توووووووهقنااااااا جمال الامرات
عنوان الموضوع : توووووووهقنااااااا جمال الامرات
مقدم من طرف منتديات الضمير العربي
السلام عليكم ورحمه الله وبركاااته
شحالكن خوااتي عسااكن ابخير ان شاء اللهـ..
بنات انا ربيعتي بتعرررس جريييييب
مهرهاااا 80 الف... صرررفت 20 الف للذهب وبقى لهاااا 60 الف ..
ومب عااارفه شو تشتري وشو اتسوووي واتقوول ما بيكفي؟؟
انا اقوولهاا بيكفي وزياااده لو خططت صح...
سااعدووني في التخطيط ويااهاا... لأن صدق تووهقناااا وخاصه انها بتعرس جريب
افيدووونااا يزااكن الله خير....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يكفي الغاليه وبيزيد بعد
خل تحطي بكل ظرف مبلغ وشو الاغراض اللي تباها
__________________________________________________ __________
>>>> الرد الثاني :
__________________________________________________ __________
>>>> الرد الثالث :
غلاي بتكفي البزات.....
خلها اتحط
المخاوير مع الجلاليب 8000
الاندر وير 4500
العبي 5000
الشنط 8000
شيل البيت 500
قمصان النوم 3000
بدل 5000
مكياج 2500
عطور 2000
الفستان 12000
مكياج وتسريحه 4500
النعول 2500
والباقي حق الصالون..((حمام مغربي حف الحنا ))واغراض الجمعيه
__________________________________________________ __________
>>>> الرد الرابع :
السلام عليكم أختي..
ممكن أساعدج..؟؟
إن شاء الله بحط لج الحين الجدول:
بسمـ الله نبدى :
أول ما تاخذي فلوسج إن شاءالله تبدي تسمي ..
يلا أول شي :
تشتري الخامات حرير أو قطن على حسب ذوقج..
اشتري 10 خامات للتطريز 5 حريروالباقي قطن..
وسوي منهمـ 2 مغربيات وبحرينهـ والباقي ع ذوقج..
وعدد 4 دراعات للبيت ..
ملابس النوم والملابس الداخلي..
6 بيجامات قطن
هاتي لج 12 قطعة ملابس داخلية ..
وعدد 6 قمصان نوم من نعومي حلو..
وعدد 4 تنانير داخلية
وعدد 6 شورتات قطن لازم تلبسينهم تحت الملابس لمنع احتاك الفخذ حتى ما يتحول الجلد للأسود.
وعدد 6 شمد للصلاه ..
وعدد 6 شيل حلوة ملونة ع لون ملابسج.
والعبايات والأهمـ ..
حطي ببالج الموضه في تغير مستمر وعشان جيه لازم ما نسرف عشان الله يبارك لنا..
سوي لج 2 عباية آخر موضهـ وما تكون وايد مفشخرة..
وعلى حسب اكسسوارات العباية هاتي لج عدد 2 نعال وعدد 2 حقيبة يد راقية ماركة..
__________________________
بالنسبة للأشياء الشخصية والنظافة والحمامـ :
هاتي لج 2 فوط للتنشيف ..
وعدد 1 مشط للشعر وما أنصح بالسيشوار لأنهـ يحرق الشعر.
وهاتي لج حمام زيت للشعر.
وعلبة كريم مرطب للشعر.
معجون+فرشة أسنان+غسول معطر للفمـ من الصيدلية+علك إكسترا بدون سكر لما بعد الوجبات .
زنوبة للحمام عشان الوضوء وهاتيها من النوع ال ما يزحلق.
أدوات لتنظيف وتقليمـ الأظافر.
ومقشر للبشرة وانصحج بمقشر هيميلايا للبشرة وطبيعي 100%
وصابون سائل للإستحمام وصابون سائل لغسيل الأيدي+2 ليفة حمام من النوع الطبيعي لتساعد ع تقشير الجسم وتنعيمهـ..
شامبو من النوع ال تحبيهـ ..
معطر للحمامـ ..
كريمـ لترطيب البشرة ع حسب ذوقج.
عدد صغير جداً من مشابك الشعر.
والعطور والبدي شوب:
قبل كل شي لو تعاني من الحساسية ما أنصحج بالبدي شوب واستشير دكتور يوصف لج النوع المناسب..
وهاتي لج عدد 6 عطورماكة حلوين أو 4 عشان ماتملي من ريحتهمـ ..
وكمـ تولهـ من نوعج المفضل وصدقيني لو زادو بتملي منهمـ وبتقولي متى بيخلصو..
علبة مكياج على حسب نوع بشرتج وانتبهي إذا كنتي تعاني من حساسية البشرة لأن فيه أنواع للبشرة الحساسة.
وعدد 2 علب من الفوط الصحية.
وعلبة دخون ذو رائحة مميزة وحلوة وآلة لحرق الدخون بالكهرباء عشان تكوني عملية ف حجرتج..
_________________
الذهب:
لما تشتري فستانج ابدي اشتري الذهب وهاتي لج طقمـ خاص للفستان ع حسب لونهـ وطبيعة اكسسواراتـ هـ ..
والباقي هاتي لج ساعة حلوة وعدد معين من اكسسواراتج ولا تشتري وايد لان الذهب من اول لبسة خلاص بتملي منهـ ..
______________________
راعيت ف الجدول عدمـ البذخ والاسراف ..
وراعيت أيضا التغير المستمر للموضهـ ..
وكذلك انج مب محبوسة بداارج والطلعات مع ريلج بتكون احلى واشترو براحتكمـ ..
هذا والله يوفقج ..
أختج/س - ف.
__________________________________________________ __________
>>>> الرد الخامس :
