حبيت اشارككم تجربتي بالتقشير الألماسي للبشرة حل المشكلة

عنوان الموضوع : حبيت اشارككم تجربتي بالتقشير الألماسي للبشرة حل المشكلة
مقدم من طرف منتديات الضمير العربي

مرحبا خواتي

اشحالكم ان شاءالله طيبين

حبيت اشارككم تجربتي للبشرة

قلررت اهتم واعطي بشرتي نضاره قبل زواج اختي عسب اسوي نيولوك

والمركز متعوده اسوي عندهم علاجات الاسنان وما شاء الله عليهم فوق ما علاجهم حلوة اسعارهم احلى

فقلت خليني اجرب للبشرة بالمرة خاصه اني ما احب العب في بشرتي بس لاني مجربه هالمركز قلت اكيد عهم اشياء حلوة

وفعلا حجزت ورحت لدكتورة البشرة وقلت لها اريد شيء يعطي نضارة وتفتيح للبشرة فنصحتني بالتقشير الالماسي
قالت يحفز البشرة وينورها ويعطيها نضاره وفوق هذا تستوي نظيييييفه

وفعلا توكلت على الله وسويتها بالاول شافت نوعيه بشرتي طبعا طلعت دهنيه وسوت لي الدرجه المناسبه لبشرتي خاصه انها حساسه بالاول عورني ههههه فخففته

وبعد ما خلصت الجلسه حسيت بنضاره رهيبه وخلتني اشوف كميه الاوصاخ والدهون اللي طلعت من بشرتي شيء مش طبيعي والله ما صدقت

قالت لاتستعجلين ثاني يوم بتطلع النتائج احلى واحلى

طبعا اول شيء صار احمرار خفييييف على ويهي وكان يعور شوي بس عادي قدرت اتحمله

بس استوت بشرتي تللللللق ما شاء الله وفيها اضااءة وحسيته اعطى امتلاء للبشرة لانه يحفز الكولاجين

الله يتمم لي على خير يارب

على فكرة سويت الجلسه على 500 درهم واللي سوتها لي لبنانية وايد حبوووبة

حبيت اشارككم بتجربتي وياليت كل وحده تقول شو رايها بالتقشير الالماسي https://4arab.xplainer.net/images/smilies/bb/7.png

هيييه نسيت اخبركم سويته عند المركز المتخصص الطبي بدبي

انتظر الاراااااااااااء

احبكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخ للاسف انا ويههي كان نظيييف ومن يوم ما بديت اسوي مد لايت ليزر اتبقع وطلعت الحبوب الله يعين مشواري طويل بعدني مخلصه ثالث جلسه وولا شعره من وييهي طاحت https://4arab.xplainer.net/images/smilies/frown.png(( صبر جميل وبالله المستعاب عالعموم انا ناويه اكمل خاربه خاربه وعقب ما اخلص جلسات وان شا الله اتبان نتايج ببدا علاج وتقشير بشرتي
وحمستيني بحطه فاللسته لعقب يسلموووووو https://4arab.xplainer.net/images/smilies/smile.png

__________________________________________________ __________

>>>> الرد الثاني :

تستاهلين أختي بس الصراحة السعر حلو محطية في بالي أكثر من ألف درهم
وإنزين شو فايدته بعد هالتقشير ؟

__________________________________________________ __________

>>>> الرد الثالث :

بالتوفيق
اختي الي تكلمت عن المدلايت انا مثلج وايد حبوب طلعتي ولاشعره طاحت مع اني مسويه واااااايد جلسات
فقالت المره الجاية بتسولي سوفت لاين اونه احسن

__________________________________________________ __________

>>>> الرد الرابع :

زين ما شاء الله بس عطينا عنوانهم و رقمهم فديتج

__________________________________________________ __________

>>>> الرد الخامس :

جست مي ......حرام والله ليش ما فيه فايده!!

ربيعتي مسويه عندهم بعد ليزر تخيلي للجسم كامل يسوونه ب1500 بس !!

وماشاء الله وايد مستانسه من النتيجه انا ان شاء الله ناويه اسوي عندهم بس اخلص

ماتشوفين شر الغاليه