جسمك صار خرايط من التشققات اتفضلي شاركيني الحل هنا الحل
عنوان الموضوع : جسمك صار خرايط من التشققات اتفضلي شاركيني الحل هنا الحل
مقدم من طرف منتديات الضمير العربي
السلام عليكم ورحمة الله وبركاته
الموضوع واضح من عنوانه
انا تعبت مررررررررررة من التشققات وبلاويها ومنظرها المقرررررف
يعني اول كانت مدارية في المؤخرة بس اتطور الموضوع لما لقيتها
بعد ولادتي في ولدي ولقيت بطني وصدري مشققين
كانه خربشتني بسة
وما خليت خلطة الا وقريت عنها وحاولت اجربها
جربت خل التفاح ما اقول انه ما نفع معايا
بس انا اللي ما استمريت عليه بسبب ريحته مرررررررة ما قدرت عليها
وكمان كريمات تجارية جربتها وبررررررضه مانفعت
وحتى لما ابغى اسمع تعليق يشجعني اني اكمل من طرف اهلي
اقولهم ها اتحسنت التشققات اللي بطني
يقولوا اممممممم يعني
آآآآآ موكثير
انتي كيف شايفة نفسك
ترى كاني سمعت انه ما في امل تروح
تقريبا بيقولولي لا بس من غير ما يحسسوني بالاحباط
وفيه زبدة سمعت عنها في النت قالوا انها توديها
اسمها زبدة الشيا
لقيتها على شكل لوشن مو زبدة في بودي شوب واستعملتها في صدري
استعملها 3 مرات في اليوم وخلال اسبوع زوجة اخويا قالتلي
قهوة بالبندق كانه التشققات اللي في صدرك بدات تختفي انتي بتسعملي شي
فرحت مرة وقلتلها عالكريم
بس نفس المنتدى اللي اخدت منه اسم الزبدة قالوا
انه التشققات في الصدر تروح اسرع من اي منطقة تانية
وما حصلتلي ظروف ما قدرت اني اشتريها لباقي جسمي
ولاني نفسي آخد الزبدة نفسها الاصلية موالكريم الي كله اضافات
ولقيتها في محل اسمه loccitane
دخلت على موقعهم وضغطت على كلمة********-Finder
شوفي اسم بلدك ومدينتك اللي عايشة فيها وحيطلعلك العنوان
عندنا في جدة موجود في رد سي مول ومجمع العرب
انا ناسية سعرها بس والله اعلم 170
وفي نفس الفترة دي اللي اشتريت فيها الزبدة ارسلت رسالة للدكتور جابر القحطاني
عشان اسأله عن علاج التشققات فجاوبني باني ادهن زيت الخروع وزيت اللوز الحلو
الى ان تذهب التشققات
قمت خلطت ده على ده لانه الزبدة لحالها ما تقدري تدهنيها مررررررة قاسية
الطريقة
جيبي مقدار من الزبدة وسيحيها عالنار واخلطيها
مع مقدار من زيت الخروع مع مقدار من زيت اللوز الحلو
حتصير عندك الخلطة كاناه لوشن
واستمري عالخلطة دي ستة اشهر وقبل دي المدة لا اشوف وحدة تقول ما نفع معايا
يا بنات والله رغم اني انسى احيانا احطه واحيانا اتحمس واداوم عليه اسبوع و4 اسابيع لأ
بس الايام دي لما شافتني اختي قالتلي مررررررررة التشققات عندك خفت تقريبا 60 او 70 في المية
هذا وانا ما داومت كيف لو اهتميت اكتر بنفسي
وكمان عشان تتاكدوا اكتر زوروا موقع اليوتيوب واكتبوا stretch marks
حتلاقوا وحدة اسمها tonya
عارضة نفس تجربتي بس هي استخدمت زيت الزيتون والزبدة بس من غير ما تسيحها
انا بعد ما شفتها حكمل الكورس حقي مو على بطني بس على جسمي كله
اتحمست بعد ما لقيت بشاير الخير على جسمي
واي استفسار انا حاضرة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرحبا الغاليه ... انا بدت التشققات تظهر ولااااازم اقضي عليها
https://4arab.xplainer.net/images/smilies/frown.png
بجرب وصفتج ... وان شاء الله القى نتيجة
بــس
اي زبــــده تقصدين ... !!
الي ناكلها .. ولا زبدة الشيا ؟؟ ماتنفع زبدة البيت هههه
وخلطة القحطاني .. قال بس الخروع واللوز الحلو << يعني ينفع بدون زبده !!
وتسلمين ياقلبي
__________________________________________________ __________
>>>> الرد الثاني :
الللللللللللحقي ما دام انها جديدة
ايوة تنفع باذن الله من غير زبدة الشيا
لانه استعملتها زوجة اخويا من غير الزبدة>>>>لسة وقتها ما اكتشفناهاخخخخخخخخخخ
بس اهم شي الاستمرااااااااااااااار موشهر شهرين وتقولي مانفعت
ومكان زبدة الشيا تحصلي فرعهم بمدينتك
من خلال الموقع حقهم وصورة محلهم في النت هي نفسها اللي حتلاقي بالمول
www.loccitane.com
بعدها اضغطي على botique finder
__________________________________________________ __________
>>>> الرد الثالث :
مشكووووووووووووووره حبيبتي ان شاء الله بجربها
__________________________________________________ __________
>>>> الرد الرابع :
في كريم بقناه والله ما اعرف اسمها بس هي مال الاعلانت اسم الكريم روجين ما ادري اذا احد مستخدم
وحتي زيت السمسم يخففها بس ما يخفيها
واعتقد والله اعلم انه اي كريم او منتج يحسن ملمس ومظهر الخطوط وينعمها فقط اما ازالتها نهائي ما ادري
__________________________________________________ __________
>>>> الرد الخامس :
هالتشققات ناتجـه عن زياده الوزن فجأه ..
نزلي وزنج .. وبتشوفين ان التشققات راحت وانا مجربه^^
