أفيدوني بــ ماركة { I N G L O T } ...! للعناية بشعرك
عنوان الموضوع : أفيدوني بــ ماركة { I N G L O T } ...! للعناية بشعرك
مقدم من طرف منتديات الضمير العربي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
هلا والله حبوبه أنا أشتريت من عندهم بلاشر للخدود فرشاته كبيره يوزع في مساحه كبيره بحيث يطلع
توزيعه طبيعي ورائع وبعدني ما جربت شي ^^
__________________________________________________ __________
>>>> الرد الثالث :
انصحج تاخذين من هالماركة
انا مجربة من عندهم الارواج وفعلاً تلاقين المحل فيه الوان بالهبل ،، يعني كل الدرجات اللونية الي تبينها
واخذت كريم اساس بصراحة عجبني ،، يعني ملمسة مثل البودرة الناعمة معرف كيف اوصفه بس اهو كريم تحطينه على ويهج ما يحتاج له بودرة ابدا ً وهالشي ريحني بصراحة لاني اكون مرات مستعجلة
وغير هذا انا اخذت من عندهم باليته الالوان اخترتها من قائمة الالوان الي معروضة وعندهم اللمعات حلوة
واقلام العيون ما اخذت الا البنفسجي ومزيل المكياج بعد اخذت من عندهم
يعني تطلعين من عندهم وانتي مرتاحة ،، غير ان اسعارهم جدا ًمناسبة
وعلى فكرة :
انا لاحظت انه بمحلهم يراعون النظافة فعلاً هالشي ما لقيته بمحل اريج
يعني قبل لا تحطين الروج ينظفونه لج عقب استخدميه ،، ونفس الشي الـ lip gloss تخليج تستخدمينه بواسطة قطنة اذن منعا ًلانتقال المرض،، فعلاً فعلا ًعيبني اتبعاهم للشروط الصحية ،، وااايد نظيفين واهم شي بصراحة بنظري :
انه البائعة ما تحرجج بالشراء لو ما تبين الشي ،، مب مثل محل اريج بمركز ميركاتو
والله لاعت جبدي من اسلوب الموظفات غصب الا غصب اشتري من عندهن ؟؟
وانا عطيتج رأيي ،، ولج الخيار
__________________________________________________ __________
>>>> الرد الرابع :
^
^
هههه الظاهر هذي سياسة محلات اريج، حتى انا عانيت من هالاسلوب ف اريج الجيمي مول، بس مجبورة اروحه عشانه ع طريقي وفيه منتجات جيرلاين اللي ما استغني عنها (البودرة، والبلاشر)..
________________________
اذكر وحدة من بنات المنتدى قالت انها اشترت من عندهم شادو...
ومدحته وايييد ... اعتقد انها فارسة دبي .. بس مب متأكدة.. =)
كنت ابا اسير اشوووف المحل ... بس ما انكتب لي اسير ، ان شاء الله اسير ف اقرب فرصة =)
هذا لينك الموقع ..
https://www.inglot.com.au/
ياليت اللي خذت شي من منتجاتهم ترفقه ببالصور عشان نستفيد اكثر..
موفين جميعا
__________________________________________________ __________
