قصيدة الجربا يمدح ( جيب ) شعر جميل
عنوان الموضوع : قصيدة الجربا يمدح ( جيب ) شعر جميل
مقدم من طرف منتديات الضيافة العربية
هذه قصيده لشيخ قبيله شمر الشاعر: احمد فريس الجربا: يمدح في هذه القصيده
(جيب الباترول)
وهمي اللي همني حيل واغرق
حالي وفرح العين مني سرقيا
وقفت تالي الليل والخيط ماشق
والدمع من عين المولع غرقيا
اللي تامل في حياتي وبرق
شاف الامل في دنيتي مابرقيا
يلقى وشوم الحزن في مهجتي دق
وقليل من عمري هو اللي عتقيا
مابين علم الطا في نق في نق
ومابين علم(ن) بالزفير وشهقيا
ومابين سم في حشى الروح يشلق
وحطم خلايا بالوريد ومحقيا
ومابين حزن لاسق الروح والسق
ومن كثر ماهو لاصقن به شلقيا
اجتاحني حزني وغرب وشرق
وانا الاسير اللي من العام شقيا
عزاه ياقلب(ن) بكى الهم طبق
وارهش عليك الحزن فوقه نعقيا
وسريت في ليلي مع الجيب الازرق
اللي زراق الليل معه انزرقيا
جيبن زرق فلبيد معها تمزلق
اللي لمتاهات الفيافي عشقيا
عشق العشوق اللي تعاشق وتعشق
تلقى الرضم من حدر بديه رشقيا
رشاق شقاق الفيافي لياشق
يشبهرشاش النياشن مطقيا
جيبن على حلو الفيافي تمطق
مع الفجوج اللي تعقد نطقيا
جيبن سفاري للمساري تدلق
مشي على غيره بدابه فرقيا
سميته الوافي وهو وافين حق
حقق وانا حققت في الحققيا
دايم على خوض الصعيبات يشفق
ياشاف صعبن قال ربي رزقيا
عزمه قوي ماعمر يومن تعلق
ياشاف حمر النفط فاع وانطلقيا
يشبه شيهان مع الجو حلق
ياجاك ماهو بشايفله سمقيا
من يركب البترول ماراح يزهق
ولايعرف التهميز هو والزقيا
في خوت البترول تقسم ونطق
خوت وفا خوت صويب الشلقيا
اركا على كبد المواتر وحرق
من بينهن يرقا جميع البرقيا
الجمس والتايوت والفرد الاخرق
كلها مع البترول خاقن وخقيا
كنج الصحاري دق دق خشومها دق
دق دق خشوم اللي تريد السبقيا
خلاني الجى للخلا واتملق
لين الخلا من واقعي هو نفقيا
حاولت اقاوم لاكن الهم حرق
كل الامل واخرس جميع النطقيا
وارجو ان تنال على اعجابكم.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مع اني اغلب الكلام ما فهمته
بس قصيده حلوه
شكرا على النقل الجميل
حياك الله
__________________________________________________ __________
>>>> الرد الثاني :
تسلم يمناك على نقل
الله يعطيك العافيه
دمت بود
__________________________________________________ __________
>>>> الرد الثالث :
يعطيك الله عافيه يا اخوي والله قصيده طيبه بالحيل ويكفي اللي قايله شيخ شمر مايحتاج لها كلام ومدح.
__________________________________________________ __________
>>>> الرد الرابع :
الجمس و التايوت و الفرد الاخرق ***** كلها مع البترول خاقن و خقيا
بيت الصراحة اعجبني ..
تقبل تحياتي اخوي هاوي .. ويعطيك الف عافية .. أخوك .. نو1ف ..
__________________________________________________ __________
>>>> الرد الخامس :
لاشكر على واجب وتقبلوا فائق احترامي.
