يابنات شاسوي قولولي الخدامة تتصرف من نفسها؟ شغل يدوي

عنوان الموضوع : يابنات شاسوي قولولي الخدامة تتصرف من نفسها؟ شغل يدوي
مقدم من طرف منتديات الضمير العربي

السلام عليكم ورحمة الله وبركاته

شخباركم خواتي؟؟

مثل ماجفتو في العنوان
.
.

الخدامة توها صارلها شهر
والأخت تتصرف من نفسها

مثلاً:
تطلع دجاجة كاملة حق غداها
عبالها إحنه قاعدين على بنك
يعني كل أسبوع بنروح نشتري كارتون دجاج !!!

ونفس الشيء الأرز ( العيش)
مسوية لها حق غداها جيلة كاملة
جنه مسوية عيش حق عايلة كاملة

نفس الشيء الروتي والجبن الأخت ماخذه راحتها
احنه في اليوم مرة نفتح الثلاجة
إهية الأخت عندها الثلاحة والأكل
رايحة وياية تاكل

مايتم لنه شيء

المشكلة أني إذا كلمتها باعصب عليها
وآنة ما ابي أعصب لأنهي اتيود ولدي
وأهية حليوة معاه وحتى معاي

وآنة أول مرة أكون مع الخدامة في بيت واحد
يعني آنة المسؤولة عنها

فياليت بنات اللي صار لهم سنين مع الخدم
.
.
يقولون لي شنو تسوون مع الخدامة اللي تتصرف من نفسها.؟

وشنو الأشياء اللي تسوونها وتتبعونها علشان أكلها وباقي إلتزاماتها؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ختيه الغاليه هذي شرات خدامه هلي المشكله مانقدر نيود الاكل عنها لأن الوالد يقول حرام خلوها على راحتها هاي مسؤوليه علينا ومب زين نحرمها الاكل والله كوب الجبن تتريق فيه كامل والغدا ديايه بروحها ولما تاكل تحسين تقرف بالواحد وغير عن كراتين التفاح والبرتقال والموز اللي مايتم شي بيومين لا واللي قهرني جسمها ولا الرشاقه خخخ
بس تحرمينها وتحاسبين عليها حرام لانه هاي مسؤوليه وأنا أقترحت على الوالده تسفرها بس هيه زينه

__________________________________________________ __________

>>>> الرد الثاني :

في بشاكير اول ما يون جيه يكونوون عقب يخفون .. تراهم ما جايفين هالنعمه عندهم ..
انا شغالتي تبلغ من اول ما يت لحد ما سافرت كملت سنه ونص ...
بس ماكنت اقولها شي ... استحي والله ..
بس اذا انتي ما بتستحين .. حددي لها الكميات .. واشتري لها اكل خاص فيها قوليلها هذا لج وهذا لنا
واي شي زياده تبين ادفعي من راتبج اكيد ما بتطلب زياده ..
وحل ثاني ممكن تردينها المكتب واتيبين غيرها ..

__________________________________________________ __________

>>>> الرد الثالث :

حبيبتي الغاليه

رمسيها بالهداوة

يعنى لا تبينين لها شي
قولي لها اليوم غذانا دياي .. وسوي بس نص ديايه

اليوم اللى بعده غيري الصنف

والعيش قولي لها بس يكفي ( حددي كمية القلاص )

وفهميها هذا وايد واسراف ..
اذا حسيتي انها ما سمعت رمستج .. نبهيها مرة ثانية واذا طنشت بعد
ما في غير تودينها المكتب

لأن في منهم بطرانات وعبالهم احنا نغرف من بحر .. ويلعبون لعوبهم

__________________________________________________ __________

>>>> الرد الرابع :

ذكرتينيه بخدامة يبتها

كرهتني في شي اسمه أكل

تخيلي إنه قبل لا نفطر تاخذ الأكل وتاكله... هذا في رمضان..

يعني ع الفطور عادي تحصليني أسوي ملة سلطة ثانية..

أونه شو.. انا موتي وحياتي الخضرة... عاد مب ملة بكبرها.. استحي ع ويهج...

وتخيلي.. ريوقها خبزة كاملة... وعلبة بسكوت دايجيستيف...

وقلاص حليب...

وشي مرة قامت من النوم الحبيبة تتوحم لي نسكافيه.. فقلت لها حاليا ماشي.. الفليل بخلي ريلي اييب...

تخيلي شو سوت.. فرت الصمون في ويهي وراحت تصيح..

شوي وبلتها كف ع ويها..

حقيرة... كرهتها والله...

وغير يوم الوالدة كانت اتيب لي مناقيش ولا شي..

كانت تطرش لي 6 حبات.. 2 ريلي.. و2 أنا.. و2 هي..

تخيلي... تاكل 4 وتخلي 2..

أونه لباجر

شو مطرشين لج انتي وبس؟؟

فقلت لها من اليوم وصاير تستأذنين قبل لا تاكلين شي...

لأنه مرات الأكل يكون لحد معين.. مب كل شي لج...

ويوم نروح مطعم ونتشرى ناخذ لها من كل صنف.. والله إنه الأكل عندنا يزيد.. وهي تبا بعد..

وريلي يقول.. يا حليلها شهيتها مفتوحة.. خلها تاكل.. نكسب فيها أجر

أي أجر وأي بطيخ وهي مسيحية..

بصراحة.. ما قدرت أتحملها أكثر عن جيه..

تدرين ليش؟؟

مع كل هالأكل.. يوم نروح مكان تروح تدور منو راعية البيت وتقول لها أنا يوعانة.. عطيني شي آكله..

كأنها تقول أنا مب محصلة شي..

فحبيبتي من الحين علميها إنه عيب هالحركات... وخلها تخفف.. قولي لها من معاشج خصصي لج جزء معين لأكلج.. صدقيني بتقتصد

https://w6w.net/album/35/w6w200504230824086c096eda.gif

قطع قطن إيطالي
https://forum.uaewomen.net/showthread.php?t=400713

قطع بـ 35 درهم
https://forum.uaewomen.net/showthread.php?t=377388

قطع بـ 25 درهم
https://forum.uaewomen.net/showthread.php?t=356218

ومتوفر أيضاً قطع مع شيلهم على 50 درهم

__________________________________________________ __________

>>>> الرد الخامس :

والله أنا شغـــــالتي ترفع لي الضــغط مب من
ناحيہ الأڪٍل لا تتصرف من تلقــــــاء نفسها
في أمور مثل اطلع طاولہ الڪٍوي من غرفه
الڪٍوي وتوديها غرفہ ثانيہ وتـحرك فالبيت
عڪٍيفها أقولها لا تسوين شي بڪٍيفج.....
جي البيت بيت ابوها؟!!
لا ومستويہ تستهر فالغسيل ما يعيبني
غسيلها إلا اذا وقفــــــت على راسها
أول ما يتني تهاونت معاها بس ألحين
قمت أشدد على ڪٍل شي عـشان ما
تحس إني غافلہ عن اللي تسويہ......