تعالوا قولولى شو اسوى فيها

عنوان الموضوع : تعالوا قولولى شو اسوى فيها
مقدم من طرف منتديات الضمير العربي

الحمد لله من تزوجت ما يبت خادمه واكرهم كره العمى
ومن ثلاث شهور اختى يابت وحده اثيوبية وما بغتها (لانها قصيره )
وحايلوا على اهلى وريلي وخذيتها بس بشرط تنام بيت اهلى
وقامت تى الصراحه شغلها روعه وخلوقه وما قصرنا فيها من ثياب ومن اكل اى شئ اشتريه لنا اشتريلها لوجبس
المهم صار لنا موقف وياها من كم يوم سارت عند البيادير ويلست اتسولف وياهم وعصبت عليها
اتغيرت من عصبت وصارت كله اتبوز وما تشتغل عدل
قلت ما اباها ورمست بشكارة امى اثيوبيه قلتها اذا تبغي تشتغل ما عندى ها السوالف اتسير عند الرياييل
عاد هى كادت
امس بنتى تلعب في البيت ويبتى صغير اشوفهم حتى من غرفتى
وسمعت صرخة بنتى من الغرفه اللى عدالى
يوم سرت شفت الخدامه مبطله الباب هى دفشه وايييييييد
قلت عيل فتحت الباب على ريلها يوم يايه بطلعها
وكانت بنتى اصيح وتقول اسم الخدامه

والطامة الكبرى يوم اكتشفت
انها حارقتنها بالاوتى
بتقولون لا حرام ظلمتيها بنتى ملبستنها بنطلون على الاقل بيبين البنطلون انه محترق نفس الحرق اللى في بنتى
لا ها مبين ان حد مشلحلها البنطلون وحارقنها
والله اليوم يوميت تشتغل كانخاطرى ازغتها والا ايب طش ماي واخنقها

قررت اسفرها بس من غير ما تدرى خبرونى كيف وهى في بيت اهلى يعنى يمكن البشاكير ايشكون ويخبرونها اذا قلتلها خذى اغراضج

وكيف افتش شنطتها قبل لا اتسافر
وانا كنت ماخذتلها من 1 و2 لانها بنت صغيره 21 سنه
قلوب وشباصات ونعله
اخليهم والا اخذها(خوف من انها اتسوى سحر في بلادها )

شوروا على الله يخليكم

وقلت توبه بعد اييب حد لو كنت متكسره :1 (70):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا أختي
انا وياش سفريها بدون ماتخبريها ولا تقولي لاهلك عن الموضوع ويوم موعد الطايره خبرهم.
يا قلبها كيف تقبض الكوايه وتحرق البنت ، اليوم كذا وباكر شووووووووو
المهم أختي نزلت موضوع أتمنى انه يفيدك "كورس مكثف للتخلص من الخدامه" اطلعي عليه وعطيني رايك

__________________________________________________ __________

>>>> الرد الثاني :

شفته الغاليه
وكنت مطبقتنه 7 سنين ولله الحمد
بس الله يسامحهم يلسوا يزنون فوق راسي والله من يبتها وين ما اسير اتم احاتى عيالى
بس ما كنت اخليهم الا النادر لان طلعاتى اتكون العصر واخليهم في البيت ويا ابوهم

والله شر اعوذ بالله منهم
وجزاك الله خير

__________________________________________________ __________

>>>> الرد الثالث :

الله يعنيك لو انا مكانك يمكن سويت جريمة
الله يحفظ اولادك واولاد المسلمين جميعا
يا ليت تسويلها تعميم لصورتها وبياناتها في المنتدى عشان ماحد يجيبها

__________________________________________________ __________

>>>> الرد الرابع :

الله يعينك اختي

لو انا مكانك كانت سويت جريمة فعلا كله و لا بنتي الله يحفظ اولادنا

للاسف الخادمات شر لابد منه

وخاصة اذا كان البيت كبير و يلزمه شغل

و الايثوبيات الصراحة يبي لهم حد يدقهم على راسهم لانهم شايفات حالهم و يفكرون انه انتي اللي تشتغلين عندهم مو هم

انا كانت عندي ايثوبية و الحين سفروها البيت لانه شوي و تعطيك طراق اذا طلبتي منها اي شي

و دايما مكشرة و نافخة بوزها مع انه مثل المعاملة اللي نعاملها ما تحلم تلاقيها في اي بيت

لكن اكتشفت انه بعض الخدامات ما ينفع معاهم التعامل الحلو

__________________________________________________ __________

>>>> الرد الخامس :

جوفي اختي اصابع ايديج مو مثل بعد والناس نفس الشي في خدامات بينج حق لعب ورياييل وشردات وفي بعضهن بينج حق شغل لانهن عندهن عيال ومحتاجات صدق يعني انتي لازم اجربين ومن كل جنسيه بتحصلين الشين والزين وقبل ما ادخلين اي خدامه بيتج قولي هالدعاء ((اللهم اتنا خيرها واكفينا شرها))وكل ما تظهرين من البيت اقري على عيالج والله بيحفظهم من كل شر وبالنسبه لموضوعج ما ادري شو اقولج لو كنت مكانج بسفرها اكييد بخليها اتحط اغراضها وانا واقفه على راسها وطبعا الاغراض اللي عطيتيها ياها مب حلوه انج تردين تاخذينهم اهم شي انها ما تكون سارقه عنج شي بعد ما تلم اغراضها عطيها فلوووس 200 او 300 ووديها المطار وانتهى الموضوع لاتقوليلها انا سفرتج عشان انتي حرقتي بنتي او عشان شي ما تعرفين يمكن اتكون من النوع اللي يكيد ... ما اقوول غير الله يحفظج انتي وزوجج وعيالج امييين ...