ممكن تفهموني الفرق بين الزهبه والمهر؟ لتكوني انيقة
عنوان الموضوع : ممكن تفهموني الفرق بين الزهبه والمهر؟ لتكوني انيقة
مقدم من طرف منتديات الضمير العربي
السلام عليكم ورحمة الله وبركاته
خواتي ابغي اعرف الزهبه كم تكون غالبا وعلى شو تنصرف بالضبط
والمهر نفس الشي ابا اعرف كم يكون غالبا وعلى شو ينصرف
وفستان العروس والذهب والقاعه والكوشه والفرقه والخ..
هالاشياء تكون ضمن الزهبه ؟ ولا كيف
وشو الاشيا اللي تكون على العروس والاشيا اللي تكون عالمعرس؟
وهل مبلغ 100 الف مهر و100 الف زهبه مبالغ فيه ولا زين؟؟
اتمنى تساعدوني ويزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المهر .. اللي يدفعه الزوج للزوجة وينكتب في العقد (حتى لو درهم) وهذا المبلغ لج تتصرفين فيه مثل ما تبين تحطينه في البنك لو تشترين اغراض من الجمعية او تاخذين لج عقد او تعطينه ابوج .. على كيفج
الزهية .. اللي يدفعه الزوج او اهله حق العروس عشب تتزهب حق العرس يشمل فستان العرس والمكياج والحنة والفساتين والعبي وكل الاغراض الشخصية
وبالنسبة للمبلغ اللي يكفي يعتمد المصرفة على ميزانية ومستوى المعرس .. والحياة الحين غالية وكل ماكان اكثر المبلغ العروس تستانس اكثر
__________________________________________________ __________
>>>> الرد الثاني :
المهر هو حق للزوجة ولازم يدفعة الزوج بمبلغ معين يكون متعارف عليه بالعايلة
يعني فالدولة عندنا تم تحديد المهر من المغفور له الشيخ زايد ب 20 ألف مقدم و10 الاف مؤخر " أعتقد لوووووول "
صح في عايلات يختلف عندها المهر بس في عايلتنا الكل يدفع 20 ألف ...
وبالنسبة للزهبة تعتمد على أمكانية الرجال... يعني لو يقدر يدفع بيدفع لين 500 ألف ولو ما يقدر بيدفع 50 ألف ...
لان في النهاية الحرمة بتتشرى وبتلبس له...
يعني أنا وحده من خواتي دفعولها 50 ألف زهبة و20 مهر ...
ووحده 250 ألف زهبة و 20 مهر
وهذا على حسب أمكانية كل ريال ........... وطبعا الريال يتكفل بتكاليف العرس من قاعة وعشاء وفرقة
وبالنسبة للمكياج والفستان على حسب الاتفاق ... يعني انا بعرسي ريلي تكفل بالفستان والمكياج وحتى المسكة ...
بس ريل أختى اللي دفع 250 ألف قال انتوا تكفلوا بكل شى......... يعني بالاتفاق...
__________________________________________________ __________
>>>> الرد الثالث :
سبحان الله وبحمده ......... سبحان الله العظيم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
