مرحباً خواتي رح اقولكم تجربتي مع الكيراتين
أولا شي أبي ادعي للي اخترعه يارب توفقه
https://4arab.xplainer.net/images/smilies/bb/32.png
ثانيا : انصح أي بنت تعاني من شعرها تسويه بدون تردد
انا شعري تحت كتوفي ويفي فاتح متوسط الكثافة
هذي طبيعته
بس مع الصبغات والاستشوارات والليس
صار : تالف جاف متقصف باهت منتفش متشابك ضعيف
https://4arab.xplainer.net/images/smilies/bb/28.png
مستحيل اطلع من الحمام بدون ما أستشوره صارت السباحة عندي هم وتعب والطلعه لازم أتجهز لها قبل بوقت طويل
https://4arab.xplainer.net/images/smilies/bb/25.png
جا الفرج واخترعوا الكيراتين جابت خالتي كوافيره تسوي كيراتين بالبيت وشفتها وهي تسويه بس ما قدرت أقيس هل ينفع لي أو لا لان شعر خالتي مرررررره اجعد
بعدين بحثت وفكرت وقررت أسوي عند هذي الكوافيره
بعد ما تأكدت انه مايوقف الشعر ومايصير زي الأعواد من تحت ، مثل الفرد مال اول القديم
وانه مجرد علاج للشعر هالكيراتين
سويته وكانت رائحته فضيعه ومن هالشركه.
https://alfaris.net/up/87/alfaris_net_1373692450.jpg.
وجلست فيه اربع أيام ما تحممت
وبعد الحمام طلعت النتيجة
وااااااااااااااااااووو
وااااووو
https://4arab.xplainer.net/images/smilies/bb/16.png
ناعم أملس يلمع رطب ومحافظ على الويفي اللي هي طبيعة شعري
قمت أتحمم واطلع ارووح للمناسبات بدون أي شي أسوي بشعري طلع طبيعته حلوه
وتم معي 3 -شهور وبعدها بدا يقل تدريجيا يرجع شوي بعد الحمام ينتفش بس ساعتين ثلاث ويرجع يهبط.
قلت ما أتحمل لازم أسوي ثاني وعملت كيراتين ثاني
بعد 5 شهور من الأول
لكن انا عملته لنفسي وهذا اللي ابغا اقولكم عنه اشتريت الكيراتين من محل عندنا بعد البحث والتقصي وجا معاه سيدي تعليم ألطريقه والأدوات اشتريتها وقمنا نسوي لبعض انا وخواتي
العلبه ب500 ريال وتكفي حق 4 -5 بنات شعورهم طوال
والكوفيرات يأخذون مننا 1500 - 2017 هذا إذا كانت رخيصه ويوصلون 4000 شوفوا الاستغلال
إحنا مو ناقصين عقول ولا يدين
عشان نستغل هذا لاستغلال انا لأني أحبكم اقولكم هذا الشي
ما عندي مانع تسويلي كوافيره ومابي اقطع رزق احد والتجارة شطاره بس لاااااا للاستغلال
https://4arab.xplainer.net/images/smilies/bb/21.png
اجل تشتري علبه تكفي 5 بنات ب500 ريال وتسوي حق الوحدة بأربعة آلاف حرام عليهم
هذي نصيحه مني إحنا قمنا نسوي لبعض ونوفر هالآلاف اللي بندفعها لشي لثاني
بنت خالتي جابت ماركه ثانيه خاليه من ماده
الفورمالدهايد
طبعا لازم تعرفون ان الكيراتين اللي حاطه صورته يحتوي على هالماده بنسبه بسييييطه بس هي اللي تسبب الرائحة القوية وهي اللي يحذر الأطباء من كثرتها
بس انا عملتها مرتين وان شاء الله المره الجايه بحرص أني أخذ كيراتين خالي من هالماده اللي هي (((الفورمالدهايد))) بيكون قوته اقل يعني ممكن يضل شهرين وينغسل من بكره بس أحسن لك وآمن لك أيضاً
الله يحفظنا ويحرسنا من كل سوء
ومره ثانية اقولكم اخترااااااااع لازم كل بنت تستفيد منه بس بذكاء وبحرص
واللي عندها معلومات عن أنواع كيراتين جيده تقولها لنا ما نستغني من تجاربكم
وحبيت اقولكم أني سالت الدكتور عن الكيراتين كعلاج للشعر بدون تحديد ماركه وقال ما تستخدمينه بالسنة أكثر من مرتين وانتبهي من استنشاقه ومن لمسه الله يستر علينا
ومعلومه كمان شعري ماطاح ولا قل عن اول
اي استفسار انا فالخدمه
https://4arab.xplainer.net/images/smilies/bb/32.png