اللي طرشوا يستفسرون .. و اللي تبي توفر في العرس .. حياكم الله الموضوع لكم

عنوان الموضوع : اللي طرشوا يستفسرون .. و اللي تبي توفر في العرس .. حياكم الله الموضوع لكم
مقدم من طرف منتديات الضمير العربي

السلام عليكم ورحمة الله وبركاته

كيف الحال حبيباتي عساكن بخير
أنا حبيت انزل الموضوع لانه وايد بنات طرشو يستفسرون عن شغلات تخص العرس
وكيف رتبت اموري وأقتصدت .. لكن للاسف في بنات من مناطق ثانية ومااعرف المحلات
لكن انا بعطيكم الفكرة مو لازم المحل يعني راح أبدأ بالفستان ..

الفستان .. طبعا اي وحده بتتزوج راح تحط للفستان من 10000 لين 30000 درهم وإيجار هم مو شراء
أنا بقول لكم شغله صارت مع ربيعتي اجرت فستان 27000 من الرحمانيان " إجااااار " تقول والله إني رحت السعودية
في منطقة الاحساء اذا ماجاب ظني تقول و الله نفسه نفسه هو بالضبط 5000 " شراء " تقول و الله تحسفت و أنقهرت
في السعودية في فساتين اشكال و الوان وباسعار ربع اللي عندنا ..
شي ثاني اللي تحب فستان ناعم وعاجبها واحد على النت ليش ما تفصله هيه تروح لخياط فساتين وتفصله
أنا في عرس أختي عجبني فستان ورحت اخترت الخام اللي اباه لون ونوع وشي راقي وخذته لخياط في بوظبي اسمه " بيت العروس "
على سارع المطار وخذت معاي الموديل تصدقون ماكلفني 2500 مع الشغل و الخام و على الصدر كله شغل ايد وكم مره سوى لي بروفة
وطلع أحلى من اي فستان جاهز لانه على ذوقي وعلى جسمي و لو ييت باخذه جاهز كان بيكلفني أقل شي 4000
وهالخياط يفصل فساتين عرايس ..
واللي تقول بييب فستان من برع ييبي ليش لا و الله ماراح يكلفج أكثر من 3000 او 4000 بس خذي فستان عادي قبلها عشان تشوفين
الماتيريال و التفصيل لو كلفوج الاثنين 4000 أبرك من 10000 او 20170 وإجار على الاقل بيظل عندج .

وحطي في بالج حراااااااااااام إجار فستان لكم ساعه 20170 او 30000
والطرحه عبارة عن شو تور ابيض وفيه شوي تطريز مابيقصر الخياط
وهم في مواقع تبيع هالشغلات باسعار ماتتخيلونها ..

يتبع ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الميك اب و التسريحه
ليش كله نفكر انيب وحده من خارج منطقتنا تكلفنا اضعاف اضعاف القيمة و كلها بتم بويهي 5 ساعات ماكسيمم
و التسريحه أي وحده تبي في العرس يكون شي بسيط عشان لا يعذبها لما تبطله
بالنسبة لي أنا رحت سويت الميك اب في الصالون طبعا بعد مالفيت اكثر من صالون قبلها في فترة وكل يومين اسوي بروفه في صالون لين اخترت صالون و الشعر رجعت القاعة لبست و سويت شعري
و الاهم انه هالوقت ميك اب العرايس يكون ناعم يعني مايبيله وحده ترسم لوحه بالعكس يعني لو تروحين
الصالونات اللي في منطقتج وتجربين واختاري اللي يناسبهم
واللي ما تعرفونه انه العروس ما يميزها مكياجها عشان تلفون وتدورون وايد بالعكس
مجرد انج تحطين الطرحه و التاج وتلبسين الفستان يتغير شكلج وتصيرين مميزه يعني ما يميزج المكياج

__________________________________________________ __________

>>>> الرد الثاني :

بالنسبة للقاعة و العشاء
ليش انزل ل1000 شخص وانا عارفة انه يمكن ايون 500 بس
ليش اختار مينيو فيه 20 صنف و انا اقدر اختار 12 بيطلع اقل بوااااااااااايد
الشغلات الاساسيه في كل عرس عيش و هريس و مرق و مشاوي مع المقبلات و المشروبات
ليش اختار 3 انواع عيش مع مكرونه مع نوعين مرق مع ثريد وكيكة على كل طاولة و برياني خير ان شاء الله
اللي بييلس على الطاولة ادمي ولا شو ليش تكلفين على عمرج و على ريلج واخر شي كل هذا بينعق
لانه الحريم مايمديهم ياكلون ولا يطالعون و لا يحشون و لا يرقصون هههههههههههههههه
فاختاري المينيو العادي مولازم عصاير فرش الله يخلي البارد هذا كله بيوفر عليج
اذكر مره رحت عرس لما حطوا العشاء والله نوع سلطة و برياني ومرق وبارد وهريس ونوع سويت
لما يدتي سالت ام المعرس قالت و الله يا ام فلان بحط لهم الدنيا اخرته بينعق وهم بيتكلمون خلهم يتكلمون على شي يسوى ههههههههههههه قالت لها يدتي كفووو خخخخخخ تشجعها
و المزهريات اللي على الطاولة ليش نختار اللي ب 50 درهم كلها ورد وكرستال شو بنشيلها معانا اخرتها لا يابو العشى بيشيلونها يعني لو تختارين شغله حلوة ومافيها ورد طبيعي وايد وماتاخذ مساحه كبيره صدقيني بتلاقينها على 20 او اقل ..


يتبع ..

__________________________________________________ __________

>>>> الرد الثالث :

الكوشة و التصوير

بروح احط 30 الف على كوشة كلها ورد طبيعي ولا تسويها كبر القاعة و لا كلها كرستال سؤال بتاخذينها معاج البيت ترى الكوشة كلها عشان خلفية الصورة ولا و انتي طالعه بتلاقين اليهال متعلقين في الكوشه ينتفون في الورد ويركضون يعطون امهاتهم في شغلات ناعمة و في شغلات فخمه بس ماتحتاي تكلفة كبيره وتلاقينها على 5000 او 6000 بالكثير .. ترى و الله كل ماكان الشي ناعم كل ماكان احلى ارخص وحتى مع الوقت ماتطيح موضته يعني ماتضحكين على عمرج انا كيف اخترت ها ..
التصوير ليش تصوير فيديو عن الرياييل وعند الحريم و البوم ديجيتال و البوم للمعازيم و البوم للمعاريس
مايبيله فيديو عند الحريم و البوم المعاريس هم اكثر الاستيديوهات يسوون للرياييل البوم اذا اخذتي من عندهم

يتبع ..

__________________________________________________ __________

>>>> الرد الرابع :

بطايق الدعوة
في ناس يسوون بطايق الدعوة كنهم يايين يقدمون لك شهادة تقدير وش كبرها ليش ياخي كل اللي بتقولونه تعالو العرس اليوم الفلاني السلام عليكم وعليكم السلام اذكر وحده كانت تبي تسوي شي فخم فامها تقول لها " اكبر من بطاقة بيت فلان ماوصلنا وهذا اخرتها انعقت في الزباله " في شغلات حلوة ومولازم مطابع مشهورة عشان يتفلسفون في الاسعار و كلها نفس الشي الناس ماراح تستخدمها كلها بتنقرى ووينج يازباله استقبلي

يتبع ..

__________________________________________________ __________

>>>> الرد الخامس :

الحلويات و التوزيعات

انا مابي حلويات عرسي الا من باتشي او فواله
التوزيعات ابيها من المحل الفلاني
ابي 10 صواني حلاو
يابنت الحلال ناس بشر طبيعيين في القاعه منو بياكل هذا كله
بدال ماتاخذين 4 او 5 صواني كبار خذي 4 أو 5 متوسطات بيوصل للكل والكل بياكل وبيطلع قد قيمة ثنتين كبار
وهم تقدرين تنوعين ..
التوزيعات شي بنات في المنتدى تسوي لج التوزيعات ب10 دراهم ابرك من المحلات اللي تاخذ ب 50
وتقدرين بروحج تنوعين يعني 50 حبة من عند تاجره و 50 حبة انتي تروحين المحلات اللي تبيع بالجملة و تبتكرين و 50 من محل بيكون كمية ومتنوع
ولا تحطين على الطاولات نصييييييييييييييييييييييحة لانه في نص العرس تقوم خدامة و لا اللي يدخلون القاعة وماتعرفينهن من و لا من القاعه يلمنه من الطاولات وكانج ماسويتي شي ولا مرات تحطين توزيعات فيها بخور و دهن عود وتلاقين كل ياهل شايل 4 او 5 و داسنه عند امه
فيتوزع لما العروس تظهر او وقت العشى و اليهال و الخدامات مايخلصنه عليج


بس تعبت هههههههههههه إذا تذكرت شي او تذكرتوا خبروني
واتمنى انه الموضوع يفيدكون