الطريقة الصحيحة لوضع الروج ( أحمر الشفاه) لصحة شعرك
عنوان الموضوع : الطريقة الصحيحة لوضع الروج ( أحمر الشفاه) لصحة شعرك
مقدم من طرف منتديات الضمير العربي
مرحبا بكم
اقصد السلام عليكم ورحمة الله وبركاته https://4arab.xplainer.net/images/smilies/smile.png
حبيت افيدكن بدرس او درّيس صغنون عشان تستفيدون باذن الله
طبعا الروج له طريقة معينه، لا تنغرين ورا الاسماء التجاريه والدعايات اللي تقول لج روج يدوم ل12 ساعه، ليوم كامل، لست ساعات
ترا ماشي هالكلام، لان كل وحده ودرجة ترطيب شفايفها.. لكن في طريقة بتخلي الروج يدوم لاكثر وقت ممكن باذن الله
طبعا مع الممارسه في الواقع شي، وفي الكلام شي ثاني
بس بحاول اني اوفق بين الثنين
للحصول على روج (احمر شفاه) يدوم لاطول فترة
اول شي، ابتعدي عن استخدام الارواج ذات اللمعه او الكريمية المايله للزيت، دايما اختاري الالوان المات.. ولما اقول مات يعني كريمي مات حتى تحسينه لما تجربينه على ايدج يكون شوي ثجيل.. مو مهم اللون، المهم طبيعة وملمس الروج
صو توضيحيه للروج المات
https://images.paraorkut.com/img/pic...icks-13327.jpg
المهم.. اليكي الخطوات بالتفصل:
1) اذا حبيتي ترسمين شفايفج من اول ويديد، يعني تخفين ملامح الشفايف، فعليكي (لازم، وجب) انج تستخدمين فاونديشن كريمي او كيك (ما ينفع السائل ابدا) وتغطين فيها منطقة الشفايف كلها (البراطم) https://4arab.xplainer.net/images/smilies/smile.png
2) لازم وضع بودرة حرة او لوز بودر loose powder بطريقة الطبطبة على الشفايف لتثبيت الكريم (ابتعدي عن طريقة المسح في اي عملية تثبيت تقومين بها) وبعدين بفرشاه حره ازيلي الزائد من البودة
3) اختاري احمر الشفاه المطلوب وقومي برسم تحديد الشفتين، والشفتين المثاليتين هم اللي تكون الشفه العليا تساوي في الحجم مع الشفه السفلى ، ويلتقون عند زاوية الفم مع بعض، مو تلاقين واحد اقل من الثاني او واحد اكبر من الثاني.. وانتبهي لهالنقطة
يعني لازم شكله يكون تقريبا بهالطريقه
https://www.luvubeauty.com/wholesale...es/lipbalm.jpg
من ناحية الزوايا والتحديد والحجم.. ترومين تصغرينه بس لازم الاثنين اللي فوق والي تحت نفس الشي
4 ) بعد ما رسمتي الحد (طبعا مو لازم تستخدمين قلم تحديد، تقدرين تستخدمين الروج نفسه وتحددينه بالفرشاه)، قومي بملأ الشفايف باللون المطلوب
5) بعد الانتهاء، احضري قطعه محارم (كلنكس) .. لا تفتحين حلجج ولا شي، خلي براطمج مثل ما هي مسكرات، وقومي بوضع الكلنكس فوقها واضغطي عليها مع حركه خفيفة فوق الكلنكس كانج تمسحين
عاد كيف اشرح لكم هذي ما ادري لكن اسمها بلوت Plot هالحركة تشيل الزايد من دون ما تخرب لج الروج والتحديد، بتقولون لي انزين بنحطه بين الشفايف وبنسكر عليه بقول لكم هالحركة غلط لانها تقوم بالضغط على الكريم فينتقلون كلهم على زوايا الشفايف.. ونحن ما نبي هالشي يصير
نحن نبي نشيل قد ما نقدر الكريم الزايد بس بطريقة احترافيه
6) قومي بوضع البودرة الحره مره أخرى بطريقة الطبطبه ثم ازيلي الزائد منها بالفرشاة
8) كرري الخطوات 4 و 5 ، مره او مرتين او ثلاث حسب ما انتي تبين، وتقدرين اهني تغيرين لون الروج، يعني في كل مره تستخدمين لون ، فيعطيج ريفليكشن او انعكاس وايد حلو
9) اخر الخطوات ، لو كنتي من اصحاب الشفاه المليانه، قومي بتمرير بودره من نفس لون الروج على الشفايف ، اما لو كنتي من اصحاب الشفاه الصغيره وحبيتي تبرزينها، فاضيفي ملمع الشفاه (القلوس) Gloss
وشوفي بعدين اذا طار الروج
طبعا في طريقة ثانية بالنسبة للي مب حابه انها تخفي ملامح شفايفها
انها على طول تحط بودرة حره خفيفة على منطقة الشفايف قبل وضع الروج، وتكمل الخطوات من 3 الى النهاية
وقبل لا انسى
الخطوه الاولى او الطبقه الاولى من الروج لازم تكون من النوع المات، اما اخر طبقه تقدررين تستخدمين الروج المخلوط بلمعه او غيره https://4arab.xplainer.net/images/smilies/smile.png
ان شالله استفدتوا معاي
اكيد الاغلبيه سمعت بالموضوع او تعرف عنه، بس ان شالله تستفيد منه الخوات اللي ابدا ما عندهم فكره عن هالموضوع
واسمحوا لي ع اللغه الفنتكيه (العربيه الفصحى المخلوطه بالعامية على انجليزيه وكلمات من لهجات اخرى) حاولت امكس عشان ارضي جميع الاذواق https://4arab.xplainer.net/images/smilies/smile.png <<<<< لا تضحكون... اشوفكم
تحياتي
مريم نصيب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكووووره اختي يعطييج الف عافيه
__________________________________________________ __________
>>>> الرد الثاني :
اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين
__________________________________________________ __________
>>>> الرد الثالث :
__________________________________________________ __________
>>>> الرد الرابع :
مشكووووره يعطييج الف عافيه
__________________________________________________ __________
