زهبة العروس .... ادخلو بسرعة لجمالك
عنوان الموضوع : زهبة العروس .... ادخلو بسرعة لجمالك
مقدم من طرف منتديات الضمير العربي
السلام عليكم و رحمة الله و بركاتة
خواتي.. انا عرسي قريب و بعدني ما جهزت كل شي .. باقلي وايد أشياء
فإذا ما عندكم مانع تساعدوني و تساعدون كل من يجهز لعرسه..وجزاكم الله خير
1- بغيت تنصحوني بخبيرة شغلها حلو وايد عشان المكياج و التسريحة
2- صالون عندهم نقشات حلوة و يديدة للعرايس
3- صالون لقص الشعر و للصبغة و الهايلايت
4- محلات تسوي مسكات جديدة و مبتكرة للعرايس
5- محلات عندهم كوش راقية
6- محلات تفصل اطقم عبي و شيل "للمناسبات المهمة"(اللي الشغل فيها يكون وايد) و "العادية البسيطة" (اللي الشغل يكون فيها خفيف)
7- محلات تبيع بدلات "تنانير و قمصان" تكون راقية
8- محلات تبيع جواتي و صنادل
9- محلات تبيع شنط كشخة أو تقليد ماركات
10- محلات تبيع توك كشخة للشعر
11- محلات تبيع شيل للبيت من الكشخة
12- محلات تصمم فساتين سهرة او خياطين شغلهم مضبوط و عندهم موديلات (في الشارجة)
13- اسماء العطور الفرنسية اللي تنصحوني اشتريها (كمن واحد يعني بس تكون ريحتهم مميزة)
14- اسماء الكريمات و اللوشن المعطر للجسم او اللي اين في مجموعات ووين يبيعونهم
15- محلات تبيع بيجامات قطنية حلوة
و اتمنى من اللي بتعطينا المعلومة تبين لنا مكان المحل.. عشان الكل يستفيد
و جزاكم الله خير .. و يجعل مساعدكم لخواتكم ان شاء الله في ميزان حسناتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
مرحبا وسهلا بج ياغلا الامارات بين خواتج انا ان شاء الله بحاول اساعدج في اللي تبينه ع قد ماأقدر وبداية انا من بوظبي يعني بقولج شو اللي أعرفه وخاصة اني عروس بعد وعرسي عقب اسبوعين
الغالية لو تتطلعين على موضوعي (عرايس المنتدى تعالوا نتبادل الأفكار )أعتقد وايد بتستفيدين
نبدأ بسم الله
1- بغيت تنصحوني بخبيرة شغلها حلو وايد عشان المكياج و التسريحة
ج - الغالية في المكياج والتسريحة انتي وذوقج ع حسب الاستايل اللي يعيبج يعني تحبين المكياج اللبناني وغالبا يكون حلووناعم أو تحبين الخليجي أو الهندي وغالبا يكون أوفر ودفش في بوظبي عندج اللبنانيات ( سوزي - دولا - حنان بوغانم - مريم من صالون بيوتي بالاس ) الاماراتيات : صفية النويس - منيرة منصور - في الشارجة هند الاميري - هيفاء صفر وصالون هستي وايد روعة وهاي صور المكياج شوفي واحكمي :
وشي بعد صالونات وخبيرات تجميل وايد ومثل ماقلتج انتي وذوقج وشو اللي يعيبج ....
- صالون عندهم نقشات حلوة و يديدة للعرايس
ج- شي في بوظبي لافام -الاخوات - ايفانا - وبعد اقولج ع حسب ذوقج انتي شو تحبين النقشات الكبيرة والدفشة او الصغيرة والبسيطة
3- صالون لقص الشعر و للصبغة و الهايلايت
صالون بيت الجمال في بوظبي عندهم سيدة خبرة أكثر من 20 سنة وشي بعد بس هذا اللي حاظرني
4- محلات تسوي مسكات جديدة و مبتكرة للعرايس
اول سيزن - اروما - سفير - جلوريس - الوها - شهرزاد - بيس اف آرت
5- محلات عندهم كوش راقية
نور لخدمات الافراح - فنتازيا بس اسعارهم نار - بيت النوخذه - وناسة لخدمات الافراح عندهم حركات حلوة وافكار لدخلة العروس
6- محلات تفصل اطقم عبي و شيل "للمناسبات المهمة"(اللي الشغل فيها يكون وايد) و "العادية البسيطة" (اللي الشغل يكون فيها خفيف)
شي في الخالديو محلات واااااايد وانتي ماشية وبصراحة أغلبهم عندهم حركات حلوة سواء للمناسبات المهمة أو العادية البسيطة
7- محلات تبيع بدلات "تنانير و قمصان" تكون راقية
اوكيجن في ماركس سبنسر وجولي ودونا مودا - ميرانا غاليري - هذا اذا تبين شي راقي للعزايم
8- محلات تبيع جواتي و صنادل
ألدو شو مارت اييب سوالف حلوة من الجواتي والصنادل واسعاره حلوة- ناين ويست - وشي محلات وايد في المارينا مول وبوظبي مول في الردهة اليديدة وشي محلات سبور بس مش مذكرة اساميهم
9- محلات تبيع شنط كشخة أو تقليد ماركات
ماعـــــــــرف
10- محلات تبيع توك كشخة للشعر
أكسيزرس- الدو مال الاكسسوارات - وشي محل في بوظبي مول عدال المحلات الكبرى عنده اشيا رهيبة بتحصلينه في اغلب المولات والسناتر - فورايفر في المارينا - استيديو آر - سبلاش
11- محلات تبيع شيل للبيت من الكشخة
ماعــــــــرف
12- محلات تصمم فساتين سهرة او خياطين شغلهم مضبوط و عندهم موديلات (في الشارجة)
ماعــــــــرف خلي الشرجاويات يفيدنج
13- اسماء العطور الفرنسية اللي تنصحوني اشتريها (كمن واحد يعني بس تكون ريحتهم مميزة)
نينا ريتشي اليديد على شكل تفاحة وايد حلوة - باريس هلتون اليديد على شكل قلب فوشي ريحته غاوية- فلور بوم هذا ريحته خبااااال - سينما - جفنشي اليديد - ديور اكورد اليديد لونه وردي - رودريغو نارسيسو - ريحته خبااال بعد -بربري اليديد ماعيبني وايد - إلين مابتندمين لو خذتيه ينفع للمناسبات ريحته قوية واسميها غاوية- ماي كوين ووووووووو الخ ولاتنسين تتعطرين وتتدخنين في نفس الوقت لأن ريحتج بتكون روعة
14- اسماء الكريمات و اللوشن المعطر للجسم او اللي اين في مجموعات ووين يبيعونهم
فيكتوريا سيكرت مستحضراتها وكريماتها حلوة انا احصلها في لايف ستايل اللي في السنتر بوييت وشي بعد لوشنات وكريمات خاصة بالعطوووور وايونج ع شكل طقم كامل
15- محلات تبيع بيجامات قطنية حلوة
ماركس سبنسر - طيف سناء - ردتاغ - ماكس - يعني ممكن من أي مكان ليش لا اذا كانت النوعية حلوة هاي نظرتي انا في التشري
__________________________________________________ __________
>>>> الرد الثالث :
__________________________________________________ __________
>>>> الرد الرابع :
امممممممممممممم عندج بيجامات (محل ميرة )متخصص بس حق لبس نوم وبيجامات في مصانع عيماااااااان وعندج حق تنانيير ووقمصان محل دفانس حلو اغراضهم
وحق تصميم فساتيين سهرة محل شهرزاد الي في بحيرة
ووحق العبي مركز سارة عندهم اشياء حلوة وفيه محل اسمه ماجيك شوز يفصلج جوتي وهاي سوالف وبعد عنده طقم نعال مع شنطة ب200 بس
__________________________________________________ __________
>>>> الرد الخامس :
خواتي اماراتية وافتخر ..نورة الحلوة .. القلم الصريح ..مشكورات ع الافادة و المعلومات الصراحة ما قصرتوا
خواتي ظبية الامارات .. الحلوة .. مشكورات على مروركم الكريم
بغيت بعد بنات عيمان و الشارجة جزاهم الله خير يفيدونا بخبرتهم لان دبي و ابوظبي بعيدة علية بس الصراحة الاخت اماراتية و افتخر ما قصرت وياي .. فأتمنى تفاعل الجميع معانا حتى تعم الاستفادة
و جزاكم الله خيرا و يجعلة في ميزان حسناتكم
