للعراايس واللي حابة تكون عروسه خلطة تخلييكي قششطه نصيحه من اخت الكل يجربها تخلصي من السمنة
عنوان الموضوع : للعراايس واللي حابة تكون عروسه خلطة تخلييكي قششطه نصيحه من اخت الكل يجربها تخلصي من السمنة
مقدم من طرف منتديات الضمير العربي
هلا بنات اخباركن ؟؟ بقولكن عن تجربتي لخلطة خذيتها من منتدى تاني لعضوة اسمها بنت عز..
بصراحة قريت عن خلطتها قبل العيد بيوم .. في وحدة كانت كاتبة عن تجربتها لهاللخلطة ومدحتها من الاستخدام الثاني الها .. او الثالث ... مااذكر الصراحة ...
وعاد على طول رحت واشتريت اغراضها من عند العطار .. وتراها ماتكلف ابدا ..
بس خذيلج كريم كاب (سنفرة للتبييض وتوحيد لون الجسم )
وملح الحليب ..
وباقي المكونات ( نشاء + حليب بودرة + كركم للجسم )
وهذي مقادير الخلطة :
1- نص علبة كريم كاب
2- نص كيس ملح الحليب
3- 1م كركم
4- 2 م نشا
5- 4 م حليب بودرة
استخدمت خلطتها ثلاث ايام .. وهاليوم بيكون الرابع ان شالله
انا لاحظت مفعولها من ثاني استخدااام .. اول مرة مادققت كنت مستعيلة وابا اطلع من الحمام بسرعة لاني مااداني يلسة الحمام ..
بس ع الاستخدام الثاني تأدبت وقلت يلا بستخدم الخلطة اسبوع وبشوف اذا لقيت اي نتيجة ..
ومن ثالث استخدام هذا اللي لاحظته :
انا مابا ابالغ بس الله يشهد ان سواد الركب والاكواع بدا يخف وبشكل ملحوووووظ
وجسمي كله استوى نعييييييم ..
جتوفي شوي لونهن اغمج من لون جسمي .. وهالسمار اللي فيهن بدا يروح ..
وحتى المنطقة الحساسة !! .. السمار اللي فيها والله العظيييييم خففف واااايد واااااايد ...
وبشكل عاام لون جسمي بدا يتوحد الحمدلله ...
وانا الحمدلله والشكر ف كل مكان لون !!
اللي بيشوفني بيقول اني سمرا .. بس انا الصراحة مقتنعة اني بيضا لان ريولي فيهن نوع من البياض هههه
وصدري من زود بياضه لونه مثل الثلللج ...
وويهي ماشالله اسمر !! << شوفن تناقض الالوان ههه
طبعا مب بس ويهي اللي اسمر ! .. لااا وين .. ايديني من فوق لين تحت مستويات قوس قزح .. انتي بس تعالي واختاري وقولي ابا لون جسمي مثل هاللون ...
تدرجات اللون البني الفاتح والبيج والابيض كلهن ف ايديني ..
بس والله كل هذاا بدا يخخخف من استخدمت هالخلطة .. وبصراحة وبدون ماابالغ " بنت عز " تقول ان هالخلطة سر من اسرار بياضها ... وانها تلمع الجسم وتوحد اللون ...
وانا ماشفت من هالشي غير ان لون جسمي الحمدلله بدا يتوحد .. والركب والاكواع الحمدلله سمارهن بدا يروح ..
وللامانة لاحظت ان جسمي بدا يتفتح بس بشكل بسيط ..
وعشان افيدكن اكثر .. رحت وسويت search عن تجارب البنات لكريم كاب ...
ولقيت الكل يمدحه والبنات كلهن متخبلات ع نتايجه الرووعة ... وكلهن قالن انه يبيض بسسس مع الاستمرااااااااااااااااااااار <<< حطن عليها مليووون خططط هالكلمة ...
يعني يالعيازات شدن حيلكن وودرن هالكسل عنكن
وطبعا ملح الحليب غني عن التعريف ينعم الجسم ويبيضه وشي منه انواااع وانا اللي خذته من العطار لونه وردي ...
والنشاء وحليب البودرة والكركم .. << مااعرف الصراحة شو فايدتها هههه
وأي استفسار أنا حاضضضرة لعيونكممم ^^
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حلوووو والله ان شاء الله بجربها
__________________________________________________ __________
>>>> الرد الثاني :
امممممم
انا عندي اثار حبوب على الارداف بيخوز اذا استخدمت هاي الخلطة .. و نستخدمه يوميا و لا مرتين 3 ف الاسبوع ؟؟
__________________________________________________ __________
>>>> الرد الثالث :
حبيبتي اكيد مع الاستمرار بتشيل اثار الحبوب لان الصنفرة اللي ذكرتها اول اللي اسمها(( كاب )) لان هي مقشر كمان بنفس الوقت ..
انا كنت استخدمها كل ما الاقي نفسي فاضيه يعني مااحدد يوم معين اسويها فيه بس اهم شي الاسستمراااااار ي قلبي وانشاءالله بتشوفيين نتايج تعجبك مثلييي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
مشكورة حبيبتي ماقصرتي..بجربها
