتظهر فيها الشمس واذا مشو تحتها لازم حماية
هذي امثلة للاستدلال
الحين نبا بيت القصيد ^^
مثال الدلكة السودانية السودا :
تحتوي على اعشاب وعطور قوية جدا ..نحن الخليجيات صعب نتحملها مثل ماقالت لي اخت سودانية الله يجزيها خير ..عشان جذي من الافضل تاخذون البيضا اللي هي عبارة عن شوفان وحليب على ما اعتقد
الحين ناتي لعشبة تستخدم في الحمام المغربي هي عشبة الداد وهي عشبة خطيرة لانها تحتوي على مواد سامة <<حسب ما قريت
لذلك لا تستخدمونها على البشرة المتهيجة او البشرة التي تحتوي على جروح
الصابون المغربي السائل كما سمعت انه يحتوي على مادة الكبريت لذلك حذاري من استخدامه على بشرة الوجه <<ابتعدوا عنه لان بعض البشرات تتحسس
كريم شيرلي كريم خطير كيميائيا ونازل عنه تحذيرات من فرنسا ومن وزارة الصحة المغربية
عندكن في الاونة الاخيرة منتشرة طقوس الجلوس على الفحم وتدخين الجسم عشان يشده
وان مشكلة الخليجيات الماي البارد
محد عرف مر يقولون ماي حار مر باارد ،،علميا الماي البارد افضل وانا لو بصدق اي موضوع بشكل عام بستفسر عنه دينيا لو له معلومة من الدين وثانيا علميا .,,
وعلميا خواتي الفحم يصدر مادة ثاني اكسيد الكربون ..كيف تدخل هالمادة في نفسج (المنطقة الحساسة) ومسامات جلدج ,,سبحان اللي عطانا عقل عشان نتفكر ونعتبر ..
اللي ما اتصدق اي معلومة تسوي سيرج في قوقول
ابغي لكن الفايدة لان مب كل وحده يات تعطينا خلطة ولا شي ربعنا وراها بدون ما نكلف عمارنا نقرا ونستفسر ..ترااا مااا شي اسرار لحد ولا خرابييييط واهتمام كل مراة بنفسها هي وشطارتها وحبها لذاتها ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جزااااااااااااج الله الف خير الغاليه
__________________________________________________ __________
>>>> الرد الثاني :
صح نسيت اضيف:
المنطقة اللي تحطين عليها ليمون او فازلين لا تعرضينها للشمس عشان ماتستوي بقع ونمش
و الله اعلم
روومانة
وياج يا رب
__________________________________________________ __________
>>>> الرد الثالث :
شكرا عالموضوع المفيد
للرفع
^
^
^
__________________________________________________ __________
>>>> الرد الرابع :
جزاج الله خير
ورماد الفحم الخوات ذكروه صراحة يخوف يحطونه على جسمهم ويفركون ويفركون عقب يشيلون الشعر ،،
احسه خطير والله اعلم
__________________________________________________ __________
