السلام عليكم
اكيد كلكم سمعتو عن الريتن اي او Retin A
اليوم بس حبيت اقولكم تجربتي الشخصية لريتن اي وكيف استخدمه..
من سنه تقريبا بديت ادور شي يتغلب على تجاعيد البشرة او يخفف منها، للعلم انا ما فيني الحمدلله
https://4arab.xplainer.net/images/smilies/bb/31.png بس الوقايه خير من الف علاج! صح؟
دخلت يوتيوب وقوقل ودورت لين حصلت ناس ودكاترة من الخارج ينصحون بريتن اي retin A
قريت في منتديات طرق استعمال ريتن اي هنيه وطلع كله غلط، انج تحطينه نص ساعه و تغسلينه!! .. المهم دورت ودورت لين حصلت ناس مجربين هالطريقه والمنتج بشكل ((يومي)) من 20 سنه و اكثر وشكلهن جنهن 25 سنه ما شاء الله!! مع انهن 50 وفوق.. والله اني مب قاعدة أألف عليكن..
المهم ترييت لين تخرجت من الجامعة عشان ابدا هالروتين، سرت وخذيتلي ريتن اي 0،025٪ اقل نسبه، لانه شو يسوي الريتن اي؟؟ يجدد خلايا البشره ويخلص من الخلايا الميته ويحفز نمو الكولاجيه داخلياً، الخلايا الميته على البشرة هي اللي تسبب التجاعيد
شوفو الفيديوات عشان تعرفون بالضبط شو يسوي
https://www.youtube.com/watch?v=Ie0UJ-FdKWs
https://www.youtube.com/watch?v=6utQ_2lRAuc
https://www.youtube.com/watch?v=FkiN2BrJvuk
وفيه وايد وايد فديوهات بس اخترتلكم اشياء ملمة عن الموضوع..
الطريقة:
-اختاري اقل نسبة لانه يخلي بشرتج حساسه اكثر و لازم تحطين واقي من الشمس لانه يجدد خلايا البشرة باسمرار مع الاستعمال الدائم
- قبل لا ارقد اغسل ويهي بغسول بشره واتريا 20 دقيقه قبل لا احطه
-حطي على مقدار حبة بازيلا، لا تكثرين لانه جيه بشرتج بتحسس وبتتسلخ
- اوزعه على ويهي ورقبتي وارقد
- انش الصبح واغسله
-احط اي كريم مرطب او فيتامين E او زيت زيتون للترطيب
بعد فتره بتحسين بشرتج جافه وتتقشر، هنيه لازم تاخذين غسول مقشر للبشره لي في حبوب صغيره
انا بديت استعمله 3 ليالي في الاسبوع لمده شهر وشوي لين حسيت انه بشرتي استوت تتحمل اني اسوي هالروتين كل ليله
في حالات بشرتهم تتحسس وتتسلخ بالاستعمال الخاطئ واستعمال نسبه عاليه
بشرتي حاليا اصفى وانعم، ماعرف كيف اشرحلكم! بشرتي كانت صافيه لكن خشنه من تقرين عند ويهي ترومين تشوفين الخشونه، بس الحين الحمدالله ماشي اصفى منها، بعد فتره باخذ اللي نسبته اكبر لانه احس بشرتي تآقلمت ومافي اي مشاكل من ناحيه التحسس
اتمنى الموضوع عجبكم، واي سؤال انا حاضرة
