أول مرة اييب شغالة وهي فلبينية شو تنصحوني؟؟

عنوان الموضوع : أول مرة اييب شغالة وهي فلبينية شو تنصحوني؟؟
مقدم من طرف منتديات الضمير العربي

شحالكم خواتي ..

الله يسلمكم نحن رحنا المكتب نختار شغالة وحصلنا وحدة فلبينية مسلمة يالسة هناك اونها مشتغلة عند ناس من شهر والحين ماتباهم لانه عندهم عيال وايد .. انا ماقتنعت بس ريلي اصر عليها وخذاها ..

هي طبعا تشتغل اول مرة.. مسلمة ولاتعرف عربي ولا انجليزي ونحن ماعندنا شغل وايد وعندي ولدين بس..
بشكل عام هي نظيفة وتتسبح مرتين فاليوم وتشتغل زين بس احسها ماتعرف الين هناك بعدها ..
المشكلة انهم قالولنا مسلمة بس انا ماشفتها تصلي ولا فرض وغير جيه تظهر شعرها جدام الرياييل .. الحين الكل يلومني ويقولي انتي بتاخذين ذنبها .. اباكم تنصحوني كيف اتعامل معاها ومن شو تحذروني .. يعني اللي بتنصحني جزاها الله الف خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

https://4arab.xplainer.net/images/wo...quote_icon.png المشاركة الأصلية كتبت بواسطة أم سيفان https://4arab.xplainer.net/images/wo...wpost-left.png
شحالكم خواتي ..

الله يسلمكم نحن رحنا المكتب نختار شغالة وحصلنا وحدة فلبينية مسلمة يالسة هناك اونها مشتغلة عند ناس من شهر والحين ماتباهم لانه عندهم عيال وايد .. انا ماقتنعت بس ريلي اصر عليها وخذاها ..

هي طبعا تشتغل اول مرة.. مسلمة ولاتعرف عربي ولا انجليزي ونحن ماعندنا شغل وايد وعندي ولدين بس..
بشكل عام هي نظيفة وتتسبح مرتين فاليوم وتشتغل زين بس احسها ماتعرف الين هناك بعدها ..
المشكلة انهم قالولنا مسلمة بس انا ماشفتها تصلي ولا فرض وغير جيه تظهر شعرها جدام الرياييل .. الحين الكل يلومني ويقولي انتي بتاخذين ذنبها .. اباكم تنصحوني كيف اتعامل معاها ومن شو تحذروني .. يعني اللي بتنصحني جزاها الله الف خير



أم سيفان :1 (37): من أي مكتب يايبتنها ؟ لول ليكون اللي رديتها انا !! بس نحن ما عندنا غير ولد واحد ما اظن انها نفسها

شو اسمها نور عين ؟ لول

الغاليه انتي كوني حازمه معاها لا تتهاونين يعني خبريها انج تبينها تلبس جي وتسوي جي ولا تضحكين بويها لانها بتتمادى



والشغل اللي تحسينها ما سوته عدل خليها تعيده مرتين ثلاث او اربع وراقبيها كيف تشتغل وبالبدايه وقفي على راسها وخبريها

تدرين انا اللي يتني كانت شو تسوي اذا قلت لها مثلا خمي المكان تخم جزء صغير من المكان وتودر الباقي يوم لاحظتها جي قمت ادقق عليها زياده

وعن اللبس قوليلها وراويها كيف تلبس الحجاب واذا تبين شي ثابت شوفي الحجاب السوري اللي ايي مثل قطعتين قطعه صغيره وقطع عوده تحطه فوقه علشان ما يكون لها عذر

__________________________________________________ __________

>>>> الرد الثاني :

ههههههه لا اسمها مايلين من مكتب المطر.. انا شفتها جيه يعني لازم اكرر عليها الطلب اكثر عن مرة ماحافظة من العربي الا كلمة خلاص .. وعن لبسها قلت حق ريلي وهو اللي ماخر السالفة واليوم يت عمتيه ام ريلي بيتنا وشافت الشغالة لابسة بجامة مرصصة وقاعدة ادور فيها جان تهزبها وتقوللها غيري ثيابج .. المشكلة اسالها عن الصلاة و الحجاب تخلي عمرها مب فاهمة والله محتارة شسويبها

انزين شو الايجابيات فالفلبينيات المسلمات وشو السلبيات وشو المناطق اللي يايين منها تكون زينة وشو منهن الشينة

__________________________________________________ __________

>>>> الرد الثالث :

لول أم سيفان الخدامه اللي يبتها سوت لي مناكر باسبوع واحد وكرهتها وكنت يايبتنها من مكتب المطر وصاحب مكتب المطر متفهم يمكن لان ريلي يعرفه بس ما ادري هو احس به زين وشديد يكفخ الخدم لول

شكلها يايه هالخدامه من منطقه نائيه يعني بعيده عن المدينه اغلب اللي بالمدينه يعرفن انجليزي

اللي من مانيلا يمدحونهن بس صعب تحصلين فيها مسلمات وزينات او فاهمات .. تدرين انا ما ابا اتكلم بهالطريقه بس هذا شي لاحظته باغلب الاماكن ان الكريستيان اتييلج وايد زينه وشغوله وتسمع الرمسه وما تتمنكر .. والمسلمه اتيلج عوذ بالله مادري شفيها ..

عموما الغاليه هم ما يعرفون وايد بالاسلام يعني لازم تتوقعين هالشي منهم واذا فيج صبر علميها او اشتريلها كتب عن الاسلام بالفلبيني اذا في بتحصلين اجر


تدرين اللي يتني كانت بلوه وسوت لي فلم هندي يمكن ما قريتي موضوعي اللي كتبته

اذا دورتي بالقسم بتحصلين الموضوع

انا بعد ما رجعتها رحت اخترت وحده مشتغله بالكويت مسلمه عاد الله يستر يارب تكون زينه

تدرين انا اول ما يتني هالخدامه كنت مزهبه لها ملابس مع اني ما اعرف مقاسها بس خذت كم جلابيه وبناطلين وحجابات وبعد ما وصلت وديتها معاي اشتريلها على قياسها بس قبل ما اروح اشتري فتشت اغراضها شو عندها وشو ما عندها لانها بعد ما كانت تعرف ترمس فقلت ابا اشوف شو من الاشياء اللي يايبتنها معاها

تعرفين معظمهم ترى يفهمن بس يستعبطن عليج وهذا اللي يقهر انتي حاولي تدققين عليها واذا حسيتي عمرج ما ترومين توصلين لها المعلومه خلي الفلبينيه مال المكتب تكلمها وتهزبها بتصطلب لج شوي

__________________________________________________ __________

>>>> الرد الرابع :

هههههه انا قريت موضوعج بس مانتبهت انه نفس المكتب سبحان الله .. هيه لاحظت عليها فالبدايات تستهبل وتخلي عمرها ماتفهم وانا اشوفها يوم اطري شي تطالعه ومرات اعلق تعليقات تضحك .. ويوم قلت حق ريلي قالي لازم تعرف عربي شوي لانه مشتغلة شهر فالبيت القبلاني .. صح اني بغيت وحدة مشتغلة بس الحمدلله ع كل حال اشوفهم نفس الطينة كل وحدة تييج تقولج انا ماعرف اسوي شي .. وهاي لا اشوفها كل يوم شغلها يتحسن وتشتغل بدون لا اقوللها .. اهم شي عندي انها ماتظر عيالي خاصة ولدي سيف لانه يطفربها ويضربها بس اشوفهاكله تضحك وماتعصب .. الله يستر بس

__________________________________________________ __________

>>>> الرد الخامس :

أم سيفان فديتج الفلبينيات يتعلمن بسرعه عربي ويلقطن الرمسه لانهن بعد يدرسن بالمدارس عربي ويدرسن انجليزي بس اذا كانت دارسه اول وثاني ما تعرف وايد يعني يبالها فتره ..

وان شاء الله ما تضر اليهال ودامها تشتغل وتتعلم عيل اصبري عليها مادري انا كرهت الاولى من الخاطر من حركاتها اللي سوتها

وديري بالج لا تخلينها تحتك بخدامات الفريج والا بيخربنها لج لول

وبالنسبه لليهال اذا انتي ما ضريتيها ان شاء الله ما تضرهم عامليها معامله حسنه بعد هي بشر بس لما تخطي دوري طريقة عقاب ما تحقد فيه عليج .. لان الفلبينيات اذا حد غلط عليهن يتم شالات بخاطرهن ولازم ينتقمن اذكر بيت اختي كانت عندهم فلبينيه وحليلها بهدلوها وتمت سنتين فقيره عندهم ويوم كانت يايه كان عمرها 16 سنه ما تعرف شي والمكتب يقولون اونه اكبر بس هي صغيره وكانت فقيره تغمض وطيبه ..

بس سافرت وهي شاله بقلبها عليهم

ورجعت اشتغلت عند ناس ببوظبي

وبعدها بفتره بيت اختي يابوها مره ثانيه وهالمره يايه وهي تبي تطلع حرتها فمن غيضها الاولاني ضربت اختي وعلى طول ردوها

فدامها زينه معاج عامليها بالزين بس لا تتنازلين عن حقج يعني خليها تسوي شغلها مهما كان ..

وبالنسبه لليهال حاولي تعودينهم انها بشر لانه مب زين جي والله يحفظهم لج انتي بعد انتبهي لهم لان احيانا الاهل ما يتحملون عيالهم فما بالج بالغريب .. https://4arab.xplainer.net/images/smilies/smile.png

والله يوفقج ويصلحها لج يارب ويعطيج خيرها ويكفيج شرها