عنوان الموضوع : توهقت:( جمال و اناقة
مقدم من طرف منتديات الضمير العربي
السلام عليكم ورحمة الله وبركاته
مساء الخير
انا متوهقة..
توه ياني خبر انه فستان العرس مب نفس المواصفات واللي طلبناه.. انا فصلت على اساس بالسعودية
والحين ماشئ وقت
غير انه دخيلكم تساعدوني بمكان تاجير فساتين الافراح وشي راقي يكون
بليز ساعدوني لانه ماشئ وقت .."(
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فديتج ربي يوفقج ويسرلج امورج
في وايد حريم يأجرن فساتين ... عندج ام محمود تأجر فساتين المصمم مايكل وعندج بعد ندى عندها فساتين مايكل
وعندج مثياء المطروشي كلهم عندهم فساتين حلووة
__________________________________________________ __________
>>>> الرد الثاني :
لو كنت ادري انج بتفصلين في السعوديه .......جان قلت لج لا اتفكرين ...لان اعرف بنات مفصلين فساتينهم في السعوديه ....الشغل مب نظيف + الديزاين مب مرتب ....
على العموم..عندج لون معين للفستان؟؟؟ كم قياسج؟؟ وكم ميزانيتج؟
عندي فساتين زفاف وملجه للايجار...
ومن ارجع البيت برسلج ارقام الحريم اللي يأجرن فساتين
بالتوفيق
__________________________________________________ __________
>>>> الرد الثالث :
الغاليه من اي اماااره انتي ؟؟
لو من دبي عندج ام عبدالله
ومن عيمااان عندج ميثااء المطرووشي واايد يمدحوونها بس انا ماجربت عندها ,,
ومن شاارجه ام محموود وندى
هاااييييييييل يلي اذكرهم ,, وانا فستاني اجرته من ام عبدالله فديتها ^^
__________________________________________________ __________
>>>> الرد الرابع :
السلام عليكم اختيه شحالج الصراحة انا اعرف وحدة من الشارجة بس الصراحة عندها موديلات وايد حلوة لمصممين وهيه تصمم بعد تصاميمها وايد حلوة وتراعي في الاسعا اختية ماجرة من عندها في العرس واختية الثانية وبنت خالي بياجرون من عندها ان شاء الله لو تبين رقمها خبريني وبطرشه لج عالخاص وان شاء الله باقي البنات يفيدونج بعد والسموحة
__________________________________________________ __________
>>>> الرد الخامس :
انا من بوظبي طال عماركن وعادي عندي لو من الشارجة ولا دبي ولا اي امارة
بس انا الاسامي ماعرفهم بس لوطرشووون لي ارقامهن عسب اتصل واشوف
انا اللي حاطة فبالي اف وايت جي مايل ع الذهبي
بس بليز ردوا علي والله ظاربتني غصه
