تجربتي مع الدكتور سمير العلي .. مشاكل السمنة
عنوان الموضوع : تجربتي مع الدكتور سمير العلي .. مشاكل السمنة
مقدم من طرف منتديات الضمير العربي
السلام عليكم ورحمة الله وبركاته ..
اشحالكن خواتيه ان شاءالله بخيــر ..
حبيــت اليووم أفيدكن بتجربتيه مع الدكتوور سمير العلي ..
انا قبل لاروحله كنت اسمع عنه من بناات الجااامعه .. وكانن وايد يمدحنه ..
وبالصدفه وانا اتحوط في المواضييع الموجوده هنيــه .. لقيت وحده كاتبه ان حرمة اخوهاا
تتعالج عنده .. وان ويها استواا صاافي واتوحد لونه ... وانا اعااني بس من عدم توحد
لوون بشرتيه .. المهم .. ع طوول اتصلت وخذت موعد .. وماشاءالله من كثر الزحمه الي
عنده عطوني موعد بعد شهر ... وانا اسوولف مع خالتيه عن سمير واني
خذت موعد .. اتفاجأت انها هي بعد ماخذه موعد عنده .. ومب هي بس خالتيه الثانيه بعد ..
وكان موعدهن قبل موعديه بسبوعيـــن .. استاانست .. لاني جيــه بعرف اسعاار
الأدويه .. وانا متخوفه من ها الشي .. لان اذا الأدويه فوق الالفيــن .. ماب ارووم اكمل ..
ويووم موعدهن .. رااحن ويا بعض .. وكشف عليهن .. وعطااهن ادويه .. وكل وحده غير
عن الثاانيه .. وسعر ادويتهن ماتتعدى ال 700 من غير الكشف ...
هنيه انا اطمنت ان الادويه هب غاليه ..
ويا يووم موعديه .. سرتله وكن خاايفه ان يطلع بلااوي في بشرتيه وانا اعرف اني ماعااني
الى من عدم توحد لونيه .. وكمن حبه في اليبهه هههه ..
دخلت عليــه .. وانصدمت .. ماشاءالله عوود في السن وفووق هذاااا بشرته صاااااافيه
وحلوه .. يبين عليــه انه يهتم وايد في بشرته .. اول شي تم يسألني عن الدوره اذا منتظمه
عندي ولالا .. واذا اعااني من اي حسااسيه من الأكل او دوااء .. واذا فييه حبووب في
جسمي ولالا .. الحمد الله مكاان فيني ولا شي من ها الأشياااء .. والدوره عندي منتظمه ..
وبعديين كشف عليــه .. قاالي انتي مافييج اي شي وتم يشرحلي حالة بشرتيه .. وقال بسمي
حالتج انج انتي وايــد مهمله في بشرتج .. لا أكثر ولا اقل .. وقاالي انتي اتحطيين مرطباات
قبل لاترقديين وو كريم شمس قبل لا تطلعيــن .. قلتله لا جاان يعصب عليــه .. قالي ها
الاشيااء واايد مهمه .. وصدمني قالي لاتسويين حماام مغربي ولو في ايده كان منع
الحماام المغربي .. قاال انتم تتحروون ان الحماام المغربي يبيض قاال العكس بدال مايبيض
ايسود .. قاال اي شي يتعرض للاحتكااك يسود في البشره .. ونصحني بعد من التقشير
بالكرستااال .. قاال هذا يبهت البشره ويسوده ..
المهم .. عطاااني غسووول وكريمااات .. بعضهن اخلطهن ويا بعض وبعضهن احطهن
برووحهن .. وكتبلي التعليماااات ... وعطاني موعد بعد 3 اسابييع عشاان يشووف
النتيــجه .. رحت صرفت الادويه .. وطلع ادويتيه مع الكشف ب 855 ...
والحيــن انا في اليووم الثاااني .. احس بنتعااش فضييع والحبووب الي في يبهتيه خفن ..
.. وأخيرا .. انا ماسوي دعايه ولا شي .. بس حبيت اذكر تجربتيه .. لاني مستاانسه ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الغالية من وين هذا دكتور ممكن تخبريني عنة بتفصيل
__________________________________________________ __________
>>>> الرد الثاني :
https://4arab.xplainer.net/images/wo...quote_icon.png المشاركة الأصلية كتبت بواسطة (غرشوبة)
https://4arab.xplainer.net/images/wo...wpost-left.png
الغالية من وين هذا دكتور ممكن تخبريني عنة بتفصيل
الغاليه العياده الي فيها سمير العلي في بوظبي ...
الي اعرفه عنه انه يعطييج الأدويه الي اني تحتايينها بس ..
بعض الدكااتره يصرفوولج ادويه ماتحتايينهاا ويقولوولج انتي فيج وفيج .. وهي مافيها شي ...
ونسيت شي اقووله .. عطااني حبووب آكلهن بعد الغداا بنص ساعه .. عشاان لحبووب الي في يبهتيه .. اول مره اعرف ان في حبووب تاكلينهن عشاان لحبووب الي في البشره ..
__________________________________________________ __________
>>>> الرد الثالث :
ماشاءالله زين زين الله يتمم عليج
__________________________________________________ __________
>>>> الرد الرابع :
الغاليه انا رحت عنده الدكتوور صراحه واااايد حلو علاجه صدق بشرتي اتفتحت وتوحد لونها .. خاصه كريم مال حبوب بسرعه يخوز الحبوب .. بس صراحه الحبوب الي وصفلي اياها "روكوتان" خفت اخذها بس تميت على علاجه وكان صدق رووووعه .... بس ان شالله ما يكون مثل ما قالولي بس تودرين الادويه ... بيرد ويهج مثل ما كان ...لا حراااااااام انا وااايد مستاانسه ع ويهي جيه
https://4arab.xplainer.net/images/smilies/smile.png
__________________________________________________ __________
>>>> الرد الخامس :
