مآكيرآت رآك [ كل وحده تدخل وتكتب لنا اسم مآكيره واسعآرها ] لاناقة المرأة
عنوان الموضوع : مآكيرآت رآك [ كل وحده تدخل وتكتب لنا اسم مآكيره واسعآرها ] لاناقة المرأة
مقدم من طرف منتديات الضمير العربي
آلسلآم عليكم ورحمة آلله وبركآته
شحآلكم سيدآت الامارات عسآكم بخير
حبيت انزل موضوع عن ماكيرات راك
او الحنايات بعد عشان كل وحده تستفيد
كل وحده تكتب اسم الماكيره واسعارها
واذا عندها صالون شو اسم الصالون
وكيف شغلها وكيف تعاملهاا مع الزباين
https://4arab.xplainer.net/images/smilies/bb/27.png
وانا عن نفسي دايما اتحنى عند وحده اسمها روهي حيدراباديه
نقوشها روعه ومرتب واسعارها بعد منآسبه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
أنا عن نفسي جربت مركز رتوش للتجميل في خزام فيه وحده مواطنه أتمكيج ب 150 درهم و تساريح تبدأ من 200 و بعد شغلهم أوكيه و شفت ميكب سعاد اللبنانيه ما عيبني لين هناك و أتحنيت عند صالون ديزاين يعني شغلهم مش ذاك الزود و بعد جربت الحنه في صالون كوني خلابه في أيام العيد كان أشوي غاوي بس أحينه ما عيبني و أغلب صالونات راك يسوون الميكب و التسريحه ب 350 لأن أتصلت فيهم و سألتهم مثل بترفلاي و إيفاري و إنفنيتي بس مدحولي شغل الماكيره جميله بس هي من الفجيره بس عندها مكان في راك
__________________________________________________ __________
>>>> الرد الثالث :
احلى صالون ف راك و ينافس صوالين دبي
هو بيبلوس
تساريحهم روووعه و مكياجهم بذات الماكيره ايمان
و الشعر١٥٠ و المكياج ب ٢٢٠ بدون رموش
رووووعه بصراحه انا قبل اظرب خط لدبي بس من جربتهم مره عيبوني
ومكانهم فالظيت
__________________________________________________ __________
>>>> الرد الرابع :
انا جربت رنا اللبنانية وشغلها حلوو ونظيف سعرها مكياج وتسريحه 650 للبنات وللملجة 2000 تقريبا ويه الحشوى والباروكة برع راك ما ادري كم فراك وبعد جربت جميلة واايد حلوو وان شاءالله بتمكيجني بعرسي مكياج العروس 5000 والبنات 1000 تقريبا انا اقول الاسعار يوم ايوني وعندها صالون بالفجيرة تمكيج البنات فيه 850 تقريبا يمكن اسم الصالون جمال الالوان
وشفت شغل سعاد اللبنانية وما عيبني وبعد مكياج وصايف وااااايد حلوو وسويت وياها 850 غير الحشوى والباروكة وعندها صالون فراك اسمه صالون حراير وشفت شغل فاتن ما عيببني
وسموحة هاذا اللي اذكرهم
__________________________________________________ __________
>>>> الرد الخامس :
انا جربت عواطف المناعي فملجتي تعدل فبيتهاااا وتعدييلهاااا وايد حلووو واسعارها زينه اتوقع ب 1500
وصالون ايفاري تعديلهم حلووو واسعااارهم رخيييصه ميكب ووتسريحه ع 250
والحنايه دووووم اتحنى عند شمسه وحناهاااا روووووعه وتيني البيتت ولا اروح صالون سونيا فالجولان حناهم حلو بعد
والتشقير وتنظيف البشره عند شااااميه
