السلام عليكم ورحمة الله وبركاته
شحالكم بنآت عساكم بخير
والحريم بعد هههه عشان ماتزعلون
وامهات فديتكم والله ومنو ينساكم
طبعا انا اليوم فكرتي عن غلطات عروسات
يخصج انتي ي عروس
كيف تطلعين حلوه ف يوم عرسج
طبعا انا ماتكلم عن مكياج لانه صدق مول ماعندي خبره ف مكياج
يعني تكونين مرتبه وبسيطه وحلوه وتجذبين الكل صوبج وتلتفين الانظار
والله انا ماحضر اعراس واييد
لكن رحت وشفت بعض منهم ما شاء الله كل شي فيهم كان حلو
اما بعض منهم والله اوفر اوفر مره
ومول ماكان حلو مع انه اللي مسويه اوفر فستانها احلى من اللي كانت حلوه ومرتبه
لكن الثانيه خربت كل شي بفستانها الاوفر وتسريحتها ومكياجها ومسكتها
يمكن بعض منكم مايعيبها فكرتي
والبعض منكم يعيبها لانها يمكن شراتي نوعا ماتحب بساطه ولكن بنفس الوقت يكون حلو
اولا ي عروسه لو انتي فستانج كله كرستالات طبعا يكون كرستالات
لكن في بعض فسساتين مايكون فيه وايد وايد يعني في مسافات بينهم
المهم اللي فستانها كله شغل من فوق لين تحت
يعني انتي من اول فستانج يلمع وحالته حاله وثقيل
فـ انتي ليش تروحين تلبسين طقم متروس من الماس
ونازل لـ اخر العنق
هنيه المشكله فستان وطقم ثنتين اوفر
ف انا نصيحتي لج ي عروسه انه لو فستانج اوفر خذي لج طقم بسسيط
بسيط بسيط مره ابسط شي مثلا اييج اللي بالولو ي حلاته والله
ولا اللي كلها ورود صغار ورا بعض مثل اجانب يعني خلج شوي اتيكيت
حتى بتوفرين فلوسج
وهنيه مثال لطقم طبعا في احلى لكن انا اقصد يكون بهاي الطريقه
https://im31.gulfup.com/b6KR2.jpg
ثانيا اللي فستانها بسيط
حلو البساطه لكن بحدود معينه
رحت عرس وحده انصدمت لما نزلت
حسيتها لابسه جلابية النوم اللي بالدانتيل
>< انزين ماقلنا لهدرجه
والله ماحسيت انها عروس
https://4arab.xplainer.net/images/smilies/bb/19.png
حتى مكياج ولا كانها حاطه شي
كانت تبا تسوي مثل اجانب
لكن اجانب مب جي والله احلى ومكياجهم بعد حلو
نرجع لمحور حديثنا
فستآنج بسيط نوعا ما
انصحج انج تلبسين طقم يكون فيه شغل اكثر شوي
يعني يكون نازل شوي وطرحه خذي لج شوي يكون عليه شغل
+ مكيآج
انتي ماخذه فسستان بسيط ف خلي مكياجج متوسط
لا اوفر ولا بسيط كانج مو حاطه شي
التسريحه لو يكون بسيط احلى
( عروسه ذو ملامح جميله وطفوليه )
ما شاء الله انتي بروحج حلوه وملامحج حلوه
ليش تروحين تحطين ف ويهج مكياج اوفر وتغطين جمالج وملامحج طبيعيه
شفت 4 منهم نفس الحاله
حلوات ما شاء الله لكن مكياج خرب عليهم
يعني اوفر اوفر مررره يعني شو اقولكم والله
نصيحتي لج
انج تختارين لج ماكيره تعرف تعدلج عدل وماتغير ملامحج
وتخليج نفس ما انتي بس تيب لج رونق حلو
و يلا ي عضوات تفاعلو وياي عطونا نصايحكم
لاتبخلون يمكن وحده تستفيد منكم وماتسوي هالغلطات
تكلمو بشكل عام عن مكياج العروس وغيره
