مشكلــــة مصاريــــف .. تعالوا شوروا عليه اعمال منزلية

عنوان الموضوع : مشكلــــة مصاريــــف .. تعالوا شوروا عليه اعمال منزلية
مقدم من طرف منتديات الضمير العربي

السلام عليكم بنات .. وحرمات


انا عندي موضوع ابغي اناقشكم فيه وااخذ آراءكم لاني ما ابغي اتسبب لي ب مشاكل ما لي غنى عنها ..

بقولكم الوضع وانتوا افهموه .. مثال ترى مب صدق .. لاني بعدني ما تزوجت لكن هذا بيكون حالي ..

اذا تزوجت واشتغلت .. وساعدت زوجي في دفع دينـــــه (( بسبب زواجه منـــي )) .. وبسبب ايضا ان ما تم له من راتبه غير القليل اللي ما يقدر يصرف علي منه .. وانا أشتغل وراتبي اكثر منه قولوا تقريبا ضعف راتب زوجــــي ... في هالحاله شو اسوي في موضوع المصاريف .. في حريم يقولون الحرمه لازم تعود ريلها انه يصرف عليها .. لكن في حالتي انا شو اسوي .. !! اذا هو راتبه ما يساعده بسبب دينه وانا بشتغل عشان اساعده .. لكـــن من ناحية بخليه يصرف اللي هي مصاريف البيت .. بس مصاريفي انا بتكون علي انا !!

شوروا عليه ..

بانتظاركم عزيزاتي لا تبخلون عليه بالرد .. لاني ما ريد استبب في مشاكل انا في غنــــى عنها مع زوج متفهم ومحب وحنون .. :1 (76):

اختكم ومحبتكم

العمــر :22 (4):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله وبركاته
اختي انا بقولج راي الشخصي
اول شي الدين ثانيا الاصول
ان الريال هو اللي يكون مسئول عن الحرمه وكل شي يخصها ها الشي واجبه
اما معاشه حتى لوكان شويه في البدايه الانسان يتطور والشويه رح يسير ببركة التزامنا بدينا وحقوقنا كثير .
واللي يتعود انه من البدايه ما يكون مسئول عن الحرمه سوا مصروفها او غيره ما رح يتعود
بل بالعكس ممكن يدور على وحده يكون هو مسئول عنها .

__________________________________________________ __________

>>>> الرد الثاني :

افا بس افا ماشي ردود يعني !!

__________________________________________________ __________

>>>> الرد الثالث :

انا من راي الشخصي موب مشكلة تساعد ريلها بس بحدود مثلاً : تساعديه أنج تصرفين على عمرج من ناحية لبس وصالونات واذا وايد وايد سرت الجمعية تخذين شوية اغراض حق البيت ..بس مصارف البيت الأساسية من أكل و شرب و اغراض البيت من منظفات و خاربيط و فواتير التليفون ومصاريف العيال عليه بس ما يمنع اذا خذتي حق العيال مثل لبس عيبج و لا شي يعني خلي الأمور تمشي بساطة و خاصة اذا الريال يقدر و يستاهل ..واذا بتعطينه شثي من طيب خاطر موب مشكلة طبعاً في حالة اذا كان محتاج بس مو لدرجة تخلنه يستغلج ..وفي شغلة تسوينها انج تفتحيلج حساب توفير للزمن الأغبر و الواحد ما يضمن الظروف ..

والسموحة هذا وجهة نظر لا أكثر و لا أقل و الموضع حلو يستاهل الواحد يتناقش فيه و نتريا راي البقية

__________________________________________________ __________

>>>> الرد الرابع :

رايج حلو عزيزتي ...

بانتظار الخواااات

__________________________________________________ __________

>>>> الرد الخامس :

عزيزاتـــــي على فكرة الموضوع عااااام وما يتحدث عنــــي فقط ....


نبغي اراء وافكار حتى نفيد ونستفيد

العمر